ألا يابو ثمـانٍ لاهقـة حبـك بـرى حالـي = أنا لولاك مالي فـي طواريـق الهـوى نيّـة
عيوني غير زولك مـا تلّـد بكـل الأزوالـي = ولكن ما بقلبـك ياصخيـف الـروح ماويـة
تشوف إنـي مريـضٍ لاجلـك واترضا لـي = تكايدني وأنا مالي جـدى إلا الصفـق بيديّـه
لو إن اللي ضهدني ضاهدك يالجوهر الغالـي = لـك الله ماتنـام الليـل و عيونـي شقاويـة
تناظرني بعيـن الغيـظ مابـه رد و ابدالـي = كما إنـي مـن بعيـد النـاس مابـك محنّيـة
ألا ياروح روحي لاتجّـذ الوصـل بحبالـي = تجمّل بي ترى الحسنى تضاعف عن مية سّية
دخيلـك ياعيونـي لاتعذبنـي علـى الخالـي = تراني ما طلبتـك بالهـوى طلبـه معسريـه
أبي منك المواصل ياشفى روحـي و سلاّلـي = ترى نفس الفتى يالزيـن مامـوره و منهيّـة
تمنينـي ولاكـن لا طلبتـك مــا تهيـالـي = عسى ربٍ صبغ حبك بقلبـي يصخـرك ليـه
وألى منه لحظ لمي بنجـلٍ تغـزل اغزالـي = لو إني مع طريقي سمّـرت بالقـاع رجليّـه
ألا ياهل الهوى جرح الهوى للـروح قتّالـي = ولا يبرى صويبه لو رقـم كيـة علـى كيـة
2007, 06:49 PM
ألا يابو ثمـانٍ لاهقـة 
العرض العادي
المواضيع المتشابهه 
