قائمة الجوال

 
التسجيل 

قم بالتسجيل الان فى المنتدى

 
البحث المتقدم  

البحث فى المنتدى

 
التعليمات 

اطلع على تعليمات المنتدى

 
مشاركات اليوم 

المشاركات االجديدة فى المنتدى

 
اتصل بنا 

ساهم فى تطوير المنتدى

مرحبا بك

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


العودة   شعراء عنيزة > شعراء معاصرون > صالح العميم


صالح العميم

العودة شعراء عنيزة > شعراء معاصرون > صالح العميم تحديث الصفحة الشاعر صالح بن محمد العميم البقمي


إضافة رد
 
LinkBack أدوات الموضوع انواع عرض الموضوع
قديم 2007, 05:09 AM   [1]
شاعــــر


الصورة الرمزية حمد البادي
 





شاعــــر


الصورة الرمزية حمد البادي
 










هو.. الشاعر.صالح بن محمد العميم البقمي
ولد في مدينة عنيزه في حي الشعيبيه من احياء عنيزه القديمه عام 1358 نشأ في اسرةٍ كريمهٍ كادحه تعمل في مجال الزراعه اعجب في صغره بشيلات المزارعين اثناء قيامهم باعمالهم الزراعيه مثل .السواني.و.الختام.و.الحصاد.و.الكمام.وغيرها
وحفضها وتمثلها في شبابه وتأثر بمجالس الرواة وأحاديث السمر في الليالي والمناسبات. نبغ في حب الشعر وروايته ونظمه منذ الصغر واتجه للمساجلات في بعض الأحيان واتجه في شبابه الى الأتصال بشعراء عنيزه
مثل ابوماجد وعلي القري رحمهما الله ورافق عبد العزيز البادي وحمد المغيولي ومحمد السلمان وعبد الله ابن حسن( الخال) رحمهم الله وكان محبوباً من الجميع وكثيرا مايكون حلقة وصل بين الشعراء واصلاح ذاة البين عندما يحدث سوء تفاهم بينهم
احب شعر القلطه والمساجلات والمراسلات له علاقه وطيده مع الرواة امثال سعد العبد العزيز السلبم وعبد الرحمن الربيعي وبراهيم الواصل رحمهما الله
وعبد العزيز المنصور الخنيني توسعت دائرة علاقاته في مناطق المملكه
واتصل بالشعراء امثال احمد الناصر وخلف ابن هذال ومستور العصيمي
ومطلق الثبيتي رحمه الله وشليويح ابن شلاح المطيري وكثير من شعراء المملكه
ومع شعار البقوم امثال المعنى وابن جرشان وفيصل الرياحي وشعراء البقوم عامه وله مع شعراء الكويت علاقات طيبه امثال سالم بن تويم ومتعب السعيد
ومهلي الحشاش وكان منصى لضيوف عنيزه من الشعراء ومحبي الشعر
ويعتبر عمده للشعار بعنيزه والربط بين المخضرمين منهم والشباب
له قصائد في اغراض متعدده ويغلب على اهتمامه الغزل الذي يتسم بالعفه
وتصوير المشاعر دون الوصف المخل بالأدب
له مساجلات مع كثير من زملائه الشعراء يمتاز شعره بالدقه والوضوح واختيار
الألفاظالأصليه دون العبث بما يسمى الحداثه يحب اختصار القصائد بما لايخل
بالمعنى المقصود يجيد الأغراض ولكنه يترفع عن الهجاء احتراما لنفسه اولا وتقديرا للسامعين قليل النشر علي وفرة ما لديه يزينه التواضع ويكسبه المرح دائره واسعه من المحبين والمعجبين ولأصدقاء
__________________

رد مع اقتباس
قديم 2007, 05:21 AM   [2]
شاعــــر

الصورة الرمزية حمد البادي








--------------------------------------------------------------------------------


قصيدة ابومحمد في رثاء خادم الحرمين الشريفين
الملك فهد بن عبد العزيز
رحمه الله


فجيعـةٍ ياكبـرهـا بالفجـايـع=ميرادها بالحزن والضيق والهـم
جانا خبر لـه بالاذاعـه طلايـع=ندعي ونطلب ليت هالعلـم ماتـم
واثره بنشرات الفضاء الصبح ذايع=ادنى بلد واقصى بلد صابه الغـم
عقب البيان اللى يثيـر الفزايـع=والدمع كنه يدفعـه وافـر الجـم
قالوا فهد سلٌـم جميـع الودايـع=صبيحـة الاثنيـن ودٌع وسـلٌـم
فهد لـه التاريـخ بالفعـل رايـع=في مصلحتنا وفٌر الكيـف والكـم
من شد عن مبداه بالحق ضايـع=ما يرحمه خاله ولا ينفعـه عـم
مرحوم ياراع الوفـاء والفزايـع=ياللي بجيرانه وبالشعـب مهتـم
في جنة الفردوس بيـن النوايـع=مع النبي والأهل والشمـل يلتـم
التعزيـه مرفوعـةٍ بالضـرايـع=لاسرة فهد كله على العهد تنظـم
اكبر عزانا فيـك حفـظ الودايـع=عبد الله اللي عنده الرآي محكـم
هو خادم البيتين بامـر الشرايـع=شرايع الأسـلام تقـرى وتفهـم
ايضا ولي العهد بالطيـب شايـع=سلطان في خيره مع الناس يعلـم
قالوا تبايع قلت انـا اول مبايـع=امبايعة جدي ورثتـه مـع الـدم
حنـا توارثنـا ثبـات الطبـايـع=واليوم عبـد الله ملكنـا المعظـم
العهد والاخـلاص فينـا زرايـع=بالحق ما نصغـي لمـدحٍ ولا ذم

