وهــنـــا ,,
طـرق اخر بين عبدالعزيز البادي و حمد المغيولي ( رحمه الله ) ...
عبدالعزيز
سلامي علــى الجمع كله , عدد ما تهب النسايم = اقولــــــــه واغني طروقه , لعل السعــــــد بالتوالي
سحاب الفــــرح مستهله , لما يصبـــحن النعايم = عسى الله يســـاعد وفوقه , وبسلم على راس مالي
حمد
هــــــــلا بالمسلم لعله , الى اصبح يحوش الغنايم = واسوق المثايل واسوقه , هلا يا هبوب الشمالي
هــــلا من رزين محله , تبين بـــروس الــــوسايم = سحاب يهــــل بحقوقه , ابشرب وابا امشي لحالي
عبدالعزيز
انا اوجس على الكبد عله , وشوف العنا والهضايم = عزاز النفوس معشوقه , تقولـه ذهان الرجالي
غريب ولا احـــــدٍ فطن له , وحظه مع الكون نايم = لما الشمس يبدي شروقه , تمسس جويد الحبالي
حمد
تــــــــــرا اللي تمله نمله , عسى الجو ماهوب غايم = يعوق الرجل ما يعوقه , تعسره طـــوال الحبالي
طريق الهـــــــدى لا تزله , انا افطرت والخصم صايم = سمانا تلاعج بــروقه , ولا ادري بغيب الخيالي
عبدالعزيز
لــــــو اشرفت بالمستقله , عقب حن مــــــريوم رايم = تشيل النداوي سبوقه , ليا وردن المـــــــــدالي
انا كل طــــرق ادلـــــــــه , وقلب المولـــــــــع مهايم = لعله تــزارق صعوقه , ويصبح من الحي خالي
حمد
انا اقــــول من طاح خله , كفيلــــه كفيـــــــل البهايم = رجال تخلص حقـــــوقه , ورجل يروم الظلالي
طيور الشفا مـــــــا يذله , طيــــــــــور تشيل العمايم = تــرا الطير يلقى علوقه , ليا شلهبن الليــــالي
عبدالعزيز
عسى من نهلهـا يعلـــه , ويصبح لــــــــه الحظ قايم = ولكن حشا مـا نذوقه , على الديد طفل موالي
ومن خلبص الحبل حله , ولا لـــــــه من الناس لايم = لو الكبد تالع حروقه , يبــــدل عن المر حالي
حمد
بعيـــــــد العرب لا تتله , الــــى صرت عايف وشايم = يجي للغنـــم من يبوقه , وانا اليوم مرتاح بالي
انا اقول يــا هن قل له , بدال الضحيــــــــــه تمايم = عسى الكبد تنكف ريوقه , وانا يمهم وش غدالي
عبدالعزيز
مــا احب التخالف لله , انا افضــــــل السلم دايم = غريب بعيـــــــــــــد لحوقه , طياحه يرب المفالي
تركت الســواليف كله , ولانيــــب للمـال سايم = وانا ما احتمل شن ما اطوقه , مخاليق يرعاه والي
حمد
الى انشق شق نشله , اثـــــــرك اجودي وهايم = تخرف الرطب مــع عذوقه , تحسد الرفيق الموالي
"
"
"
عذرا ,, الطرق ناقص من المصدر ( شعراء عنيزة الشعبيون )
2007, 10:14 PM
محاورة عزيز البادي وحمد المغيولي(5) 
العرض العادي
المواضيع المتشابهه 
