واديرتي جتها تصاريف الايام = واصبح بها العيار يقضي لزومه
ايفز له من يوم يقبل والى قام = ويقال وين فلان لو كان بومه
تنشر له الرايات من فوق الاعلام = كن الجماعه عازمينٍ احكومه
ينطح بعرض الدرب برجال وخيام = عجل عقب موسى او وافق لقومه
يا راجي دب تقل حس دمام = مثل الذي يرجي الفرج من حلومه
برج تبنى وانتلى تقل حمام = يا ساتر العورات ثبت اهدومه
لا ينكشف يظهر حويل من العام = خله على ما فيه لا عاد يومه
يغتر فيه اللي يعبدون الاصنام = ناس تدين والبخوت امهدومه
لو ديننا يمشي مثل دين الاسلام = ما قيدت سود الليالي عزومه
يا راجيٍ خبلٍ بلمحات الاوهام = ما ارجيه لو ان الرجال امعدومه
والله فلا احبه ولانيب مريام = نفسي عن الود الكذوب محرومه
هب النسيم وذعذعت ريح الانسام = لاهل الردى هك النفوس امحشومه
لابد ضيعات الليالي له اوسام = واللي يحبون الغلا راح سومه
يابو حمد تجري مشاريع الاقلام = بامر الكريم مدبرات ارسومه
وش هقوتك باللي يقولون حجام = هو حاجمه والا لقاها امحجومه
والا مثل ما فصلوا لابن غنام = ثوبٍ من ( ... ) طوال كمومه
بعض الرجال مركب مثل الانعام = ثورٍ مع الراحه تزايد شحومه
شيطان اثول يجعل الناس خدام = نقص بعقله والامور مخدومه
الوجه دار وعوّد الطيز قدام = ولا الوجه عند طيز اخصومه
حنا نخرف المقل عام باثر عام = ونسف خوصه ونتظلل ابدومه
عند اهل دوك او هات لباسة الخام = ايضا ورهنّا الحمار العمومه
2007, 03:21 AM
واديرتي جتها تصاريف الايام 
العرض العادي
المواضيع المتشابهه 
