عرض مشاركة واحدة
قديم 2007, 06:42 PM   [1]
روح التميمي روح التميمي غير متواجد حالياً
مؤسس


 





روح التميمي روح التميمي غير متواجد حالياً
مؤسس


 






وقال يمدح عنيزة وأميرها آنذاك المرحوم زامل العبدالله السليم :




يفيدك من تجاريب الزماني=فلا ينصرك بالدنيا هداني
ولا يسعدك في وصلٍ بخيل=ولا تنسب قريبٍ ما يعاني
ولا تصغي لرايٍ من غشيم=ولا ترجي المكاسب من هداني
وأنا أمدح ديرةٍ شاهدت فيها=وجاورت الكرام بكل شاني
وعاشرت الميامين الفهامي=أهل تبذيل جزلات الحساني
سنام المجد في نجد رباها= بها يدعون في غر التهاني
بها ما شئت من دين ودنيا=وللعاني وسيعين الجفاني
وكم معلّم للعلم فيها=ونادى للندى حلو المجاني
وكم من قاريٍ فيها وقاري=وكم من قاري فيها القرآن
وكم من عاشقٍ خمص المثاني=وكم من تاليٍ سبع المثاني
ومشغوفٍ برنّات المثاني=ومشغولٍ بشدّ حجاج عاني
ويالله درك من بلادٍ=محيطٍ سورها جل المعاني
زهت سكانها وهم زهوها=بقرعٍ عن حماها بالسنان
وزانه وأهلها قنديل عِزّه=وعفّى جالها من كل جاني
ولو ما قيل منهو قلت (زامل)=يشادي كوكب القطب اليماني
ذرى الجافي حجا اللاجي وحامي=حصون الزامليات العواني
وكم جاه الدخيل وحل عسره=إلى ما قِطّعت عنه العواني
مخيف الضد ليث ما يخاف=وحشا جانبه عن نطق وشاني
وله جنبٍ على النكبات أقسى=وصلب من صفا صوّان (إبان)
وإلى حلت خطوبه معجبات=وأعيا حلهن الترجمان
تصدرها بحزم الراي حتى=يحل عقودها شرف البيان
سقى الله ديرته من كل مرزم=صدوقٍ سامي باغيث داني
محنّ موجف لجبٍ محنتم=مرنٍّ مرجفٍ دجن المباني
يعله كل يومٍ غبّ يومٍ=سفوحٍ هاميٍ يملا المغاني
يباكر ديرةٍ للضيف مدهل=عناها الله في عونٍ وأمان
ومدحٍ مثل مدحي ما يعيبه=فهيمٍ حين يصدق به لساني
وخذ من ضارب الأمثال قبلي=يفيدك من تجاريب الزمان


توقيع روح التميمي
تكلم حتى أراك ..!
رد مع اقتباس