ياهل الفيحا ..!

يالنشاما داركم تنهض الصوت الرفيع=بالحمية ياهل الدار عفوا جالها
ياسلامي عدّ ما ناض برقٍ له لميع=للفحول اللي تزايد هدير جمالها
ياهل الفيحا لفاكم كلام لا يضيع=برّقوا باحوالكم قبل كشف أحوالها
الصعب شدوا حزامه إلى منّه يريع=لين جهّاله تحوبي على عقّالها
والمخاير لو تجمع فهو مثل الضريع=كان شاف الحرب ربدا يزيد جفالها
عاشقين الجود يامن يبي يفعل صنيع=يبذل الغالي ونجزاه عشر أمثالها
ضدّكم لو حدّكم كان ما طعتوا يطيع=من صمل عانه وليّه على من جا لها
ما يفك الدار بالضيق هرجات الشفيع=بالسيوف الصارمة طوّعوا عيّالها
النفوس الغالية جالبينه للمبيع=دون بيضٍ سترها الله ثم رجالها
ياسميع الصوت ياباني العرش الرفيع=طالبٍ منك المدد يامجيب سوالها