يالله يا واحدٍ معبود = يرجون الاجواد معروفه
وش حيلة الضايع الملهود = من ضيم الايام وصروفه
ما دام غبر الليالي سود = سود على البيض مردوفه
تعطيك من طيّب الماجود = وتبدل الطيب بحسوفه
دار بها المهتني مفقود = ذله يباريه من خوفه
يلعب بها السيد المسيود = ابماطل الكذب وحلوفه
خذ ما ترا بالرخا والكود = ومصادم الوقت وحتوفه
ما دام ليل السعد وسعود = يوم ان الاكواب مصفوفه
والكيف من بيننا ممدود = يشرب اويعطين بكفوفه
اشرب وباب الحيا مسدود = حلوٍ يباريه قرقوفه
ليلة يروح القمر ويعود = مسلوية العنق مالوفه
والله فلا انسى دقاق العود = روحي بلاماه مكلوفه
أخذ معه سجّةٍ وقعود = ماسلي عن الريم وخشوفه
ما خاب ظني مع ام جعود = وش يمنع العين من شوفه
اشيل نصف الهوى والزود = ويشيل باقيه بكتوفه
وان سايلوا ما عنه منشود = جوده من الروح لضيوفه
لو صاير بالهوى منقود = ما ضيفوهم هل الكوفه
2007, 03:18 AM
يالله يا واحدٍ معبود 
العرض العادي
المواضيع المتشابهه 
