الشاعر حمد المغيولي رحمه الله

ابوسحر · #1 2005, 01:24 AM

الشاعر حمد بن عبدالرحمن المغيولي من بني خالد ولد في مدينه عنيزة عام 1353هــ تقريباً .

حصل على قدر من التعليم .

ثم ترك الدراسه . كان محباً للبر والترحال. وكان يعشق حياة البادية .وكان والده رحمه الله يعمل في تجارة الابل

يبيع ويشتري مابين القصيم والرياض والأحساء . وكان حمد يذهب مع والده في بعض أسفاره لبيع الأبل .

بعدها اتجه الى العمل في أعمال الزراعه أي في عمل الحفارات الإرتوازية وحفر الآبار وعمل في هذا المجال

حتى توفي رحمه الله , وقد أثر عمله على أسلوبه الشعري في بعض الأحيان . فمثلاً قوله :

ألا ياتل قلبي تل سيم تله الحفار=على بير صفاها يلطمه جال على جالي
إلى من المكينه صاحب الصنعه عطاها النار =حداه اللي حداني والهوى للروح غربالي

الشاعر المغويلي شاعر رد ونظم من فطاحلة الشعراء ودرات بينه وبين كثير من الشعراء محاورات عديده

مثل ابوماجد واحمد الناصر الشايع وعبدالعزيز البادي ومستور العصيمي ومطلق الثبيتي وخلف بن هذال العتيبي

نماذج من شعره رحمه الله :

يقول حمد رحمة الله أول محاورة جرت بيني وبين علي الماجد كانت بالرياض ( المربع )

وكنا نعمل مع شركة فرنسية

يقول لعب أبو ماجد مع طلق الهذيلي فغضب أبوماجد , لأن طلق لم يفهم المعنى ثم قال ابو ماجد ..

قم ياحمد لأكسر راسك

ثم قال :

ياسلام الله سلام تقل ماهوب إمتساوي=ردة من هاجس اللي يفتح الباب ويصكه
إلعبو واللعب مايامر عليه إفرينساوي=والذين اللي يدل الدرب من غير سكة

قال حمد :

مرحبا من هاجس ماله بما تطري مناوي=قاله اللي مايجي في خاطره ريب وشكة
إن بغيت العب وشاقلك المعاني بالعراوي=خل رادوك يغني لك على موجات مكة

قال ابوماجد :

والله اني عن جميع اللي تهوجسبه غناوي=بس بطراف الشفايا واللسان قراد حكة
ممسي مابي إخلاف ومصبح تقل إمتداوي=مادري جسمي مريض أو داخلي الروح ركة

قال حمد :

لاتحسبني عن اللي شاغف خاطرك غناوي=مايغرن كل عظم حد راسه من مفكه
مير أنا أفتح وأغمض مثل ماقال الهواوي=والشعيب إن زاد سيله مايجنب عن مدكه

قال أبو ماجد :

ما إنكر إني في زمان فات لي عزم وهقاوي=يوم بارودي الى وريته الطاير تشكه
والموده قد كواني من مكاويها مكاوي=دوك جلدي من غرامه ناقشة نقشت بلكه

قال حمد :

المغربل لو كثر شيبه ولافته البلاوي=لاطرى له ماطرى له جاه داكوك يدكه
لوحلفت برب طه سامك العرش السماوي=مانطيعك مانطيعك لاتحسبني مهكة

يقول حمد . قال ابو ماجد لاوالله منتب مهكة ولاينخاف عليك

يقول في الغزل :

الا ياعيوني مايفيد النظر والشوف=تكافي وكفي لاتراعين ياعيوني
تكافي كفاك مكايد الجادل الغطروف=أبو وجنة فيها شراء الموت مقروني
أنا اشوف شوفك واتمنى ونا مشفوق=من اللي سلب عقلي على غير قانوني
غزال يداني خطوته بين أمان وخوف=يوطي قدم رجله على الخد بالهوني
لحظني إبعين كن فيها نمش وصفوف=وقع ماب كفي وختلف وإنصفق لوني
تبي ذبحتي ياريم وادي إسكاك الجوف=حسيبي عليك مصرف الخلق والكوني
ألا واعذابي منك ياظامر السرجوف=شبكني هواك وبيح الود مكنوني

ويقول رحمه الله :

عفى الله عن قلب شكى والسبب عينه=شكى وإشتكى والناس ماترحم المصيوب
ألا ياوجودي وجد من غرقه دينه=عليه الديون العام ثلثينها مقلوب
على جاهل يمشي دلع شايف زينه=تفوق البنات وسنها غاية المطلوب
صغير غرير الحب يجهل قوانينه=قصاني على حقي وانا ماعلي إذنوب

الموقف الاول للشاعر حمد المغيولي :

هذا الموقف حصل في عز شابه كما يقول حمد . حيث قال كنت أعما في مدنيه الرياض وخرجت ذات ليلة على

دراجتي أبحث عن المحاورات ( الملاعب )

وكنت مولعاً بالمحاورة بشكل فضيع قال فوجدت محاورة كبيرة , ثم أوقفت دراجتي ودخلت الملعبة واذا بها عدد

من الشعراء لا اعرفهم واذا بينهم شاعراً صغيراً بالسن

سريع البديهة لكنة لايصيب الهدف ( لايعرف المعنى ) قال حمد المغيولي فبدأت الوسميه( يعني بدأبالبيت الأول )

قائلاً أخاطب هذا الشاعر :

أسألك بالولي محي الوطن من بعد الاقطاعي=من أية عزوة تعزى لها حتى نسميها
عسى ربي يعلك يابلد خصمي با لارجاعي=غدينا كان شأن الوقت ننجع له وفليها

قال المغيولي ولم أكمل الأبيات حتى جاء بالرد لكنه لم يجيبني عن تساؤلي .