شاعــــر

الصورة الرمزية حمد البادي








--------------------------------------------------------------------------------


قصيدة ابومحمد في رثاء خادم الحرمين الشريفين
الملك فهد بن عبد العزيز
رحمه الله


فجيعـةٍ ياكبـرهـا بالفجـايـع=ميرادها بالحزن والضيق والهـم
جانا خبر لـه بالاذاعـه طلايـع=ندعي ونطلب ليت هالعلـم ماتـم
واثره بنشرات الفضاء الصبح ذايع=ادنى بلد واقصى بلد صابه الغـم
عقب البيان اللى يثيـر الفزايـع=والدمع كنه يدفعـه وافـر الجـم
قالوا فهد سلٌـم جميـع الودايـع=صبيحـة الاثنيـن ودٌع وسـلٌـم
فهد لـه التاريـخ بالفعـل رايـع=في مصلحتنا وفٌر الكيـف والكـم
من شد عن مبداه بالحق ضايـع=ما يرحمه خاله ولا ينفعـه عـم
مرحوم ياراع الوفـاء والفزايـع=ياللي بجيرانه وبالشعـب مهتـم
في جنة الفردوس بيـن النوايـع=مع النبي والأهل والشمـل يلتـم
التعزيـه مرفوعـةٍ بالضـرايـع=لاسرة فهد كله على العهد تنظـم
اكبر عزانا فيـك حفـظ الودايـع=عبد الله اللي عنده الرآي محكـم
هو خادم البيتين بامـر الشرايـع=شرايع الأسـلام تقـرى وتفهـم
ايضا ولي العهد بالطيـب شايـع=سلطان في خيره مع الناس يعلـم
قالوا تبايع قلت انـا اول مبايـع=امبايعة جدي ورثتـه مـع الـدم
حنـا توارثنـا ثبـات الطبـايـع=واليوم عبـد الله ملكنـا المعظـم
العهد والاخـلاص فينـا زرايـع=بالحق ما نصغـي لمـدحٍ ولا ذم

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس
قديم 2007, 05:27 AM   [3]
شاعــــر

الصورة الرمزية حمد البادي








مرثيته في الشيخ
محمد بن صالح العثيمين
رحمه الله



ليلة خميس وكـلٌ حـيٌ وشانـه=ذاع المذيع اللي فجانـا بالاعـلان
شاع الخبر عبر الفضاء من بيانـه=هزٌت معه كل النواحـي والاركـان
قال اسمعـوا والله عظيـمٍ بشانـه=الموت ما يسترجعه طول الاحـزان
الروح لابـن آدم سـواة الأمانـه=ان حل ميعاد الوفاء والسفر حـان
شيخ الديـار اليـوم خـلاٌ مكانـه=من جامع الديره ومن كل الاوطـان
لو لا الله اعطى النفس صبرٍ واعانه=كان البكى بالناس باشكال والـوان
أمه عنيزه وارتـوت مـن حنانـه=تبكي على ضمه مع اهلٍ وجيـران
وامر القـدر حـدد مكانـه وزانـه=بأم القرى له بالثرى خير مسكـان
شيخٍ عطانا من علومـه حصانـه=بيٌـن لنـا بهدايتـه كـل برهـان
مالـوم ياقلـبٍ بـكـاه ابتكـانـه=لك حق موته به مصيبه وخسـران
مرحوم ياشيـخٍ مـن اول زمانـه=بالحق سيف وحامل الحق سلطـان
مرحـوم ياشيـخٍ عفيـفٍ لسانـه=قلبه صفاء للدين في كل الاحيـان
مرحـوم ياشيـخٍ عليـه الرزانـه=جسمه رحل لكن علمـه بالاذهـان
مرحـوم ياشيـخٍ بحلمـه ليانـه=لأهل التقى وإلا المضليـن بركـان
ربي حفظ دينـه بمثلـه وصانـه=يجزيك في تقديم الإحسان باحسان
يفتح لك الفردوس باعلـى جنانـه=في رحمة الله مسكنك ذات الأفنـان

