فتحت الصدر كامله

فتحت الصدر





فتــحت الصـدر يافتنه وفرجتك على قلبي
حللـــتي وادي فـوادي نزلتي به وخيمتي
وشفتي ماخفى مني وهـمي منـك يلعـب بي
ولايدري عن احوالي سوى ربي وانا وانـتي
زرعت بروضة الياليت غرامي بك وحسر بي
تمنيتك ترجيتك وصادقــتي ردى بختــي
يمشيني رجى وصلك اجي واقف على الدربي
وطرفي شاخص ياهيه لكن ماتلاينــــتي
هقينا ماهقينا بك وشكوانا عـــــلى ربي
يضيع العمر للعاشق ولامن حاكم يفتــــي
بشوق وخوف من شانك وانا المطعون في جنبي
هي البلوى رمت حظي عليك وماتورعتــي
اصيح بصوتي الخافي الى نسنس هوى الغربي
يجاوبني صدى صوتي وانا اللي لازم صمتي
هوى واشواق تطلع بي سماها ثم تنزل بـي
ولاشالت ذلول الله مثل ماشلت في وقتــي
الى جاء الصبح اسجم وانطوي مع همي وتبي
سواد الليل يداويني دوى العشاق الى نمتـي
احبك واشتكي حبك ولاقلتي سبـــب حبي
تجاهلتي وجود اللي يعاف الناس الى غبـتي



من كلمات

حمد العلي الهقاص البقمي

][®][^][®][اصيح بصوتي الخافي الى نسنس هوى الغربي

يجاوبني صدى صوتي وانا اللي لازم صمتي

صورة جميلة جدا وقصيدة رائعة

اخوي شاعر تسمعني
الله يعطيك العافية قل امين][®][^][®][

مشكور ويعطيك الف عافيه

هلا عطاشا
ايه اسمعك
واقول امين واياك
ومشكور

الا وش رايك بهالبيت شف تصوير الشاعر

هوى واشواق تطلع بي سماها ثم تنزل بـي

ولاشالت ذلول الله مثل ماشلت في وقتــي

هو يقصد ان الارض ماتشيل الوجد اللي يشيله
هو ( ذلول الله ) الارض

ماجد
الله يعافيك
واشكرك على مرورك


اخوك
شاعر

اخوي شاعر
السلام عليكم
هوى واشواق تطلع بي سماها ثم تنزل بـي

ولاشالت ذلول الله مثل ماشلت في وقتــي

ولا شالت مطايا الارض مثل ماشلت من وقتي

في حفلة الشعلة غنى الشطرين

وبعدين القصيدة من الروائع
الف شكر وتقبل تحياتي

الى جاء الصبح اسجم وانطوي مع همي وتبي

سواد الليل يداويني دوى العشاق الى نمتـي

ابداع في تصويرالهم خلال اليوم.هذه القصيده ابدع ابوناصر في تركيب اللحن والتفاعل مع كلمات القصيده.

اخوي شاعر مـــــــــــــشــــكــــــورعلى هذه القصيده.

اخوي سفنجه
لاشكر على واجب
واسعدني مرورك على الموضوع
اخوك
شاعر

الف شكر لك اخوي شاعر

هوى واشواق تطلع بي سماها ثم تنزل بـي
ولاشالت ذلول الله مثل ماشلت في وقتــي

من اجمل ما غنى من قصيد ( يا ليت اني شاعر ويصير بس لي هالبيت واعتزل الشعر )

مشكور والله يعطيك العافية
تحياتي