قال فخرج رجل كبير السن يحمل مشعاباً

خرج من الحضور ثم أهوى على الشاعر بالمشعاب وهو يقول لارحم جدك الشاعر يسألك عن قبيلتك ولاتجيبه.

ويدخل عليك في ديرتك ولاتطرده !!!

قال المغيولي ثم قام رجل آخر ومعه عصا غليظة فأهوى بها على رأسي وإذا الدم يسيح فهربت تاركاً دراجتي

ذاهباً إلى منزلي لعلاج الجرح ..

محبكم
ابوسحر

ريان · 2005, 07:36 PM

الا ياعيوني مايفيد النظـر والشـوف تكافي وكفـي لاتراعيـن ياعيونـي
الله يعطيك العافيه والله يرحم شاعرنا,,,,,

أبو عبدالله 100 · 2005, 09:40 PM

مشكوررر يابوسحر الله يعطيك ألف عافيه ماقصرت جهد تشكر عليه

YsOrI · 2005, 01:19 AM

الله يعطيك العافيه يابو سحر والله جهد تشكر عليه يالغالي

ماجدونا · 2005, 06:57 PM

ابــــو ســحـــــر

هلا بك ... ما قصرت والله على الجهود الجباره اللي تبذله في سبيل رفعة المنتدى .

لكن أذا سمحت لي .. عندي نقطه بسيطه أو رأي متواضع :-

قسم ( سيرة شـــاعر ) لماذا لا يخصص فقط للشعراء اللذين ليس لهم أقسام بالموقع . لأنك الان ذكرت حمد المغيولي ( رحمه الله ) وهذا له قسم خاص . فالعمليه تقول صار فيها إزدواجيه شوي . ياليت اذاأعجبك الاقتراح نقل ( سيرة المغيولي ) الى القسم المخصص له .
لأنه بالحقيقه يوجد شعراء كثيرين نتمنى أن يسلط عليهم الضوء ( القاضي .فهيد المجماج . بن سبيل . بندر بن سرور . على ابو ماجد وكثير جدا ...)

الف شكر لك على سعة صدرك ... وربي يحفظك

تحياااتي ...

ابوسحر · 2005, 11:23 PM

مرحبا

اشكر لكم مروركم وتعليقكم

عزيزي ماجدونا آسف للتأخر بالرد

بالنسبه لـ ـسيرة شاعر ليس لها خصوصيه بشعّار وجدودو في المنتدى او لا

وانما هيا تحكي حياة شاعر بشكل مختصر

سواء ممن لهم منتديات اولا .

وسبق ان وضع تعريف بالشاعر عن سيره في منتدى حمد المغيولي رحمه الله

ونحن جميعاً في هذا القسم نبحث عن تعريف بالشاعر بشكل خاص

مع بعض اشعاره ومواقفه

اشكر لك اهتمامك عزيزي

اما الشعراء اللذين ذكرت فننتظر جهودكم معنا

واتمنى ان نرى مواضيعك معنا في هذا القسم

محبكم
ابوسحر

أسير الحب · 2005, 09:08 AM

تسلم والله يابو سحر ويعطيك العافيه

دمعه · 2005, 09:47 AM

مشكوووووووووووووور وعواااااااااااااااااااااافي عليــــك

ابوسحر · 2005, 09:48 PM

اشكر لكم مروركم وتعليقكم

محبكم
ابوسحر

السمسار · 2005, 03:51 PM

الله يعطيك العافية على هالنبذة عن الشاعر .. رحمه الله ..

تحياتي لك ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وقفه مع حمد المغيولي .. رحمه الله	ماجدونا	حمد عبدالرحمن المغيولي (أبودحيم)	55	2010 07:04 AM
برنامج عطر الليل وقصائد الشاعر عبد الله العليوي(رحمه الله)	بواقي جرح	عبدالله العليوي	2	2009 02:21 PM
الشاعر زبن بن عمير رحمه الله	ابوسحر	منتدى المواضيع العــــامة	13	2007 11:03 PM
روائع حمد المغيولي (رحمه الله)	الفارس الصغير	حمد عبدالرحمن المغيولي (أبودحيم)	8	2007 01:41 AM
ماذا قالت مجلة قطوف عن الشاعر عبد الله العليوي رحمه الله	بواقي جرح	عبدالله العليوي	12	2006 01:07 AM

الذين يشاهدون محتوى الموضوع الآن : 1 ( الأعضاء 0 والزوار 1)