برى الحال من هجر الزمان هوان = على مثل ما إنك تدين اتدان
يالله كان ان السنين مريبه = وشان الزمان وكل شي شان
واستشهب التاجر وغلق بابه = ياكل ويشرب والضعيف امهان
والمشتغل ما عاد يلقى عيشه = يعطي العيال ويوفي الديّان
والدين ما يعلم ولاش مروّه = جيران سوق وكنهم عدوان
فيلا بدا لك في رفيقك حاجه = دلاّ يزعّط لك من الايمان
ويعطيك بالمقلوب دين امكمل = ما عنده العشره وهو فسقان
سقى مناة السرّ من رعّاده = تمشي امسيّرها عظيم الشان
يستّر سكان البرود وسيلها = من ماقف الطرفا الى السكران
وعقابها يسقي شعيب الفيضه = لين ان سيله يركب الجيلان
وتدمّ شعبان العيون فياضها = وشليلها يضفي على فيحان
حتى يجي بالسرّ عشب طايل = عشب يغطيّ برك الحيران
والخد يامرها الكريم بنبتها = وتلقى الزبيدي كبر روس الضان
فان ما حصل ماقول واعزا لنا = فالعيب فينا لو صبرنا بان
حمايل تضوي على باب الله = وببيوتهم ما شبّت النيران
الى ذكر جمّال عيش داخل = تصاوتوا يا فلان ناد فلان
فالى بغوا راع البعير الى انه = قد ضفّ شيله راعي الدكان
ولا عاد يجري بيعهم مثل بيعه = الا ان هذا من ردى الايمان
ما سمع قول الله عظيم شانه = باللي كتب عثمان بن عفان
من حب غلي الزاد بنيت داره = بالدركة السفلى من النيران
هذا سبايب ما تحوش انفوسنا = من بخسنا المكيال والميزان
وتبع الهوى واخلاف شرع السنه = وكثر الحسد والكذب والبهتان
من صلّح الدنيا وضيّع دينه = يدعى بعال الصوت يا خسران
ويحط له يوم القيامه منزل = بالسابع السفلى من البيبان
يالله ياللي ما إله غيره = يا سامك سبع بلا عمدان
انك تعجّل بالفرج لعبادك = حيثك رحوم واسمك الرحمن
انت العظيم انت القوي القادر = وامرك الى منّك بغيته كان
وانت الذي من جد لك بالطاعة = وعدته الغفران والقبلان
خلقت خلق ما يعد حسابهم = انسي وجن وغير ذلك جان
احد تبع دين النبي محمد = بامر الإله وقوّم الاركان
والدين للي يهتدي دلايل = نور الوجيه وصحة الابدان
واللي قواه ابليس واخلف دينه = عما نزل في محكم الفرقان
حي ذليل وفي حياته خاسر = باكر يلاق الله وهو غضبان
رب خلق للناس نار وجنه = والكل واعدها لها سكان
النار واعدها ملاها لازم = باهل الحسد والشرك والعصيان
هنّي من قيّد هواه ونفسه = وارضى إلاهه واغضب الشيطان
في جنة الفردوس يلقى منزل = واثمارها مختلفة الالوان
يالله لا تبخل عليّ بمدّك = يا دايم المعروف والاحسان
جعلي من اللي يسكنون الجنه = اللي فتح بيبانها رضوان
وامي وابوي وكل عبدٍ مسلم = آمين يا حنّان يا منّان
واختام قيلي بالصلاة على النبي = عد النجوم ورايح الامزان
2007, 02:05 AM
برى الحال من هجر الزمان 
العرض العادي
المواضيع المتشابهه 
