يا غيم ليتك ماتفارق سمانا

[سعيد محسن الحريص]

ياغيم ليتك ماتفارق سمانا
دايم. مخيل. مامعك برق ورعود

والارض خضرا والدهر ماوطانا
ولانصارع ايامً بها الرزق. محدود

على. الامل عشنا ولا جا. رضانا
واللي كتبه الله ماعنه منشود

ايما ننا بالله ما اوقف رجانا
بالله نسري نطلب المد بالزود

وننخاك ياهذا الزمن وتعصانا
وتشوف دربك لاكن الشوف مرمود

واما عطانا الله ماحدً. عطانا
واما غرست العود ماينبت العود

يافهيد نمدح بالزمن ويهجانا
نعطيه ورد وردها صاع بارود

ونقول باكر يستحي من عطانا
واثر الزمن يافهيد مايعرف الجود

نصد عن فعله نكرم. لحانا
ونقول مانبغى نجي كل منقود

ولو نبكي احداث الزمن مابكانا
كشر بنابه وانتخى. وصار نمرود

ونصد كنه بالفعل ما عنا نا
ونقول باكر ماله اعقال وقيود

واثره يبي مانكسبه في يدانا
يافهيد نبغى العد. والعد مارود

ولا ادري بلينا الدهر والا بلانا
لاكن لقينا وضحنا عودت سود

ولا ادري خطا الايام والا خطانا
لاكن من لوعات الايام ملهود

طول السنين انجاهده ما شكانا
الا على اللي بامره ايسير النود