شعراء عنيزة

شعراء عنيزة (http://www.3naizah.net/shora/)
-   سليمان العليان (http://www.3naizah.net/shora/f147.html)
-   -   أنا السلطان وابن السلاطين (http://www.3naizah.net/shora/t5170.html)

روح التميمي 2007 04:37 PM

أنا السلطان وابن السلاطين
 
مرامي العليا منوّل وهالحين=أترك هماج الما وأدوّر زلاله
ماني من اللي بالمذلة حريّين=ولاني من اللي يدّعون الشكاله
أنا من أحرارٍ قرومٍ ميامين=على الوفا نهجي وصدق المقاله
وأنا وسيع بطان صدري ميادين=طويل بالٍ ما بقلبي حياله
أسكت عن الزلات مره وثنتين=والثالثه ماعاد فيها جماله
يعرفني القاصين من قبل الأدنين=إن الوفا طبعي وأنا أيضا مجاله
أضرب بسيفي وأفرق الشين والزين=وأخلي العالي مكانه نعاله
تغطلس الدنيا ولا أسمع منادين=واللي يصير إن صار مالي وماله
مثلك ترى ماله بقلبي موازين=يالتايه اللي ما بعقلك دلاله
عجّلت بأحكامك مع المنطق الشين=طاوعت من غرّك براي الخماله
جرحتني مع جرح الأيام جرحين=حملت ما يصعب علي احتماله
لا نلت بي دنيا ولا نلت بي دين=ولا نلت بك غير العنا والفساله
ماعاد بك ميزٍ ولا عاد لك عين=تدرك يمين الحق وإلا شماله
ذكر الفتى يبقى لو الناس فانين=واللين مطلب والتزرّف جهاله
مرّيت بالدنيا بالاعسار واللين=وسايرت معوجّ الزمان وعداله
واخترت ميدان المراجل عناوين=ورفعت نفسي عن نديم السفاله
ماهمني من قال أنا مين ابن مين=خبلٍ كثر هذره وقلّت فعاله
ولا همني ناسٍ تحوش الملايين=لا صارت أرياها تروم النذاله
نعم .. أنا السلطان وابن السلاطين=حيٍّ وابن حيٍّ كلامه عقاله
لي قيمتي ياهيه ياابن العزيزين=والعز مدهالي ولا أرضى بداله
رجال بي شيمه نظيف المضامين=ماارجي هبيلٍ يستخفّه رياله
يافاقد التدبير وينك وأنا وين=اعرف حدودك لا تزيد الضلاله
بيّنت لك بعض المشاعر بسطرين=والباقي أدفنهن بجوف الرساله
من شان ما تخفى عليك الموازين=الشاهد الله جنّبتك العداله

حمد البادي 2007 11:36 AM

رد: أنا السلطان وابن السلاطين
 
الله. الله. الله


صح السانك ابو حمد على هالقصيده الجزله


وتسلم يمينك استاذنا روح التميمي على هالاختيار الجميل


الساعة الآن 12:30 AM

Powered by vBulletin V3.8.7. Copyright ©2000 - 2020, Tranz By YsOrI
اصحاب عرب
الحقوق محفوظه لشعراء عنيزة 2004-2014