قائمة الجوال

 
التسجيل 

قم بالتسجيل الان فى المنتدى

 
البحث المتقدم  

البحث فى المنتدى

 
التعليمات 

اطلع على تعليمات المنتدى

 
مشاركات اليوم 

المشاركات االجديدة فى المنتدى

 
اتصل بنا 

ساهم فى تطوير المنتدى

مرحبا بك

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


العودة   شعراء عنيزة > شعراء راحلون > عبدالله العير المطيري


عبدالله العير المطيري

العودة شعراء عنيزة > شعراء راحلون > عبدالله العير المطيري تحديث الصفحة عبدالله العير


إضافة رد
 
LinkBack أدوات الموضوع انواع عرض الموضوع
قديم 2007, 11:16 AM   [1]
 





 






الشاعر الشهير المرحوم
عبدالله العير المطيري
1384 ـ 1424هـ


إن مت عزّوا لي مرامي ووجدان=وابكوا على قبري ليالٍ طويله
ابكوا وبكّوا لي معاكم كحيلان=خليف شيّال الحمول الثقيله (*)

(*) (مرام) و(وجدان) بنتا الشاعر , و(كحيلان) جمل عزيز عليه .

* * *
خلوني أرقد في مداليه جرّاح=واحط لي وسط الطريق استراحه
اذني ادله باقي الوقت وارتاح=لو كان مافي جور الأيام راحه


هو شاعر المحاورة الشهير المرحوم عبدالله بن عبيد بن مطر العير العضيلة المطيري

ولد في عنيزة في 10/9/1384هـ , وبها نشأ وترعرع , فقد درس الابتدائية في

مدرسة طارق بن زياد وتخرج منها سنة 1398هـ , والمتوسطة في مدرسة فلسطين المتوسطة

وتخرج منها سنة 1403هـ , ثم دخل الثانوية الصناعية ودرس فيها عاما ثم انسحب منها

ليلتحق بالخدمة العسكرية في 4/1/1405هـ بالمرور , وظل فيها حتى تقاعد منها قبل شهرين

من وفاته بناء على طلبه , وكان وقتها برتبة رقيب ..

توفي رحمه الله ليلة الخميس 25/9/2003 إثر حادث أليم وقع له على طريق المجمعة الكويت

بين مركز أم الجماجم ومركز ام رقيبة, حيث كان قادماً من محافظة حفر الباطن متجهاً لمنزله

بمحافظة عنيزة .. وكانت آخر حفلة أحياها رحمه الله في الصباحيه بالكويت يوم الأربعاء 20/7/1424هـ

وكان معه سلطان الهاجري وذيب الشمري .. وذكر الشاعر سلطان الهاجري أنه بعد منتصف الليل لتلك الحفلة

و في تمام الساعة الواحدة ( قال لي عبدالله رحمه الله :لك عادات تفرج الكرب يعني فيما معناه ( أنهي الحفلة بدري )

وأنهيت الحفلة ومن ثم قال لي عندي الأسبوع القادم حفلة في محافظة الحفر ( والله اني كارهها عسى الله يكفيني شرها ). ا.هـ

خلف رحمه الله أربعة من الأولاد , ابنا واحدا (عبيد) وثلاث بنات ..

شاعر معروف كان له حضور إعلامي كبير بحكم حضوره الأدبي الكبير في ساحات المحاورة .. وهو إلى ذلك كله

شاعر قصيد بارع .. لكنه اشتهر أكثر ما اشتهر بالمحاورة , والمحاورة لها عشاق كثيرون , وشعراء المحاورة

يجوبون أرجاء الجزيرة والخليج ليُحيوا الحفلات الرسمية والخاصة , لذلك تكثر صداقاتهم وعداواتهم كذلك

كان رحمه الله يوصف بالفطنة , وحدة الذكاء , وسرعة البديهة , والمرح وخفة الروح ولا شك أن هذه الصفات

ترفع شاعر المحاورة إلى سنام المجد ..

توفي ففقدت الساحة الشعبية برحيله علما بارزا شاهقا , وفقدت عنيزة ابنا بارا رفع اسمها عاليا في حلبات المحاورة والرد ..

