قال الذي من صروف الوقت بيّح كل مكنون = سمتي معي حافظه يوم ان سمت اللاش ضاعي
اضحك بليا طرب عند العرب والقلب مشطون = عقب الفضا يا لطيف الحال ضاق بي الوساعي
سيّرت ابي لي رفيق وصارت الدعوى الى دون = ورجعت عقب الوفا يقصر عن المدين صاعي
ابا اتريّح ببيتي واقتصر والرزق مضمون = واجوز من روحة يم العرب من غير داعي
مكتوب رزقي يجيني لو مشيت الرفق والهون = لا خير لا خير في نفس ترفد باللعاعي
يالله يالله ياللي لك جميع الناس يرجون = منك الفرج يرتجى يا سامك السبع الرفاعي
كتبت رزق الاسد قدره ولا ضيّعت بزّون = والذّر والحمّره من مدك الضافي شباعي
بين الخلايق قسمت ارزاقهم غابن ومغبون = الضان رزقه رغد واللي يجوعون السباعي
لولاك كان الملا جمله عن آخرهم يضيعون = بامرك يسير الفلك والكل ما خلّي ضياعي
الف امة قايم بارزاقهم ليما يموتون = امعطّلين السبب واللي يحثون السواعي
يا مالك الدين والدنيا بليّا شك وظنون = كل الخلايق رعيّه وانت للمخلوق راعي
وصلاة رب عدد ما حلتم الرعاد بمزون = على نبي ومرنا بالهدى وامره مطاعي
2007, 12:39 AM
صروف الوقت 
العرض العادي
المواضيع المتشابهه 