شاعــــر

الصورة الرمزية حمد البادي








مرثيته في الشيخ
محمد بن صالح العثيمين
رحمه الله



ليلة خميس وكـلٌ حـيٌ وشانـه=ذاع المذيع اللي فجانـا بالاعـلان
شاع الخبر عبر الفضاء من بيانـه=هزٌت معه كل النواحـي والاركـان
قال اسمعـوا والله عظيـمٍ بشانـه=الموت ما يسترجعه طول الاحـزان
الروح لابـن آدم سـواة الأمانـه=ان حل ميعاد الوفاء والسفر حـان
شيخ الديـار اليـوم خـلاٌ مكانـه=من جامع الديره ومن كل الاوطـان
لو لا الله اعطى النفس صبرٍ واعانه=كان البكى بالناس باشكال والـوان
أمه عنيزه وارتـوت مـن حنانـه=تبكي على ضمه مع اهلٍ وجيـران
وامر القـدر حـدد مكانـه وزانـه=بأم القرى له بالثرى خير مسكـان
شيخٍ عطانا من علومـه حصانـه=بيٌـن لنـا بهدايتـه كـل برهـان
مالـوم ياقلـبٍ بـكـاه ابتكـانـه=لك حق موته به مصيبه وخسـران
مرحوم ياشيـخٍ مـن اول زمانـه=بالحق سيف وحامل الحق سلطـان
مرحـوم ياشيـخٍ عفيـفٍ لسانـه=قلبه صفاء للدين في كل الاحيـان
مرحـوم ياشيـخٍ عليـه الرزانـه=جسمه رحل لكن علمـه بالاذهـان
مرحـوم ياشيـخٍ بحلمـه ليانـه=لأهل التقى وإلا المضليـن بركـان
ربي حفظ دينـه بمثلـه وصانـه=يجزيك في تقديم الإحسان باحسان
يفتح لك الفردوس باعلـى جنانـه=في رحمة الله مسكنك ذات الأفنـان

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس
قديم 2007, 05:39 AM   [4]
شاعــــر

الصورة الرمزية حمد البادي








--------------------------------------------------------------------------------


وهذه قصيده للشاعر ابومحمد
القيت في حفل عيد الفطربعنيزه
عام 1418




تجلٌت بالفرح داري عنيزه كـل عـام ابـزود=شباب وشيب يامحلا الفرح من بين الأجوادي
نهنيكم جميع بلا خصوصٍ يا رجـال الجـود=عسى الله يجعل ايام السنه من جنس الاعيادي
واخص إبها الفهد واخوانه القاده لنا آل سعود=رجالٍ يمهم راس الشرف يخضـع وينقـادي
رجالٍ بذلهم للمجتمـع دايـم بغيـر احـدود=بنوا صرح التقدم واشهدي ياساحـة النـادي
وأعيد التهنئه وافخر وانا جودي من الماجود=لأمير المنطقه فيصل عساه بعـز واسعـادي
جميع المنطقه تشهد لأبو بندر على المجهود=وانا اشهد من ضميرٍ يرسم الواقـع ولا زادي
بعد نهدي تحيه للمحافـظ والوفـاء معهـود=تحمٌل واجبه واخلـص ولا يحتـاج نشٌـادي
فرح عيد ارمضان بكل حاره والقلوب اشهود=وزادت يا هل النادي بكم رايـات الأسعـادي
تشد مناسبات العيد حبـل مواصـلٍ ممـدود=مواريه الأكيـده بالوجيـه الضاحكـه بـادي
مظاهر حب صافي من قلوبٍ تكـره المنقـود=على طول السنه له ماقفٍ ثابـت ومعتـادي
عسى حفلٍ جمعنا بالمسـره بالقريـب يعـود=على خيرٍ يعـم المسلميـن بسنـة الهـادي
ترى التعبير يقصر ما يصور غاية المقصـود=وباختمها بشكرٍ مثل ريح المسـك والكـادي

شاعــــر

الصورة الرمزية حمد البادي








--------------------------------------------------------------------------------


وهذه قصيده للشاعر ابومحمد
القيت في حفل عيد الفطربعنيزه
عام 1418




تجلٌت بالفرح داري عنيزه كـل عـام ابـزود=شباب وشيب يامحلا الفرح من بين الأجوادي
نهنيكم جميع بلا خصوصٍ يا رجـال الجـود=عسى الله يجعل ايام السنه من جنس الاعيادي
واخص إبها الفهد واخوانه القاده لنا آل سعود=رجالٍ يمهم راس الشرف يخضـع وينقـادي
رجالٍ بذلهم للمجتمـع دايـم بغيـر احـدود=بنوا صرح التقدم واشهدي ياساحـة النـادي
وأعيد التهنئه وافخر وانا جودي من الماجود=لأمير المنطقه فيصل عساه بعـز واسعـادي
جميع المنطقه تشهد لأبو بندر على المجهود=وانا اشهد من ضميرٍ يرسم الواقـع ولا زادي
بعد نهدي تحيه للمحافـظ والوفـاء معهـود=تحمٌل واجبه واخلـص ولا يحتـاج نشٌـادي
فرح عيد ارمضان بكل حاره والقلوب اشهود=وزادت يا هل النادي بكم رايـات الأسعـادي
تشد مناسبات العيد حبـل مواصـلٍ ممـدود=مواريه الأكيـده بالوجيـه الضاحكـه بـادي
مظاهر حب صافي من قلوبٍ تكـره المنقـود=على طول السنه له ماقفٍ ثابـت ومعتـادي
عسى حفلٍ جمعنا بالمسـره بالقريـب يعـود=على خيرٍ يعـم المسلميـن بسنـة الهـادي
ترى التعبير يقصر ما يصور غاية المقصـود=وباختمها بشكرٍ مثل ريح المسـك والكـادي