وقد رثاه الشعراء ومحبوه من أقاربه وعاشقي فنه وأدبه .. قال الشاعر زيد العضيلة :

البسي ياساحة الشعر ملبوس الحداد=واعلني هجري عن الملعبه ستين يوم
صمت عن خوض الملاعب ونزلت الشداد=كود اضنه يدله القلب وتخف الهموم
هم من فرقاه حشت معاليق الفواد=تاج راسي عزوتي كل ماجت للزوم
والعزا لمطير ماهوب ليّه بانفراد=يامطير الله يحسن عزاكم به عموم
وكل جمهوره بعد في جميع انحا البلاد=عظم الله اجركم في الفقيد اغلى النجوم
والله اني كل ماجيت اكف الدمع زاد=مير هذي قسمة الله وترضينا القسوم
ياكريم الوجه يالله يارب العباد=طالبك ياواحدٍ غير وجهك مايدوم
ارحمه واغفر ذنوبه ياعلاّم العاد=انت ملجأ من لجابك وغفّارٍ رحوم

وقال سالم الهريساني :

مرحوم ياللي بأسفل القبر حطوه=هلّوا ترابه ثم جابوا نصايب
نبكيه واللي يعرفونه بيبكوه=الشاعر ابن عبيد حاظر وغايب
الشعر بعده ياهل الشعر عزوه=جرحه عميق ولاتفيد الطبايب
لو الفقيد يرده الدمع ردوه=كل القبايل بالبكاء والقرايب
لوحاولوا ينسون فعله مينسوه=يشهد صغير السن فعله وشايب
سجله التاريخ والكل زكوه=بالفعل مامثله عطيب الضرايب
اعزي الاخوان واعزي ابوه=واعزي الاقراب هو والنسايب
واعزي اللي كلبوهم يحبوه=واهل عنيزه متعبين الركايب

وقال مطر العير شقيق عبدالله العير الأصغر :

جتني تهل الدمع وتقوم وتطيح=مريم حشاشة جوف عبدالله العير
قامت تلج بعالي الصوت وتصيح=مريم حشاشة جوف عبدالله العير
الموت مايحتاج ياعم تصريح=امر الولي ماشي على كبار وصغير
جعل السحايب فوق قبره مراويح=وبنبت عليه من القب والنواوير
الله يوسع له بقبره تباريح=ويغفر له الله يوم صف الطوابير
ويجبر عزانا في العيال المجاريح=وتغفر ذنوب اللي رفع راية مطير

وقال بدر بن غازي المطيري :

يابيوت القصايد اكتسي بالسواد=ونكسّي كل حرفٍ ياحروف القصايد
وزعي الهم بمطير الوفيه بداد=وارثي العير عبدالله وسيع البنايد
جعل منزلك جنه في سلام وبراد=جعل ماتشوف عينه الردى والنكايد
جاني العلم يوم ان الخلايق رقاد=فجر يوم الخميس العلم عسرٍ وكايد
علم منّه حمار النار عوّد رماد=وكل شئٍ جديد منّه يعود بايد
عزتي للشعر بعده قليل المراد=عزتي للمواقف والنبا واللهايد
عزتي للمعاني والسيوف الحداد=ول شب الخبر في وسط صدري وقايد
اذكره بالمجابه والحروف الشداد=راح ماخلّف الا بيت يبني الشدايد
وخلّف علوم عزٍ كلبوها وكاد=وعقّب بوسط قلبي جرح جرح ونكايد


رحم الله الشاعر عبدالله العير رحمة واسعة , وأسكنه فسيح جنانه ..

* * *

مما وجدته من قصائده قوله رحمه الله :

يالله ياللي كلنا منّك وإليك=ياللي بذكرك تستلذ ألسنتنا
وقلوبنا بين اصبعينٍ من ايديك=وان كان ماثبتها ماثبتنا
نهار تلفضنا المقابر ونآتيك=من خشيةٍ فينا نظرنا تحتنا
عريا وزريا خاضعينٍ مداريك=صكة علينا ذلةٍ غاشيتنا
وان ماتهيّت رحمةٍ من مناشيك=والا ترا ما اعمالنامنجيتنا
منك الرجاء وانت الرجاء والرجاء فيك=تستر على خلاتنا فآخرتنا
وترحم جنازة مسلمٍ في حراويك=اغلى جنازة مؤمنٍ فارقتنا
وتغسل ذنوبه بالبرد من حسانيك=وترفع مقامه مع مقام انبيتنا
عبدٍ خجول ومقفيٍ عن معاصيك=متذكرٍ له ساعةٍ قافيتنا
(سامي) عسى اعمالك بقبرك تسليك=وتونسك في وحشةٍ موحشتنا
ويمدلك بالقبر نورٍ يباريك=في جاه من يعلم بغيب افئدتنا
ويلطف ببوك اللي لسانه بطاريك=اللي قضى وقته يربّي ويتنا
وتجبر عزا امٍ ترجي الله وترجيك=اللي عليك من الحزن حزنتنا
وحنّا ترانا من غلا ابوك نغليك=وان مادعينا لك ظلمنا بختنا
اللي على درب المراجل مربيك=مديرنا اللي رافعٍ منزلتنا
يكفيه من جور الزمن فجعته فيك=اللي نبي نبطي وهي موجعتنا
جينا يابوسامي (بسامي) نعزيك=وانته تعزينا على فاجعتنا
مير استعن بالله عسى الله يقويك=على مقاديرٍ خذت ماعطتنا


