قالوا علوم العود قلت ابشرو بــــه = ماني بخيل في علومي على الغيـر
الادمي عدة خطاه محســـــــــوبه = يومر وينهى في مسيره بتـــدبيـر
بدبرة حكيم عالم في غيــوبـــــــه = وهو الذي بيده زمام المقـــــاديـر
قمنا من الفيحا سقا الغيث صوبـه = عله من الوسمي سحاب مبــاكيـر
دار لنا عند الجميع محبـــــــــوبه = دار لها قيمه وشهره وتقــــــديـر
منها نهار السبت والشمس دوبـه = نوره تبين فوق روس المقاصيـر
مرن بريده من شمالي خــــــبوبه = الاولات يريعن للمواخـــــــــــيـر
جينا المحير وريعــــوا وافطرو به = ثم عطو بسكة نواظر معابـــــــير
مع خـــــبة نبخص مسالك دروبه = ما بين الاجفر والطعوس المزابيـر
شامة زرود الواسعة دوجـــــوا به = ساعة زمان بين خضر الدواويـر
برض كساه من المحاسن عجوبه = سبحان من سواه باحسن تصاوير
لا حرك الحاجر نسايم هـــــــبوبه = غب الندى زادت جماله بتعـــطير
يشتاق له من كان نفســــه تروبه = متخالط نبته خزاما وســـــنيـــــر
سرنا منه والدرب ما به صعـــوبه = يم تربه ثم عطفوهن محاديــــــر
قالوا معشا قدم حزة غـــــــــروبه = وقت هل البيدا يسمونه عصيـــر
شبوا هل العــــــــادات نار لهوبه = كنه ينادي مرحبا يا مســـــايــير
قدام لا تظهر بـــــــــوادر كذوبه = نادا المنادي ورحبوا يا مناعـــير
2007, 03:56 AM
قالوا علوم العود 
العرض العادي
المواضيع المتشابهه 
