وهــنـــا ,,
طــرق اخر بين عبدالعزيز البادي ( رحمه الله ) و شليويح المطيري ...
عبدالعزيز
سلامي عليكـــم والهـــوا هب واستني = ابلعب مع اللـــــي ياخذ العلم ويجي به
ولــو قالـــوا العربان وش كارهم مني = انــا فاهــــــم معناه وافهــــــــم تراتيبه
شليويح
هلا مرحبا واهليـــــن بالشاعر الفني = ترا الضيف عقب العصر وادع معازيبه
ليا دن هاجوسك فانا هاجســــــي دني = ومن ولع سراجه مـع الدرب يمشي به
عبدالعزيز
ليــال الفـــرح يا ليتهن مـــــا يروحني = اقوله وطيب الوقت مـــــا جاني اللي به
واسولف مـــع الحضار بالليل واغني = وراع الطلب يبحث ويلقـــــــــى مطاليبه
شليويح
ليــــــال الفـــرح لابدهن مــــا يعودني = ومن جرب العجلات يسرح ويمسي به
توكل على الله دام ظنــك علــــى ظني = ترا اللي يجوز لخاطرك جزم راضي به
عبدالعزيز
عساهن على التسهيل بالـدار يمسني = يفيض همومه راعــي الــــــــود والغيبه
انا اقول يا شليويح حس الجرس رني = ولا هوب عن توكيد توحــــي ونوحي به
شليويح
وانا سامع لـــــي صوت رد الخبر عني = ولا جاز لك طاروق نبـــتاع ونشري به
يقولـــون ريح الذيب يظهر على الجني = ودنياك يـــا مخلــــــــوق للناس تجريبه
عبدالعزيز
طروق الهوى ياهن ميــــــرادهن مني = تخير وانا ابعطيك والغالــي اصخي به
ليا صدرن بايــام الاكـــوان يـــــــردني = ولا ادري لـو ان العبد الاقدار ترمي به
شليويح
تحب الجميلــــه يـــوم الاقـــدام قفني = بعد مـــا لقيــــــت الضيف زهب مكاتيبه
ولا هيب ضيفة ضيف يا محرق البني = عطيتك لزومي وانت هالراس تومي به
عبدالعزيز
انا اقــــــول ماش خلاف ذيه ولا مني = ولا صـــــار شـي العام شـي تهذري به
تفضل ظنـــــونك وانت مبسوط متهني = وكل علــــى الطـيــبــــه يورد مشاريبه
شليويح
انا خابـــرك مسلم وانـــا مذهبي سني = وحق علـــى المسلــــم يكمل مواجيبه
إدلـــي الظـــوامـــي صدرن ثم وردني = قليب على كبــد الصفا ويش اسوي به
عبدالعزيز
انا ما امن اللـــي تقل مــاهوب يامني = تراضين حين وحين حقـــــــي تعي به
ترا الله حسيبك عقب ما خاطري حني = قضبت الرشا واقفيت ودك بتشيـيــــبه
شليويح
تـــــرا مـــا ورد لك حق قدام تسالني = ومن قـــــدم المعروف حنا نجازي به
انا مـــا طلبت رشاك لـــو كان متثني = حبالــــــــي قويه نازح الجم تروي به
عبدالعزيز
ان انكرت جبت شهود والكتب فلني = يمينك تحوش الطايله مــــــع عراقيبه
اريدك تصبّـــر لين الايـــــــام يافني = تـــرا الجـــم يظهر لا تحــــرك دغاليبه
شليويح
انا اضحك مع الضحاك وادنات ما زعلني = توقع وراك تثور من غير تزهيبه
على الله على الله لين الايام يصفني = تواعد فلا شك الـــوعد مانت بموفي به
عبدالعزيز
بلاي احسبك نصاح واثرك تحايلني = تبــي لين تقضـــب بالحبالــــه مقاضيبه
لــو ان الغصون متان لازم يلينني = متى مـــــا ارتوت لانت عواطف نبانيبه
2007, 10:21 PM
محاورة عزيز البادي و شليويح المطيري (5) 
العرض العادي
المواضيع المتشابهه 
