بديت ابيات قيفانٍ غرايب ( حماسيه )

بديت ابيات قيفانٍ غرايب = وجرحي كاميٍ ما هوب طايب
يجوض القلب من ضيم الزمان = امورٍ تودع المالود شايب
الا يا طارش ٍ يمة عقيل = على حمرا زهت زين الجنايب
تريّض وافتهم من جواب = جوابٍ من أديب للقرايب
فخبرهم برد العلم مني = وزج الصوت في روس الجذايب
وقل ينخنكم بيض الخدود = بنجدٍ تشتعل نار الحرايب
يبي يجري بها يوم كبير = يشيب الراس يوم اللاش هايب
وراع الدين يستافي بدينه = بحد السيف شلاع الضرايب
ترا اللي مثلكم ما له مقام = ولو هو من ورى الشطين غايب
ترا ما يروي الظامي ضحاح = وكتب خطوطكم ما هوب ثايب
سواد وجيهكم ترك المحارم = ولا يقعد عنه كود الزلايب
عساكم كان ما جيتوا سريع = جميعٍ في لظى حام اللهايب
حرامٍ لبسكم سلك الحرير = وركبٍ فوق عيرات النجايب
ولا توقد لكم نار الدلال = ولا تضحك لكم شقر الذوايب
ولا تفرش لكم زل الزوالي = ولا تلبس لكم زين السلايب
ترا ما يتقي غير العفون = عن الماجوب يشرد كل خايب
جمع المال حرصين عليه = وتربيت النمايم والسبايب
ودرب المرجله عنكم بعيد = عساكم من تحت عوج النصايب
حقيقينٍ بتسويد الوجيه = وحسن اذ قونكم بالعون صايب
يحق المدح للي حاضرين = بيومٍ فيه نور الشمس غايب
لكن الصمع زلزال الرعود = مجيدٍ ضربهن بين الترايب
نبيع العمر دون المحصنات = وبيد الله تصريف الهبايب
الا يا دار بالك ترهبين = براي الله نوريك العجايب
ياما دونك جدعنا من طريح = على راسه ورجليه الرقايب
ولا جازوك بالعلم القبيح = نجازيهم بتفريق الحبايب
مشاهير السرب نارد عليها = وندعيها على الباغي حطايب
وهذا عذرنا دونك يصير = بشيّة ربنا جزل الوهايب
على المختار صلى الله وسلم = عدد ما سار من وشايب