شعراء عنيزة

شعراء عنيزة (http://www.3naizah.net/shora/)
-   عبدالعزيز عبدالله السناني (http://www.3naizah.net/shora/f120.html)
-   -   الليل دايم روعة في حضورك (http://www.3naizah.net/shora/t5016.html)

روح التميمي 2007 01:45 AM

الليل دايم روعة في حضورك
 
الليل دايم روعة في حضورك=عز الله انك تشعل الليل بالليـــــل
اقبلت يسبق خطوتينك بخورك=من جيت كل عيونهم بك مذاهيل
ضاع العطر ماباقي الاعطورك=كنه تنثر من ثيابك شهاليــــــــــل
يوم استدرت بضحكة من زهورك=استسلمت لشفاك كل التعاليـل
شفت الصباح اللي بخدك يزورك=والليل شفته ممسي بالمجاديل
هذا نهار أو ذي تباشير نورك=اخجلت في طلعتك ضي القناديل
واقفيت وكفوفك تسابق شعورك=مشاعر فيها غرام ومراســــــيل
تعطي حنان من بقايا سرورك=وتغضي خجل بالناعسات المظاليل
ماسقت فيها للثريا غرورك=متواضع لو لك عليها منازيــــــــــل
نام الهوى مابين بابك وسورك=في ظل جيد فيه حلو التفاصيل

محب شعراء عنيزه 2008 05:26 PM

أخي روح هذه رائعه من الروائع .. لاعدمنا هذا الأحساس العذب الراقي

تسلم أخوي على هذا الجهد الموفق


الساعة الآن 01:24 PM

Powered by vBulletin V3.8.7. Copyright ©2000 - 2020, Tranz By YsOrI
اصحاب عرب
الحقوق محفوظه لشعراء عنيزة 2004-2014