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس
قديم 2007, 05:53 AM   [5]
شاعــــر

الصورة الرمزية حمد البادي








--------------------------------------------------------------------------------

وهذه قصيد للشاعر ابو محمد
موجهه لسعادة محافظ عنيزه المكلف
المهنس
مساعد بن يحى السليم



يطيب الفخر والمدح في كاسب الامداح=الى صار كسٌاب المدايح على الساحـه
جميع السنه عيدٍ لنا غايـة الافـراح=وطير السعد رفرف على الدار بجناحه
عنيزه لنا جنه علـى عزهـا نرتـاح=بها القلب في ممساه راضي ومصباحه
لنا ديرةٍ في نجد مـا زادهـا المـدٌاح=حضيض البخت لو زارها هبٌت ارياحه
هي الدار لكن مانقول ارضها مصلاح=وراها رجالٍ لافضـل المجـد لمٌاحـه
رجال البلد واليوم بالرأي دون اسلاح=محافظ عنيزه حوله النـاس مرتاحـه
ابو فيصل اللي نيته تجلـب الأربـاح=ابو همةٍ في مـوج الأفكـار سبٌاحـه
مساعد سعدنا والسعد في جبينـه لاح=الى قيـل ذاك العـز بيديـه مفتاحـه
عنيزه سفينه والمحافـظ لهـا مـلاٌح=ولا يعرف امواج البحر غيـر ملاٌحـه
من التاجر المشهور للعامـل الفـلاح=علي وقته المبروك عاشوا على الراحه
نظامٍ على المطلوب والعدل والإصلاح=بحب الوطن كم عاجزٍ ضمد اجراحـه
على منهجٍ للمملكه يضمـن الإنجـاح=قلوبٍ على الميثاق ما هيـب مزٌاحـه

شاعــــر

الصورة الرمزية حمد البادي








--------------------------------------------------------------------------------

وهذه قصيد للشاعر ابو محمد
موجهه لسعادة محافظ عنيزه المكلف
المهنس
مساعد بن يحى السليم



يطيب الفخر والمدح في كاسب الامداح=الى صار كسٌاب المدايح على الساحـه
جميع السنه عيدٍ لنا غايـة الافـراح=وطير السعد رفرف على الدار بجناحه
عنيزه لنا جنه علـى عزهـا نرتـاح=بها القلب في ممساه راضي ومصباحه
لنا ديرةٍ في نجد مـا زادهـا المـدٌاح=حضيض البخت لو زارها هبٌت ارياحه
هي الدار لكن مانقول ارضها مصلاح=وراها رجالٍ لافضـل المجـد لمٌاحـه
رجال البلد واليوم بالرأي دون اسلاح=محافظ عنيزه حوله النـاس مرتاحـه
ابو فيصل اللي نيته تجلـب الأربـاح=ابو همةٍ في مـوج الأفكـار سبٌاحـه
مساعد سعدنا والسعد في جبينـه لاح=الى قيـل ذاك العـز بيديـه مفتاحـه
عنيزه سفينه والمحافـظ لهـا مـلاٌح=ولا يعرف امواج البحر غيـر ملاٌحـه
من التاجر المشهور للعامـل الفـلاح=علي وقته المبروك عاشوا على الراحه
نظامٍ على المطلوب والعدل والإصلاح=بحب الوطن كم عاجزٍ ضمد اجراحـه
على منهجٍ للمملكه يضمـن الإنجـاح=قلوبٍ على الميثاق ما هيـب مزٌاحـه

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس
قديم 2007, 06:07 AM   [6]
شاعــــر

