مستحيل انساك

مرحبا اخوتي
هذه احدى قصائدي المغناه
احببت ان اضعها لكم وان شاء الله عن قريب سوف اضعها مسجله لكم
وارجو من الاخ عطاشا ابدا رأيه في هذه القصيده
علما انني يا اخي عطاشا لحنت وغنيت هذه القصيده وبكل سهوله

مع اجمل تحيه

 

YsOrI

الف الف الف شكر ياأبو تركي قصيده ولا اروع ...

ان قال شي عطاشا هالمره انا الي ابصيحه لك

عطاشا

أخي وحبيبي ابو تركي
السلام عليكم
اول شي هناك تحسن وتطور في المستوى وهذا لا حظته في قلة ألأخطاء في القصيدة
ثاني شي ابا أقول لك الملاحظات وركز معي واياني وياك تزعل وابي اشوف قصائدك
واذا ما تبي رأيي صدقني ما راح امر على اي قصيدة تكتبها
الملاحظات
البيت الثاني
حـالـف منـسـاك حبيـبـي يـــا قـمــر(احذف حرف الكاف )حـالـف منـسـى حبيـبـي يـــا قـمــر
ولــو طــال العـمـر بيجمعـنـا الـقــدر(حط بدل طال كلمة يطول واحذف الباءمن كلمة بيجمعنا)
ولــو يطول العـمـر يجمعـنـا الـقــدر
البيت الرابع
لـيـه ماتـرحـم حـيــاة الـلــي يـبـيـك
وتـــزرع دنـيــاك بـــورود وزهــــر (تعديل)وتزرع الدنيا ورود(ن) مع زهر
البيت الخامس
يـكـفـي تـعـذيـب حـيـاتـي ياحـبـيـب (زيد حرف الكاف لكلمة تعذيب)يـكـفـي تـعـذيـبك حـيـاتـي ياحـبـيـب
إرجعـلـي خــلاص نـفـذ مـنـي الـصـبـر{تعديل} (ارجعي لي مابقى عندي صبر)
البيت السادس
كـيـف الدنـيـا بـدونـك لـــي تـطـيـب {اضف حرف الهاء في اول كلمةالدنيا}
(كـيـف هالدنـيـا بـدونـك لـــي تـطـيـب )
أرجــوك ابعـيـش مـعـك بـاقـي الـعـمـر {تعديل}(معك ودي اقضي باقي هالعمر)معك فتح اللام وسكون العين
البيتين السابع والثامن

فــي حـبـك شـاهـد(ن) لـــي الـبـشـر {تعديل } يشهدون لحبنا كل البشر
ونـجــوم الـلـيـل ويـشـهـد الـقـمــر {تعديل}وتشهد نجوم الليالي والقمر
لاهـيــب سـنــه ولايـــوم أوشــهــر {تعديل}لاهو يوم ولا سنه لا هو شهر
بقلـبـي سـكـن حـبـك كـــل الـدهــر {تعديل }حبكم باقي على طول الدهر

كما تلا حظ اخي ابو تركي اخطاء بسيطة جدا ومع التعديل هناك اخطاء (لا تعقد )مثل تكرار كلمة قمر
ممكن تستبدل وحدة بكلمة بدر
اخيرا ارجو ان تغني القصيدة قبل التعديل وبعده ولاحظ الفرق ورد علي وقلي ملا حظاتك
وخل صدرك وسيع
وتقبل مني اجمل واحلى تحية
اخوك عطاشا

أبوتركي

عليكم السلام اخوي عطاشا
حياك الله انت ونقدك الجميل
انت قلت الحين اغني القصيده علشان اقدر اوزنها
مثل ماذكرت لك اخوي انا اذا بغيت اوزن القصيده اوزنها على وزن الافعال
لكن شكلك ماقريت ردي الي على قصيدة غدار
انا شرحت لك كل شي هناك
وبالنسبه يوم قلت لي غنيها ارجع لراس الموضوع واقر اللي مكتوب

