يامن لعين مقزّيها عن اللذات عاموس = والقلب كنه يجرّحه الزمان بحدّ موسه
قالوا لي العب وانا قلبي يديره كل هاجوس = ولا تنقضي حاجتين اللي ملازمته هجوسه
والثانيه ما لقيت ابردّي الامثال ناموس = نمرة شجر هيل ما ينفع الى وخذت اجروسه
لقيت الاريا كما اذناب الدعم واسم الدعم عوس = يا فاهمين المعرفه كل وقت في لبوسه
وهرجٍ بلا فايده معناه برقة ريش طاووس = سوق المجالس لبيب الهرج والانسه عروسه
والفكر غبّة بحر ما احد يجيه الا معه قوس = والخامل اللي يمشّي جالبوته قبل قوسه
وشلون وشلون اعبّر جالبوتي والهوى كوس = الى نهضت الشراع الى هوى الغربي يحوسه
من قلّ ماله ولو يسند بعد لعيال فاعوس = عافوه الاقراب واكثر ما يخون التمر سوسه
فيما مضى الذيب يفرس واصبح السرحان مفروس = وسعيد قد ساد عمّه عقب ما سلّم فلوسه
بغيت لي مربع فقر كلاه وصار مانوس = داجت عليه الرعايا عقب ما جوني عسوسه
سريت والبدر منهي واستكّن البدر مطموس = وظلّيت حيران بالافكار والرجل امحبوسه
يالله يا واحد فرد صمد سبوح قدّوس = تفرج لمن باع عشر ابخمس والخمس امخموسه
ان ترحم اللي جرا له من صروف الوقت عاكوس = اسباب هجر الزمان اللي بحذيانه يدوسه
عيّنت نمرود عقب امزاعمه ومطاول الروس = اسقاه من عقب مشروب العسل مرّات كوسه
قال انكس الطعم يالنمرود وارجع وانت منكوس = الى نهار عظيم يرهب المجرم عبوسه
ما قلت قولي بمن شعّت جبينه نور فانوس = ادعج غنج في جبينه ما حلا دقّة العوسه
من مارثت نوح لا مسلم ولا من لبس كبّوس = قلته بوقت توطّاني كفى الله شرّ بوُسه
وصلوا على المصطفى ما زبّرن الهوج لطعوس = او عدّ ما غردن ورق الحمايم في غروسه
2007, 12:47 AM
يامن لعينٍ مقزّيها 
العرض العادي