* * *



قال روح التميمي : جميع المعلومات والقصائد والمحاورات الواردة هنا منقولة من بعض المنتديات
ويظهر لي أنها نقلت من الصحف التي نشرت خبر وفاته رحمه الله , ونبذة مختصرة عن حياته
وقد وجدت صعوبة كبيرة في معرفة المصدر الأساسي لكثير من المعلومات المتداولة عن الشاعر
ويبدو والله أعلم أنها منقولة من جريدة (اليوم) .. وغيرها من الصحف . ولا يفوتني أن أتقدم
هنا بالشكر والتقدير لصديق المرحوم شاعرنا المعروف حمد البادي على تقديم بعض المعلومات عن الفقيد


توقيع روح التميمي
تكلم حتى أراك ..!
رد مع اقتباس
قديم 2007, 02:05 AM   [2]
عضو جديد







افتراضي

السلام عليكم ورحمه الله وبركاته
العير من اعز اصدقائي وكان يكتبلي الاغاز او بالاصح يعدل ابيات الاغاز التي اكتبها .
الله يرحمك ياعبدلله ويرحم اموات المسلمين اجمعين.
وفيه الكثير عن العير.
ولكم تحياتي المبدع

عضو جديد







افتراضي

السلام عليكم ورحمه الله وبركاته
العير من اعز اصدقائي وكان يكتبلي الاغاز او بالاصح يعدل ابيات الاغاز التي اكتبها .
الله يرحمك ياعبدلله ويرحم اموات المسلمين اجمعين.
وفيه الكثير عن العير.
ولكم تحياتي المبدع

المبدع غير متواجد حالياً   رد مع اقتباس
المبدع غير متواجد حالياً  
رد مع اقتباس
قديم 2007, 05:15 PM   [3]
مؤسس








اقتباس:
المشاركة الأصلية كتبت بواسطة المبدع مشاهدة المشاركة
السلام عليكم ورحمه الله وبركاته
العير من اعز اصدقائي وكان يكتبلي الاغاز او بالاصح يعدل ابيات الاغاز التي اكتبها .
الله يرحمك ياعبدلله ويرحم اموات المسلمين اجمعين.
وفيه الكثير عن العير.
ولكم تحياتي المبدع


مشكور يالمبدع ..

وياليت تزودنا بإنتاج المرحوم من القصيد والرد

وعطنا لاهنت من الكثير اللي تذكر ..

شكرا لتسجيلك ومرورك هنا

تقبل تحياتي

توقيع روح التميمي
تكلم حتى أراك ..!
مؤسس








اقتباس:
المشاركة الأصلية كتبت بواسطة المبدع مشاهدة المشاركة
السلام عليكم ورحمه الله وبركاته
العير من اعز اصدقائي وكان يكتبلي الاغاز او بالاصح يعدل ابيات الاغاز التي اكتبها .
الله يرحمك ياعبدلله ويرحم اموات المسلمين اجمعين.
وفيه الكثير عن العير.
ولكم تحياتي المبدع


مشكور يالمبدع ..

وياليت تزودنا بإنتاج المرحوم من القصيد والرد

وعطنا لاهنت من الكثير اللي تذكر ..

شكرا لتسجيلك ومرورك هنا

تقبل تحياتي

توقيع روح التميمي
تكلم حتى أراك ..!
روح التميمي غير متواجد حالياً   رد مع اقتباس
روح التميمي غير متواجد حالياً  
رد مع اقتباس

إضافة رد

مواقع النشر (المفضلة)

الكلمات الدلالية (Tags)
الغدر , عبدالله


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
الغير في جدة بكثر الطماله ..! روح التميمي محمد عبدالله بن حسن 0 2009 12:10 PM
عبدالله العرفج روح التميمي عبدالله بن عبدالرحمن العرفج 0 2009 01:07 PM
جروح الغدر (( صوتيه )) بواقي جرح عبدالله العليوي 19 2009 12:12 PM
عبدالله ياسر التميمي الشاعروالاعلامي: عدنان الدخيل 1 2007 11:18 AM
لله درك عبدالله من ملك روح التميمي سليمان العليان 0 2007 01:34 PM

الساعة الآن 01:35 AM
   
 
الساعة الآن 01:35 AM
Powered by vBulletin™ Version 4.1.9 Copyright © 2014 vBulletin Solutions, Inc. All rights reserved. Search Engine Friendly URLs by vBSEO 3.6.0
Des By YsOrI
الحقوق محفوظه لشعراء عنيزة 2004-2014
 

جميع المواضيع و الردود لا تعبر عن وجهة نظر ادارة المنتدى بل تعبر عن وجهة نظر كاتبها فعلى كل عضو تحمل مسئولية نفسة إتجاة مايقوم بة

شعراء عنيزة
www.3naizah.net