وقلت لك اني لحنتها وغنيتها بكل سهوله
انا الحين حاولت اغنيها على نفس اللحن بعد تعديلك بس ماجت ولاكلمه على بعضها
ومعليش تراي ناسي (ن) ماحطيتها لكن الحين رجعتها

والتكرار وانا اخوك مقدور عليه
واشكرك على النقد الجميل اخوي وان شاء الله مابيننا زعل ولا شي واحنا اخوان
بالعكس تعجبني احس ان في واحد اتنشط معه
على فكره اخوي انا شاعر حدثي
يعني موهب كل حين وحين اكتب لا
ماكتب الا اذا صار علي شي وحركني وخلاني اكتب
يعني بعض المرات اقعد بالشهر والاثنين ماكتب ولا قصيده
بغض النظر عن الابيات العابره الي يكتبها الواحد وهو عجل
مثل هالابيات
جار الزمن فيني عدة ايام وشهور
سبة سهم منك وسط قلبي غرستيه
سهم حبك يالغلا غرستيه باسطور
خطيتها لك من دمع عيني ودفنتيه
عندي انتي ملكتي القلب بالنور
الا واحسايف دم قلبي اللي نثرتيه

وهذا :
بريق النور من نورك --- يشع بكامل الوجدان
بريق الماس بعيونك --- ينسيني عناويني
يلوموني بحبك ليه --- احبك غصب عن من كان
احبك والي مايرضى --- بقلبه لا يخليني

هذي كتبتها وانا عجل
يعني الاولى رد على واحد من الشباب
والثانيه رد على رساله وصلتني

آسف على الاطاله واتمنى انك ماتزعل من كلامي اخ عطاشا
وان شاء الله مايصير بيننا الا كل موده واحترام


لكم اوفى تحيه

أبو فراج

مشكوررررررررررررررررررررررررر
يأبو تركي

عطاشا

اخوي ابو تركي
السلام عليكم
انا قرأت كل الكلام اللي كتبته قبل ما أرد عليك
الظاهر إنك تغني كل بيت على لحن مختلف عن الثاني
على الوضع الأول مستحيل تجي على لحن واحد أما بعد التعديل
جاءت بكل سهوله
اخوي ابو تركي
شف لك شاعر تعرفه
واعرض عليه القصيدة بالشكلين يمكن يفيدك اكثر مني لأنه يكون معك
على الهواء مباشرة
بريق النور من نورك --- يشع بكامل الوجدان
بريق الماس بعيونك --- ينسيني عناويني
يلوموني بحبك ليه --- احبك غصب عن من كان
احبك والي مايرضى --- بقلبه لا يخليني

هذي روعة ماعليها ملاحظات
اتمنى أن تكون بهذا المستوى واحسن
اخيرا اتمنى لك التوفيق والنجاح
والله لا يجيب الزعل
وتقبل تحياتي

ابو سلطان 6

كيف الحال يا جماعة
واصل قصايدك والله يعينك على عطاشا

عطاشا

اخوي ابو سلطان
انا وابو تركي ماعزمناك وقلنا لك سير علينا
الله لا يهينك خل مسا ييرك للجيران يا راعي الوكالة
لا تخلين التفت لك
لك مني اجمل تحية

أبوتركي

صدقت اخوي عطاشا
انا ماثبت على كوبليه واحد
احب اخلي في الاغنيه اكثر من كوبليه
يعني كل بيت اغير فيه عن الثاني

شاكر لك روعة المرور اخوي
والله لا يحرمني منك


لكم اجمل تحيه

YsOrI

ههههههههههههههههه موضوع يضحك الحقيقه
انا بسأل اللحين ياعطاشا وراك بلشت بالرجال كسرت قصيدته وحسته حوس حسبي الله عليك بس وبالاخير تقوله رح لشاعر وانت من اليوم تشرحله غنها كذا وش الكلام هذا انا لو ادري وشلون صارن عليييييييييك ههههههههههههههههه

ابو تركي عظم الله اجرك على موهبك الشعريه كان هذا الي يعلمك
عطشطش ههههههههههههههههههههههههه معليش حطينا عليك شوي تحمل