قائمة الجوال

 
التسجيل 

قم بالتسجيل الان فى المنتدى

 
البحث المتقدم  

البحث فى المنتدى

 
التعليمات 

اطلع على تعليمات المنتدى

 
مشاركات اليوم 

المشاركات االجديدة فى المنتدى

 
اتصل بنا 

ساهم فى تطوير المنتدى

مرحبا بك

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


العودة   شعراء عنيزة > شعراء راحلون > شعراء اخرون ... > محمد بن ثعلي المطيري


محمد بن ثعلي المطيري

العودة شعراء عنيزة > شعراء راحلون > شعراء اخرون ... > محمد بن ثعلي المطيري تحديث الصفحة مراسلات ابن ثعلي مع ابو ماجد


إضافة رد
 
LinkBack أدوات الموضوع انواع عرض الموضوع
قديم 2007, 05:13 AM   [1]
مراقب


الصورة الرمزية ماجدونا
 






مراقب


الصورة الرمزية ماجدونا
 







حملّ ابو ماجد تحيه وقصيده مع احد المسافرين ايام كان بمكه لابن ثعلي بعنيزه ,, فدارت بالمجلس قبل ان تصل لابن ثعلي .
فعتب محمد بن ثعلي ( رحمه الله ) على ابو ماجد كيف لم يخصه بخطاب باسمه بدل من يبلغ عن القصيده من افواه الرواه .

فدارت هذه المراسلات بينهم وكلٍ يبين وجهة نظره ,,

بدايه من ابو ماجد مرسوله لابن ثعلي :-



يا ولد عثمان من فضلك تراك بها الوصاة معروف = الموجب انه علي من اللزوم اللي كبر قندهار
ترا التعب في شروط الواجبات بكل شي مخلوف = أخاف تلهي او تختصر السلام الى وصلت اختصار
الى وصلتوا عنيزه فاظهر الدفتر وفل الكشوف = وانشر سلام عمومي للطوال وللزقرت القصار
واللي نشد عن خصه بالسلام وقل يعيش ويشوف = منازل له ابقلبي ما يبن غير المواجه عمار
لو انها تسمح الدنيا لبو ماجد ببعض الظروف = زرته ولا شك أنا بام القرى مانيب طلق الشكار
اوقل لابن ثعلي محمد كان هو ماهوب يلقى صفوف = يمد رجله المكه نشبعه قلطات ليل ونهار
يشوف وشلون تجديع الصفاح ولون ضرب السيوف = الموجب ان الملاعب للقوي وللضعيف اختبار



***




وهذا رد ابن ثعلي :-




يا مرحبا حي مكتوب سمعته قبل عيني تشوف = أوحيت ما به يغنى بالمجالس ويش هالخط صار
صار ان مالي كتاب الا مثل غيري يمر ويطوف = ولا فنا بوش مالي عند بداع المعاني وقار
لو ان عنده وقار لي جحد ما به لما انه يشوف = يقرى علي الكتاب أعطيه رده ثم يفشى الخبار
لا شك قيلك كسد يا مسندي لا واسفا واحسوف = ما وصلن الا عقب ما فاه بالديره علينا ودار
بغيت أخسره ولكن قلت أبا شرب مثل شرب العيوف = الموجب ان الكتاب اللي يجيني كشف كسر اعتبار
والله لولا المجابر وانت ما لزيتني للحلوف = اني فلا أرد لو انك تشب النار وسط الحضار
من حال شرهان ولا القيل مقط ما حسبناه صوف = لا شك شره عليك ان كان تـِترضين عطني غيار
عطني غيار امزرف لا يجيني كشف ما به ازروف = وان كان جا كشف لا تشره الى من مدفع الحرب ثار
اوعساك تسلم وتنجم يا رفيقي من كثير الصدوف = بانت لك الشاره اللي بيننا ترث عمار ودمار



