شعراء عنيزة

شعراء عنيزة (http://www.3naizah.net/shora/)
-   عبدالعزيز محمد القاضي (http://www.3naizah.net/shora/f171.html)
-   -   الله من قلبٍ غدا يابن عجروش (http://www.3naizah.net/shora/t5090.html)

روح التميمي 2007 06:45 PM

الله من قلبٍ غدا يابن عجروش
 
ياعلي صندوق من الشعر مفتوش=قم خذ منه ما شاق بالك بلاشي
الله من قلبٍ غدا يابن عجروش=فوت الحرص من جوف صندوق جاشي
غدوا به النجع الذي قادوا البوش=والنجع عن رجلي بعيد المعاشي
أقفوا بخودٍ حاشوَه بالفنا حوش=ونحّوا عنه باطرافهن كل غاشي
من فوق كبرات (العبيات) و(كروش)=ومركِيّهن يقهر وساع الحواشي
وإلى اعتلوا بسروجهن في ضحى الهوش=سقوه من الضد الزجاج العطاشي
لو الغزال تباع ياعلي بقروش=أو الذهب ما مر طيب معاشي
العندل اللي خدها صيغ بنموش=جوهر وماياتٍ لهن اهتواشي
وملبّسينه غالي الدل بنقوش=ومطوّقينه من جلال القماشي
والقرن سباح من الورد مرشوش=وسهوم نجله مدهشاتٍ غواشي
لو إن قلبي من ثناياه منعوش=ما حاربت عيني لذيذ الفراشي
ياعلي كنّ الجسم بالناب منهوش=من ناب حضفِ كنها رجل حاشي
ما عاد أسير إلا على الرجل منعوش=وإلا على الرجلين مانيب ماشي
بقى دنيف الجسم ياعلي قرفوش=والسر لو صكيت الأقفال فاشي
لعب بعقلي صاحبٍ داشني دوش=ورسمني الواشي بنقش الحواشي
ساعة بدا هذا النبا خص عيّوش= بسلامٍ أحلى من مجاج النواشي


الساعة الآن 01:36 AM

Powered by vBulletin V3.8.7. Copyright ©2000 - 2020, Tranz By YsOrI
اصحاب عرب
الحقوق محفوظه لشعراء عنيزة 2004-2014