الصورة الرمزية حمد البادي








هذه قصيده اسندها الشاعر

احمد الناصر الشايع

على الشاعر صالح بن محمد العميم البقمي

يقول ..احمد الناصر




بالله ياللي تبى الفيحاء عنيزه ديـرة اهـل الفخـر=ياسعد منهم عضوده بالشدايـد والزمـان العسيـر
نطٌاحـة الكايـده لاقـلٌ بالدنيـا بعيـر الظـهـر=الطيب منهـم وفيهـم كلهـم كبيرهـم والصغيـر
جعل السلامه زهابك بالطريق الـى نويـت السفـر=اسلم وسلٌم على عيال العميم اصغيرهـم والكبيـر
اهل الوفاء والمروه والشهامه لـو يشيـن الدهـر=من يدك ليدين صالح خذ كتابي جعل خيـرك كثيـر
يابو محمد ليالينـا تصافـق مثـل مـوج البحـر=عجزت اميٌز لها وجه وقفـاء يالله مقسـوم خيـر
واحترت مدري وش آخذ وش اخلٌي بين هم وقهـر=المبتداء زين مير المقبلات الله علـم وش يصيـر
اللى ذبحني بغير اسلاح ما جاء منه علـم وخبـر=اللي بعقلي وروحي في حياتي صايرٍ لـي خشيـر
متى علي الله عيوني من صخيف الروح تملى النظر=القلب لولا الضلـوع اللـي يردنـه خطيـرٍ يطيـر
كن الشهر لي سنه عقب التفرق والدقيقـه شهـر=يالله تلطف بحال المغرم العاشـق عليـل الضميـر
ياصدق راع المثل قال الهوى والحب كلـه خطـر=والزين مثل الحيا متبوع مشهـاة الغنـي والفقيـر
اتلا الخبر يوم وادعنـي وقدامـه طريـق الحفـر=للديره اللي ورى الرقعي يقود القلب سلك الحريـر
اصعب عليٌ شوفته من شوفة اللي فوق سطح القمر=لاشك ابصبر على ما صا بني لين الفلـك يستديـر






فرد عليه شاعرنا صالح العميم بهذه القصيده
يقول ابو محمد




بالله ياللي من الزلفـي لفيـت امكلـفٍ بالخبـر=من شاعرٍ راية اهل العرف بيدينه ورايه بصيـر
ريٌح لما تاخـذ الواجـب علينـا يابعيـد النظـر=ما نذخر اللي يقود الوجه بالعادات مـا نستعيـر
والى نويت السفر برعاية الله دوم دربـك خضـر=للديرة اللي تحلٌت بالرجـال وبالمقـام الشهيـر
ياهل الكرم ماعليكم زود واهل العز واهل الظفـر=من عصر الاجداد حتى هالليالي يكملون المسيـر
من بعد رد السلام إخذ الجواب وردنـا مختصـر=والله ما تقصر الهقوه وانا في خطوتي مااستخير
قل لاحمد الناصر الشايع زعيم الشعر بدو وحضر=هذا جواب العميم اللي شعيتـه ياجنـاب المديـر
يابو محمد ليا لينـا تصرفهـا صـروف القـدر=ما احدٍ مغير حياته من تدابيـر الحكيـم الخبيـر
عادات الايام يمضي جوها الصافي ويبقى الكـدر=ياما علي كلمة الشاعر وديوانـه يفـوح العبيـر
لك حق تشكي من الفرقا وقلبك بالهوى ما عـذر=ابن سبيل شكى ومحمد القاضي وغيـرك كثيـر
والدار وحـده ومثلـك بالخليـج امقـدرٍ معتبـر=ان كان وقت الحبايب من مشاوير الزياره قصيـر
والله يعينك على همٌك وانا همٌي عـذاب وسهـر=من جادلٍ غض صادفني نقض بالقلب جرحٍ خطير
الزول ما هو غريب وسحره الفتان مـوتٍ حمـر=والمشكل الوقت عيٌن لي عن اعيون الصبايا خفير

شاعــــر

الصورة الرمزية حمد البادي








هذه قصيده اسندها الشاعر

احمد الناصر الشايع

على الشاعر صالح بن محمد العميم البقمي

يقول ..احمد الناصر




بالله ياللي تبى الفيحاء عنيزه ديـرة اهـل الفخـر=ياسعد منهم عضوده بالشدايـد والزمـان العسيـر
نطٌاحـة الكايـده لاقـلٌ بالدنيـا بعيـر الظـهـر=الطيب منهـم وفيهـم كلهـم كبيرهـم والصغيـر
جعل السلامه زهابك بالطريق الـى نويـت السفـر=اسلم وسلٌم على عيال العميم اصغيرهـم والكبيـر
اهل الوفاء والمروه والشهامه لـو يشيـن الدهـر=من يدك ليدين صالح خذ كتابي جعل خيـرك كثيـر
يابو محمد ليالينـا تصافـق مثـل مـوج البحـر=عجزت اميٌز لها وجه وقفـاء يالله مقسـوم خيـر
واحترت مدري وش آخذ وش اخلٌي بين هم وقهـر=المبتداء زين مير المقبلات الله علـم وش يصيـر
اللى ذبحني بغير اسلاح ما جاء منه علـم وخبـر=اللي بعقلي وروحي في حياتي صايرٍ لـي خشيـر
متى علي الله عيوني من صخيف الروح تملى النظر=القلب لولا الضلـوع اللـي يردنـه خطيـرٍ يطيـر
كن الشهر لي سنه عقب التفرق والدقيقـه شهـر=يالله تلطف بحال المغرم العاشـق عليـل الضميـر
ياصدق راع المثل قال الهوى والحب كلـه خطـر=والزين مثل الحيا متبوع مشهـاة الغنـي والفقيـر
اتلا الخبر يوم وادعنـي وقدامـه طريـق الحفـر=للديره اللي ورى الرقعي يقود القلب سلك الحريـر
اصعب عليٌ شوفته من شوفة اللي فوق سطح القمر=لاشك ابصبر على ما صا بني لين الفلـك يستديـر






