وهــنـــا ,,
طرق بين عبدالعزيز البادي و حمد المغيولي ( رحمهم الله) ...
عبدالعزيز
اجــرهـــــــد الليل مـــــا بان درب للســــراة = العبــــــوا لين الفلك بالمعاني يستدير
لا تغمض ناظــــرك والليالــــــــــــي مقبلات = خاطري من يمكم يجذبه سلك الحرير
حمد
..........................................= ......................................
......................................... = ......................................
عبدالعزيز
قالــــوا ان الـــذيب بيته حـدر جذع الغضاة = والخبر جاني لك الله عقب وقت الاخير
بالليالـــــي مسفــــرات وبعضهن مــظلمات = والافاعي سمها مــــن يسير به خطير
حمد
ابشر ان الـــذيب منطق راســـــه بالحصاة = وانقلب من فزعته عايف ما حاش خير
الليالــــي للعــــرب مضحكات ومـــــــزعلات = مـــا علينا زيلةٍ من صغير ومن كبير
عبدالعزيز
علمنا مشمل ونـــوّك علــــى سكــــــة مرات = كل جمع لـه عريف وشاويش ومدير
انت حــق الشــوف وافتـــر على كل الجهات = كان مـــا ودك عن العلم هذا تستخير
حمد
لا تخــــش السالفــه يـــا عـزيــــــــز بالعباة = كان عينك فــاتحه صاحبك مثلك بصير
ليـــه تبـــدي ثــم تمسك طـــريـــق العازبات = خلهــا مـــن بـيـنــنا لا تغيـــــر ولا تنير
عبدالعزيز
مـــا بغيتك تاخـــذه من طيــــور طــــــايرات = ميـــر منتب من بعضنا تورى وتستشير
الضــواري فـــي مراقيب سلمـــــى عاديات = بين شيبان الـــــــرويلي وشبان الظفير
حمد
يـــوم اوصي صاحبـــي مــا تـــوكد للوصاة = قلت لك لا تجرد السيف من بطن الجفير
وش يصير ان جــر صــوتـه بروس النايفات = الجبـــــــال موثقه والعصا لاجل البعير
عبدالعزيز
انت ويش اوحيت ياهن مــن حس الـــرواة = ما ورا علو الحوادث يصير وما يصير
غــايــب سكانهـــا والفيـــــاض مغبــــــرات = والفتى مــا له عن اللي مقدر له مطير
حمد
رميـــةٍ من بطــن فــرد علـــى حس الرمـاة = اكذبت ثــم اختلف راعي الفرد القصير
ويش رايك لـــو علــــــــى سيرته كبت دواة = يــم انـــا وقعت والا انت وقع يـا وزير
عبدالعزيز
لا تحــايل والســــواليـــف عك محايلات = وانت ما اظنك عن العلم يالصاحب غرير
انت غــيـــصٍ مـــا يغرك بحـــر شط الفرات = ليلة يــوم امطرت ما يثور بها الذخير
حمد
هرجـــةٍ فـــي حلها يـــــا مسولف له طرات = يـــــوم صف حبـّها ليه تذري بالسفير
انت وينــــــك يــــــوم ديّـــــان يبرى للمشاة = ما حصل من هدتك لا شوي ولا كثير
عبدالعزيز
كـــم ليلــــة مــــا لك الله بها ذقنــــا المبات = والــــــمٍ رهــــن الطلب للبشير وللنذير
والـــدروب لما يــــود النـــــــــــدم مهايفات = مــــا يذير ساري الليل عن دربه صفير
حمد
خايف انك تخفي الراس عن صفق الهوات = ان جزمت الصبح باكر غزينا مع مطير
كان فـــي محزمك خنجــــــر طويل له شباة = ان بداله لازم قـــدّ فـــــــي راسه شطير
عبدالعزيز
الـــدوايـــــــر خبـــرهن بالــــدواير دايرات = ........................................
واطلب الله يـــــا حمـــد بالتسهل والسمات = لا تبرق كل الاعمال بــــــــه شر وشرير
حمد
يـــا حليل المزنه اللـــي رعوده مرزمات = كل واد من ثعول السحابه لــــــــه هدير
كان جـــم البـيــر كملّ علــى حـــد الصفاة = قمت انا في قامتي من علــى حد الغدير
عبدالعزيز
الله انـــه يمنـــح الخــــد منها بــــــالنبات = لجل بالمخضار يسري عشير مع عشير
ميـــر حنا هالشهر لا صــــرات ولا برات = يالله انـــــــــي في جناب المحبه مستجير
حمد
السنه وجه السنه يـــوم ابــرّق به قفات = والشرود من العرب مــا يطالع للكسير
العلـــوم ان طاولت مـــا لها ذوق وحلاة = ان هجاك العلـــم بدل عن الطاروق غير
عبدالعزيز
انت لا تبحث علينا الجــــروح العاثمات = جـنـّب المركز تــرا مـــا بعد نام الخفير
عذرا
المحاوره ناقصه من المصدر ( شعراء عنيزة الشعبيون )
2007, 10:13 PM
محاورة عزيز البادي وحمد المغيولي(4) 
العرض العادي
المواضيع المتشابهه 
