قال اللي تهيـّض بالمثايل = او في عال الطويل من البتايل
او قاس الناس في عقلٍ وميزٍ = او شاف وبان له منهم دلايل
فيهم من يفك المشكلات = على الشدات حلحيل محايل
ان انعمسن الاريا حضروّه = برايه والصخا ما من صمايل
وفيهم من اذا قالوا عليهم = تفرح به اذا راحت سحايل
يروّي من دما الاضداد سيفه = اوقات الضيق ينطح كل عايل
وفيهم هيلعٍ عشرٍ كريم = يقرّا الضيف بالكوم الجزايل
اذا دج الغريب ابكل سوق = مفلس من عطا يمناه سايل
وفيهم من يجمّع راس مال = شبيه الثور ما يدرا الفشايل
او ياكل من حلاوي ورث ابوه = الا يا مال قصّاف المهايل
لكن الحزن عنده يوم عيد = يسرّه يوم تجلات الحمايل
ولو يومر بضيف ما قراه = او خال الجود من الخصايل
وهذا والعذارى كاهتين = وفيهنـّه على مثله مثايل
وهذا ودك انه ما يعيش = ويصبّح عليه الشدّ مايل
فلا يبكى عليه ان كان روّح = مشع عن سبيل السوق زايل
وتم الوصف مني بالرجال = ووقف الهرج عن قيل وقايل
وارجعنا على سرج البيوت = و اولمهن قصير وفيه طايل
فيهن عندل من روس قوم = ومجناها من الخيل الاصايل
ولكن شينها شين شنيع = ومن دبراتها تشكي الملايل
وفيهن بنت اجاويد كرام = اشاعن في العرب منهن جمايل
بغاية مطرقٍ غض لطيف = وخد وعين من غير الجدايل
ولكن ساسها تنقد عليه = دوارب ما تهاب من الحبايل
وفيهن من تحزّم محزمين = وترضا بالكثير وبالقلايل
ولكن بنت هلباج بخيل = تخشى من ذراريك الرزايل
وصلى الله على الهادي محمد = عدد ما شد للبيت الرحايل
2007, 05:05 PM
قال اللي تهيـّض بالمثايل 
العرض العادي