فرد عليه شاعرنا صالح العميم بهذه القصيده
يقول ابو محمد




بالله ياللي من الزلفـي لفيـت امكلـفٍ بالخبـر=من شاعرٍ راية اهل العرف بيدينه ورايه بصيـر
ريٌح لما تاخـذ الواجـب علينـا يابعيـد النظـر=ما نذخر اللي يقود الوجه بالعادات مـا نستعيـر
والى نويت السفر برعاية الله دوم دربـك خضـر=للديرة اللي تحلٌت بالرجـال وبالمقـام الشهيـر
ياهل الكرم ماعليكم زود واهل العز واهل الظفـر=من عصر الاجداد حتى هالليالي يكملون المسيـر
من بعد رد السلام إخذ الجواب وردنـا مختصـر=والله ما تقصر الهقوه وانا في خطوتي مااستخير
قل لاحمد الناصر الشايع زعيم الشعر بدو وحضر=هذا جواب العميم اللي شعيتـه ياجنـاب المديـر
يابو محمد ليا لينـا تصرفهـا صـروف القـدر=ما احدٍ مغير حياته من تدابيـر الحكيـم الخبيـر
عادات الايام يمضي جوها الصافي ويبقى الكـدر=ياما علي كلمة الشاعر وديوانـه يفـوح العبيـر
لك حق تشكي من الفرقا وقلبك بالهوى ما عـذر=ابن سبيل شكى ومحمد القاضي وغيـرك كثيـر
والدار وحـده ومثلـك بالخليـج امقـدرٍ معتبـر=ان كان وقت الحبايب من مشاوير الزياره قصيـر
والله يعينك على همٌك وانا همٌي عـذاب وسهـر=من جادلٍ غض صادفني نقض بالقلب جرحٍ خطير
الزول ما هو غريب وسحره الفتان مـوتٍ حمـر=والمشكل الوقت عيٌن لي عن اعيون الصبايا خفير

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس
قديم 2007, 06:12 AM   [7]
شاعــــر

الصورة الرمزية حمد البادي








--------------------------------------------------------------------------------

يقول شاعرنا
العذب
ابو محمد


يا وجودي على اللي ساكنٍ بالضمايـر=وجد من راح عمره في حياةٍ كسيفـه
اتوجد على اللي ما صحب كل عايـر=لا تلومون من وجده بشوفـة وليفـه
يا وجودي عليها وجد راعي عشايـر=إجفلت من مراحه وإتبعتها العسيفـه
آه انا صابني مثلـه جـداي العبايـر=من سبايب عشيرٍ لي علومه طريفـه
ليتها من بعيدٍ كـان اقـول الودايـر=مير جدي بجده مـن زمـانٍ حليفـه
والله اني فلا اسمع قول عاذل وشايـر=دام قلبـي مولـع بالقلـوب النظيفـه
ليتها تلتفت لـي لا تضيـع البصايـر=قبل يذوي ربيع العمر حـزة خريفـه
لجل اهلي ورحب بالفـرح والبشايـر=في غزالٍ بكل البيض مالـه وصيفـه
ولعتني ونـا تـوي صغيـرٍ امسايـر=تنهب القلب وافكاري عفيفـه شريفـه
اشد انه بعمري فـي خفـي السرايـر=هو عريفي وانا في طول عمري عريفه

شاعــــر

الصورة الرمزية حمد البادي








--------------------------------------------------------------------------------

يقول شاعرنا
العذب
ابو محمد


يا وجودي على اللي ساكنٍ بالضمايـر=وجد من راح عمره في حياةٍ كسيفـه
اتوجد على اللي ما صحب كل عايـر=لا تلومون من وجده بشوفـة وليفـه
يا وجودي عليها وجد راعي عشايـر=إجفلت من مراحه وإتبعتها العسيفـه
آه انا صابني مثلـه جـداي العبايـر=من سبايب عشيرٍ لي علومه طريفـه
ليتها من بعيدٍ كـان اقـول الودايـر=مير جدي بجده مـن زمـانٍ حليفـه
والله اني فلا اسمع قول عاذل وشايـر=دام قلبـي مولـع بالقلـوب النظيفـه
ليتها تلتفت لـي لا تضيـع البصايـر=قبل يذوي ربيع العمر حـزة خريفـه
لجل اهلي ورحب بالفـرح والبشايـر=في غزالٍ بكل البيض مالـه وصيفـه
ولعتني ونـا تـوي صغيـرٍ امسايـر=تنهب القلب وافكاري عفيفـه شريفـه
اشد انه بعمري فـي خفـي السرايـر=هو عريفي وانا في طول عمري عريفه

