آه يا من ضربني في يده كفٍّ على خدتي عسراوي = ما استحقيت به مير المودّه صابر بالخطا راعيها
جعل وبل الحيا يسقي من البرمك الى مبرق الحجناوي = ديرة اللي تسليني سوالفهم وانا لي طراة فيها
آه وا جظّتي جظّة مريض يوم يونس عطيب الكاوي = او كما اللي وطا له راس حيّه وانتبه والقدم واطيها
كل ما شافني غافل نطحني فوقه المقطع الكيناوي = والتفت لي بنجل مدعّجاتٍ وغرةٍ ربها حاليها
كن صفّت مجاديله عريش كروش بنت اشقر الصقلاوي = سامك ذيلها والعرف سكرانه وعجّ الرمك غاطيها
يا اتلع الجيد ما ترحم ولا انتب يا قليل المروه تاوي = ما دريت ان عيني من فراقك دمعها بالخفا محفيها
كل ما زلّ هود الليل اجاوب في طويل الجذيب العاوي = وانت لي حاجة عندك ولا تاخذ ثمنها ولا تهديها
منوتي والمنى مكروه ليتي عند موض الجبين فداوي = يسمح البال يوم انه يوصيني على حاجة واقضيها
والله اني عن المقفي الى منّه عطاني قفا شيماوي = مير ذي دبرة الخالق على المخلوق والنفس داها فيها
ما يعرف الهوى الا نمر بن عدوان ودغيّم الظلماوي = وقت يوم الهوى سلعه وكلٍ في نفيس الثمن يشريها
قطـّفوا زاهي النوّار في وقت مضى والدهر متساوي = لين كل قضى شفّه وكل قال هيدوك يا باغيها
المغاتير عقب اهل الرمك والحصن دوّه لهن الشاوي = اقمحي يا حياة صار مرّ الشري عقب العسل تاليها
خارف للهوى في شبّته واليوم غصن المودّه ذاوي = آه وا لوعتي لوعت هنوف يوم جاها خبر غاليها
* البيت الثاني والثالث .. أختلف الرواة بنسبتها لابن دويرج ( رحمه الله ) . هذا والله أعلم !
2007, 04:57 PM
آه يا من ضربني 
العرض العادي
