سلام ياللي حجاجه للمراجل بشوش = ما هبّ ذاري النسيم وهل وبل الرشاش
جميع من لا يصرّف للتماثيل بوش = ناس تناوش طواريق المعرفه نواش
والغي له مركب يقداه دامن وحوش = هو صعب والى بغيته بالعدل ما بغاش
كم خامل وجبت القفّال يركب يطوش = من عمي رايه وهو يشكل عليه القماش
والعارفه بالدويني ما يسلّم قروش = الموجب ان الردي ينعاف بخو البلاش
وانا بوقت غشا فيه الحسد والغشوش = الصدق راعيه بار وراعي المكر عاش
هب السعد للهذور وكل عفن نجوش = صار الكديش العلوه والاصيل الطواش
كم ثور هور برجله للمحارم يدوش = يمشي الضحى ما يبالي لو طريقه عفاش
لاشك باسباب ماله عنه تغضى الرموش = لو كان مثل راس الظبي ما به عراش
طير من الهام وامه صافره ما يهوش = ما فات له بالمراجل شي ولا بقاش
نيله البطنه وياخذ وارثه ما يحوش = غذاه تن وفرد ومعتلن بالفراش
ويضحك بوجهه هنوف مثل عنز الوحوش = ماهيب دنّا قصيرة زول ولا نشاش
تعبا لشقر الجديل من الشمطري رشوش = ياخذ الى الحول ريحه صابغ بالفراش
شبّت دلاله الى منّه لفا له طروش = وهو براس القلم برسم حساب الخياش
كل على السايل المسكين قنفذ كموش = خرّيت بالليل يسعى مثل داب القشاش
ما يرخص المال لو هو فوق عدل النعوش = فالى تدبّر كتابه للعمل مالقاش
هذا ومثله جلاوي زادهم بالكروش = نمرة طيور الظلام اللي تصيد الخشاش
خطو الولد همتّه بمسلهبات النقوش = صايه ومشلح طلاع وشال وثياب شاش
2007, 02:06 AM
سلام ياللي حجاجه 
العرض العادي
المواضيع المتشابهه 