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس
قديم 2007, 06:17 AM   [8]
شاعــــر

الصورة الرمزية حمد البادي








--------------------------------------------------------------------------------


وهذه القصيده قالها شاعرنا
ابو محمد موجهه
لرئيس بلدية عنيزه
المهندس
ابراهيم بن محمد الخليل



اشهد ان الحياة الحاضـره بالدراسـه=من تعلم تقـدم وانتهـض بـه بلدنـا
قمة الفكر من عقب الشهـاده حماسـه=يارجـال العمـل والمعرفـه ياسندنـا
نمدح اللي يشرفنـا بحسـن الرياسـه=في عنيزه نجـدد فـي بلدنـا سعدنـا
الاداره ذكاء واخـلاص معهـا فراسـه=والبلـد كلهـا تشهـد وحنـا شهدنـا
مظهرٍ للبلـد فيـه النظافـه اساسـه=في نظـامٍ يـردد ياهـلا فيـك زدنـا
في عنيزه صلاح الراي ساسه وراسـه=بالمهندس براهيـم الخليـل اعتمدنـا
لأجلنا عينوه اهـل النظـر والسياسـه=والثقه عقبها لازم نجـي فـي وعدنـا
الخليل احتمـل تـاج الأمانـه لباسـه=ذي مباديه من جديه الأقصي والأدنـى
حسن الأخلاق من هدي النبي اقتباسـه=كل علمٍ يشرف مـن علومـه وجدنـا
ما تشوفه يخفـي للمراجـع حساسـه=الصراحه شعاره واضحه مـن نشدنـا
من ضميره عن اسباب الخطأ له حراسه=من يشوف التطور في عنيـزه حسدنـا

شاعــــر

الصورة الرمزية حمد البادي








--------------------------------------------------------------------------------


وهذه القصيده قالها شاعرنا
ابو محمد موجهه
لرئيس بلدية عنيزه
المهندس
ابراهيم بن محمد الخليل



اشهد ان الحياة الحاضـره بالدراسـه=من تعلم تقـدم وانتهـض بـه بلدنـا
قمة الفكر من عقب الشهـاده حماسـه=يارجـال العمـل والمعرفـه ياسندنـا
نمدح اللي يشرفنـا بحسـن الرياسـه=في عنيزه نجـدد فـي بلدنـا سعدنـا
الاداره ذكاء واخـلاص معهـا فراسـه=والبلـد كلهـا تشهـد وحنـا شهدنـا
مظهرٍ للبلـد فيـه النظافـه اساسـه=في نظـامٍ يـردد ياهـلا فيـك زدنـا
في عنيزه صلاح الراي ساسه وراسـه=بالمهندس براهيـم الخليـل اعتمدنـا
لأجلنا عينوه اهـل النظـر والسياسـه=والثقه عقبها لازم نجـي فـي وعدنـا
الخليل احتمـل تـاج الأمانـه لباسـه=ذي مباديه من جديه الأقصي والأدنـى
حسن الأخلاق من هدي النبي اقتباسـه=كل علمٍ يشرف مـن علومـه وجدنـا
ما تشوفه يخفـي للمراجـع حساسـه=الصراحه شعاره واضحه مـن نشدنـا
من ضميره عن اسباب الخطأ له حراسه=من يشوف التطور في عنيـزه حسدنـا

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس
قديم 2007, 09:16 AM   [9]
شاعــــر

الصورة الرمزية حمد البادي








--------------------------------------------------------------------------------

يقول ابو محمد





عز واليك يابـرقٍ تخيلـه عيونـي=استخيله وانا ما ذقت مـاه ونباتـه
برق مابه رعد من مرزمات المزوني=منوة العاشق المغرم ولـذة حياتـه
آه انا المضمي اللي يابساتٍ غصوني=مير ما كل من يطلب يحصل مناتـه
آه واكبر همي مع كثيـر الغبونـي=كل ما اقبل سمار الليل واضفى عباته
السهر جا عيوني من سبايب عيوني=ليت راع الحساني ما يخلي حسناته
آه ياليت خلي ما يخيـب ضنونـي=ما يخلي المواصل لين تقضي حياته
انت ياللي على حالي تقول وتموني=إرحم الحال والمخلوق عينه مراتـه
يا هلي وان ذبحني صاحبي حللوني=ثم رشوا على قبري دموع اعبراتـه

