واعذابي.واعذابي.واعذابي

حمد البادي · #1 2007, 05:23 PM

واعذابي كل ماجاء الليل وارخى لـي سدولـه=وانتحى نور النهار وعـم بالكـون الظلامـي
وأطبق الصمت الرهيب وزاد في عرضه وطوله=لا حنيس ولاونيس يجاذب اطـراف الكلامـي
وابتدا الهاجس يجول بخاطري تسعين جولـه=نوب ينهج بي جنوب ونوب شرق ونوب شامي
من هوى اللي حبها قلبي من أيـام الطفولـه=مانسى قلبـي محبتهـا ولا نسيـت غرامـي
واعذابـي كـل مالـدت نواعسهـا الخجولـه=وانحطم قلبـي لدمعتهـا وخانتنـي عظامـي
عشت في حلم الخيال اللي تدرهم بـي ذلولـه=راكـب بشدادهـا وإيـدي بشعفـة السنامـي
ما دريت الا ورجليني علي أعتـاب الرجولـه=وانصدمـت بواقـع تـل المطيـه بالخطامـي
جاه من ربي قسمها له نصيب واعقـدوا لـه=وانتهي الحلم الجميل وقمت من لـذة منامـي
آه مـن سخريـة الأقـدار والوقـت وميولـه=كم يورد من كبـود حيـام وتصـدّر ظوامـي
واعذابي تسبره عينـي ورجلـي مـا تطولـه=مامنعني عنه غير أمر الحلال مـن الحرامـي
بنت روس رجال حرة والردى ما هيب حولـه=الشرف والعفة البيضاء علي صـدره وسامـي
مابقى إلا ذكريـات منـه بالصـدر مْحمولـه=كل ماتطـري علـي تعطيـن دفعـة للأمامـي

ذيب · 2007, 07:42 PM

صح لسانك

وأظنك غلطان بالشطر الأول من البيت الثاني

واعذابي كل ماجاء الليل وارخى لـي سدولـه
وانتحى نور النهار وعـم بالكـون الظلامـي
وانتحى نور النهار وعـم بالكـون الظلامـي
لا حنيس ولاونيس يجاذب اطـراف الكلامـي

كررت الشطر الثاني من البيت الأول

وصح لسانك قصيده جيده

روح التميمي · 2007, 01:16 AM

اقتباس:

المشاركة الأصلية كتبت بواسطة ذيب

صح لسانك
وأظنك غلطان بالشطر الأول من البيت الثاني
واعذابي كل ماجاء الليل وارخى لـي سدولـه
وانتحى نور النهار وعـم بالكـون الظلامـي
وانتحى نور النهار وعـم بالكـون الظلامـي
لا حنيس ولاونيس يجاذب اطـراف الكلامـي
كررت الشطر الثاني من البيت الأول
وصح لسانك قصيده جيده

صدقت أخوي .. ذيب

والخطأ سببه النقل .. وأستأذن أبو عزيز بالتصحيح

وهذا البيت في صورته الأصلية , وتم تعديله في مكانه في القصيدة

وأطبق الصمت الرهيب وزاد في عرضه وطوله=لا حنيس ولاونيس يجاذب اطـراف الكلامـي

شكرا لك أخي ذيب .. وأرجو منك ومن الإخوة الأعضاء والزوار تنبيهنا إلى

ما يتم ملاحظته من أخطاء .. إذ لانستغني عن تنبيهاتكم وملاحظاتكم وآرائكم

تقبل تحياتي وتحياتي شاعرنا الكبير حمد البادي

حمد البادي · 2007, 01:59 AM

مشكور اخوي .ذيب. علي مرورك وملاحضتك وجمل حالك علي التنبيه

والشكر موصول لأستاذنا . روح التميمي علي تكرمه بتصحيح الخطأ

الف شكر لكم جميعاً

ابو سراج · 2007, 02:41 PM

والله ابيات

كنه من ذهب
صح السانك ابو عبدالعزيز
وننتضر جديدك عن عنيزه

حمد البادي · 2007, 01:10 AM

اقتباس:

المشاركة الأصلية كتبت بواسطة ابو سراج

والله ابيات

كنه من ذهب
صح السانك ابو عبدالعزيز
وننتضر جديدك عن عنيزه

الذهب والله

معرفك ومعرفة شرواك

يابو سراج

صح بدنك ولا هنت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
واعذابي كل ماجاء الليل	روح التميمي	حمد عبدالعزيز البادي	0	2007 06:27 PM

الذين يشاهدون محتوى الموضوع الآن : 1 ( الأعضاء 0 والزوار 1)