قالوا لي الناس ( غزليه )

قالوا لي الناس وشبك قلت انا مغري ومجبور = دخيلكم لا تحدونن على شرح الحقيقه
قالوا نعالجك تبرا قلت ما للحب دكتور = الا ان حصل لي شراب ينعش من ذوب ريقه
قالوا حبيبك وش اسمه قلت قلت مافضح شخص مستور = السر ماهوب هين له نغاليق وثيقه
قالوا تخير بداله كان منا تقبل الشور = ماحمل الله على المخلوق حمل ما يطيقه
قلت النصيحه فضيحه ما شكيت الكم من الجور = من فضلكم كل عذال يعود مع طريقه
خلون في رغبتي والادمي منهي ومامور = علي عد الليال إسياع والساعه دقيقه
مانسا حبيب صفا لي يوم هو ماوب مكبور = يزورني بالفريق اللي بعيد عن فريقه
اربع سنين تتالى ما وطاهن غيظ وافتور = كنه شقيقي وانا كني بلا منه شقيقه
واليوم هزت بنا الدنيا وحرك قرنه الثور = واقفيت واقفى وكل راح في كم وبنيقه
ما كن جا بيننا عشرة ولا فرحات واسرور = غارت علينا امفرقة المحبين السبيقه
واختامها بالصلاة وبسلام النفي الزور = اعداد ما قضوا الحجاج من شارع اسويقه