شاعــــر

الصورة الرمزية حمد البادي








--------------------------------------------------------------------------------

يقول ابو محمد





عز واليك يابـرقٍ تخيلـه عيونـي=استخيله وانا ما ذقت مـاه ونباتـه
برق مابه رعد من مرزمات المزوني=منوة العاشق المغرم ولـذة حياتـه
آه انا المضمي اللي يابساتٍ غصوني=مير ما كل من يطلب يحصل مناتـه
آه واكبر همي مع كثيـر الغبونـي=كل ما اقبل سمار الليل واضفى عباته
السهر جا عيوني من سبايب عيوني=ليت راع الحساني ما يخلي حسناته
آه ياليت خلي ما يخيـب ضنونـي=ما يخلي المواصل لين تقضي حياته
انت ياللي على حالي تقول وتموني=إرحم الحال والمخلوق عينه مراتـه
يا هلي وان ذبحني صاحبي حللوني=ثم رشوا على قبري دموع اعبراتـه

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس
قديم 2007, 09:20 AM   [10]
شاعــــر

الصورة الرمزية حمد البادي








--------------------------------------------------------------------------------

وهذه لأبو محمد.يقول فيها


أرسلت يم الحبيٌـب كـم مرسالـي=وابطت عليٌه من الغالـي مراسيلـه
يومين والثالت ارقى النايف العالـي=ودلٌـه القـلـب لازادت غرابيـلـه
يرتاح بالي واهوجس بالخلا الخالي=واحاكي الزين بافكاري واغنـي لـه
الى ذكرته لحالـي ينسمـح بالـي=صورة خياله معي باليـوم والليلـه
ماني على البعد والهجران محتالـي=ودي بشوفه بعد ما غاب واشكي له
واليوم قلبي رصدته وسـط جوالـي=كوده يجي من حبيب القلب تحويلـه
لولا الحياء قلت حلو الوصف بالغالي=لاشك لمحـة خيالـه كلهـا عيلـه
ارجيه من حسن ذاته يرحم الحالـي=يرسل جوابٍ حياتي فـي تفاصيلـه
من غيبته ماتبي حالـي ولا فالـي=والقلب من لو عة الهجران يا ويلـه
ان كان طالت عليٌـه منـه عزالـي=تكفون يافزعتي شوفوا لي الحيلـه

شاعــــر

الصورة الرمزية حمد البادي








--------------------------------------------------------------------------------

وهذه لأبو محمد.يقول فيها


أرسلت يم الحبيٌـب كـم مرسالـي=وابطت عليٌه من الغالـي مراسيلـه
يومين والثالت ارقى النايف العالـي=ودلٌـه القـلـب لازادت غرابيـلـه
يرتاح بالي واهوجس بالخلا الخالي=واحاكي الزين بافكاري واغنـي لـه
الى ذكرته لحالـي ينسمـح بالـي=صورة خياله معي باليـوم والليلـه
ماني على البعد والهجران محتالـي=ودي بشوفه بعد ما غاب واشكي له
واليوم قلبي رصدته وسـط جوالـي=كوده يجي من حبيب القلب تحويلـه
لولا الحياء قلت حلو الوصف بالغالي=لاشك لمحـة خيالـه كلهـا عيلـه
ارجيه من حسن ذاته يرحم الحالـي=يرسل جوابٍ حياتي فـي تفاصيلـه
من غيبته ماتبي حالـي ولا فالـي=والقلب من لو عة الهجران يا ويلـه
ان كان طالت عليٌـه منـه عزالـي=تكفون يافزعتي شوفوا لي الحيلـه

حمد البادي غير متواجد حالياً   رد مع اقتباس
حمد البادي غير متواجد حالياً  
رد مع اقتباس

إضافة رد

مواقع النشر (المفضلة)

الكلمات الدلالية (Tags)
أحلى , البقمي , الشاعر , العميم , بن , صالح


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
في رثاء ابن عمه صالح العلي البقمي روح التميمي صالح العميم 1 2007 07:08 AM
قصيدة ورد .. مع الشاعر سعود بجاد الكريزي البقمي روح التميمي صالح العميم 0 2007 11:17 AM
محاوره بين الشاعر صالح بن محمد العميم البقمي والشاعر سعود بن بجاد الكريزي البقمي حمد البادي صالح العميم 0 2007 12:16 AM
محاوره بين الشاعر صالح بن محمد العميم البقمي والشاعر سعود بن بجاد البقمي حمد البادي صالح العميم 0 2007 09:05 PM
محاوره بين الشاعر صالح بن محمد العميم البقمي والشاعر سعود بن بجاد الكريزي البقمي حمد البادي صالح العميم 0 2007 08:51 PM

الساعة الآن 11:28 PM
   
 
الساعة الآن 11:28 PM
Powered by vBulletin™ Version 4.1.9 Copyright © 2014 vBulletin Solutions, Inc. All rights reserved. Search Engine Friendly URLs by vBSEO 3.6.0
Des By YsOrI
الحقوق محفوظه لشعراء عنيزة 2004-2014
 

جميع المواضيع و الردود لا تعبر عن وجهة نظر ادارة المنتدى بل تعبر عن وجهة نظر كاتبها فعلى كل عضو تحمل مسئولية نفسة إتجاة مايقوم بة

شعراء عنيزة
www.3naizah.net