يقول المولع

يقول المولع اللي طيرت به سبق الايام = وهو له عيلة يرجون خالقهم ويرجونه
مشيت من الحجاز بليل مرهي والهوى قدام = اسج ايام والا ايام يرجي القلب مظنونه
وصلت العاصمه يوم حظي من منامه قام = برفق الصاحب اللي صحبته ماهيب مامونه
جرى بيني وبينه ما تغص بشرحه الاقلام = ولا يمحى لون اللي يبي يمحون يمحونه
ولكني لقيت اللي عواطفهم تهب اولام = لهم تاريخ مجد قبل لا ييبس يعيدونه
بلا خص الطعام جعلها تطعهم الايام = عسى التسهيل والتوفيق عنقود يخرفونه
وجيت اهل الحسا وبقيق والدمام = ازقرت لو يباع الطيب غالي كان يشرونه
وانا ما جيت مسترفد ولا مزري ولا منضام = عنيت بلازم دعواي في دعواه مرهونه
احسبني لا جبته غديت مفرج الهمام = احصل مطلبي والطيب يا كوده ويا هونه
ولكن غصت القصة ولا للمشكله حكام = اداعي عاقل القصه وانا في بطن مجنونه
تراها ذكرتني بالسوالف عبد بن غنام = وقع بالبير يومنه يشوف الغبن بعيونه
انا مظلوم والمظلوم لو يزعل فلا يلام = كثير الناس ما يدري عن المعنى وماعونه