سمعت من العرب سبعة بيوت

سمعت من العرب سبعة بيوت كلها منقود = يا ليت الله غدرني بالمنية قبل لاوحيها
انا بعطي الوظيفه حقهاوابني حجا البارود = اقررها على راس الشبح تقرير وارميها
وانا من عرض هالخدام لا ناقص ولابي زود = ولكن ماستحمل الخامله واللي يسويها
غشاك اللوم من ومن جميع الناس يا مقرود = تمطع بالمراره وانت في بطنك حلاويها
تنقد والتنقد ما يسرك يا قليل الفود = بذرت الواهيات احصد واغمر في نواميها
ترا مانتب ولد تركي ولا ولد الامير سعود = ولا عبدالله الفيصل على مكة وما فيها
ولكن لا تسوي مثل هالنوبه وانا ماجود = اسوي بك سوات ما يموت اسمه وطاريها
يهذري به كبير السن ويوحش بها المالود = ويستادب بها اللي ما درا وش ذنب راعيها
يقوله واحد ما يوشي الفتنة بغير اوقود = الا شب البريزة حط فيها اللي يكفيها