***






رد ابو ماجد :-


حي الله على صوط ولهس عزز مقام الحروف = ارسل كتاب لبيب إبحال ولا حال يقدح شرار
مدري عدم ذوق ولا مشتهن يضرب علي الدفوف = قريت خطه وقمت اكفخ من الشرهه يمين ويسار
بغيت اجازيه لكن قلت ابا صلي صلاة الكسوف = الموجب ان القمر يكشف ولكنه بغير اختيار
ماهيب كبدي رهيفه تنزعج من كف ملح او سفوف = انشد عن الدار والقوة قبل تضرب عليها الحصار
ليت المفاهم يجي بيني وبينك في محل امحفوف = من حال افاهمك ولا حال ابا طير عليك الغبار
وان كان من هالسلام اللي يعم ولا يخص امحروف = عساه تلقح مطية هالمفاهم بيننا بالعشار
انا من العام ناجح يوم الاكبد معتريها الحفوف = طمعت بالخطة اللي طق فيها للحروبات طار
وانت المخير ترا باب العتاب من الصواب امعطوف = لياك تصبر على شن تكرهه ترا المطامع كثار
ما يتفق عند بيع ومشتري الا حاملين الشفوف = وان كان كذبتني فانشد عن الواقع اكبار التجار
واسلم وسلم ولا تركب على غوج ماهوب امعسوف = جرب اخيالك كان ان الطمع شالك على هالمغار



***




رد ابن ثعلي :-




البارحه يا جماعه كن قلبي من حشاي امخطوف = ودي بشوفة رفيق حال ما بيني وبينه ديار
لو كان ما لي مصاليح ولكن بس اباجلى الحسوف = ابي المفاهم يصير بحضرة الخصمين والمستشار
إما تجي له على ما يشتهي في كل طرق ينوف = والا على اللي حقرني صار بي قوه وزود اقتدار
ولاهوب حق يجي من بيننا هرج الهمج والحتوف = ماطيع انا في رفيقي لو تعرى صرت انا له اوزار
وان طاع بي هرج عبدالله فلاني منه اداري واخوف = آخذ بزنديوخصمي منته بالطين ولا الفقار
وان عزني عز نفسه منته مني بكفل الخروف = وان ذلني تاه رشده وافهم ان الخصم ساسه هيار
مانيب زهاف أثمن للعواقب مير خصمي زهوف = موراً بروحه يحسب انه ابن هندي معف المهار
كلٍ على قدر حاله يا رفيقي لا تصير امهفوف = يا شين والله فلا انتب مرهفن لا شك انا اراه عار
اراه عار المعاتب بيننا كان انت حبر عروف = خل الطمع والطمع من مثلكم جعله يعود خسار
كان انت غازي فلا والله تعود جيش ربعي نكوف = إما لي الطايله والا حصل لي منك رود انعثار
لو كان ماهوب ودي مير شوفك للعداوه تحوف = وانت المفوض وشاور ثم لك عقب المشار الخيار
والاحسن إنا نخلي هالكلام المشتبه في قذوف = اخاف تعني اغصون الاجنبي لاسمعهن بالخضار

رد مع اقتباس

إضافة رد

مواقع النشر (المفضلة)

الكلمات الدلالية (Tags)
ماجد , مراسلات , مع , ابن , ثعلي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قال علي ابو ماجد (غزليه ) ماجدونا علي الماجد (ابوماجد) 1 2012 09:04 AM
قال بن ماجد في حجى رأس نايف روح التميمي علي الماجد (ابوماجد) 1 2008 09:28 PM
مساجلة بين الشاعر علي أبو ماجد وأبنه ماجد علي ابو ماجد منتدى المواضيع العــــامة 1 2007 02:36 AM
ابو ماجد وعوض مظلوم علي الماجد (ابوماجد) 1 2007 05:35 AM

الساعة الآن 06:54 AM
   
 
الساعة الآن 06:54 AM
Powered by vBulletin™ Version 4.1.9 Copyright © 2014 vBulletin Solutions, Inc. All rights reserved. Search Engine Friendly URLs by vBSEO 3.6.0
Des By YsOrI
الحقوق محفوظه لشعراء عنيزة 2004-2014