الا يا محمد خاطري بالهوى محتار = زعوج الهوى يضرب شماله جنوبيه
اديره يمين ولا يطيع الهوى يندار = ولا ينعش غير الهبوب اليمانيه
الا واوجود وجد عود ثوى بالدار = كسير المعاره عقب كون البكيريه
جداه التضيم والندامه على ما صار = رماه الزمان وخلت المشي رجليه
صفق بالندامه ما بقى في يده معشار = يدبر بحال ودبرة العبد مقضيه
على اللي يدير الكون في دبرته يختار = مدير الفلك وامر الامور السماويه
رجيته يعيد الصيد في منبت النوار = يمين الزباير عن مسيل الغزيليه
هوى خاطري ما حد برق الدهو ويسار = اوده مودة والد صافي النيه
أهيم وضميري ينكشف ما عليه استار = على اللي يقود الصيد عين الضياحيه
رميته بخمس مخطيات السهوم اصغار = على صفقتي بالخمس لد النظر فيه
رماني بنجل يلحقن بالعدو الثار = على لدته ضيعت واوميت بيديه
تعاقب سهومه والهوى يبترم ما سار = على رقمة الخدين سحر الهواويه
طريح الهوى يصبر على جنته والنار = يزيده على بلواه طلبت معسريه
ملكت العزا والصبر والمبتلى صبار = أغض النظر من غير كره اومحقريه
اعلل ضميري بالرجا والله الستار = واحسب لغب العيد ليل الحراميه
ليال المواصل والفرح يصبحن اقصار = ليال رجاهن يدني الحي من حيه
على منوتي ليت الهوى خاطر عذار = يمر ويروح ولا يداوم على الجيه
على منوتي ياليت بعض القلوب تعار = ادور ضمير ما شوى الحب داخليه
2007, 03:06 AM
الا يا محمد خاطري 
العرض العادي
المواضيع المتشابهه 
