وتل السبوق وكن عشرة شياطيـن . . تلعب براسه يوم طـار ونحرهـا

بـوارق شفنـاه بيـن العشاويـن=ياعـل سبـار البـوارق سبرهـا
وعل العسوس تقول جبنا الخبر زين=جبنا خبر هاك المـزون ومطرهـا
جنوب عن لوقه وعن لينـه ايميـن=أرض تغطى من ربيعـه حجرهـا
وارجع لها قبل صـلاة المصليـن=لما تعطـر جوهـا مـن زهرهـا
متاهة مـا شيـف فيهـا مقيميـن=قفر يضيع الذيب بـه مـا عبرهـا
وحنا لنا فيهـا رسـوم وعناويـن=لاجا دوار اللي صعيـب ادورهـا
يازين لارحنا على الجيب شفقيـن=وحروة مغيب الشمس طحنا باثرها
ونمنا عليه وباول الصبح عجليـن=قمنا انتقصص وانتتبـع جررهـا
أثره هريب وجاه راعي البعاريـن=وطارت يوم انه مع طريقه حشرها
وجانا ينشّدنـا وش القـوم مغديـن=قلنا الحبارى ليه منـت اتخبرهـا
قال كفت من مقدم الـذود هالحيـن=لوجهـة وطيركـم لـه نظرهـا
وطيارها ترحيـل مجبـور تتبيـن=ما جنبت عن هالتـلاع وشجرهـا
ورحنا على وصفه وشفناه بالعيـن=وقامت اتداور والنـداوي بحرهـا
وتل السبوق وكن عشرة شياطيـن=تلعب براسه يوم طـار ونحرهـا
وما راعته يومـه تفـل الجناحيـن=ولو إنها طارت هو اطيـاره أرهـى
وأخذ عليها باول الوقـت تمريـن=لما على المكفاخ غصـبٍ جبرهـا
وطارت تبي تغديه لاشك من ويـن=زار النجوم وجـاب كفـه خبرهـا
وحول معلقهـا وجينـاه فرحيـن=نبي نخلّص مير عمـره هجرهـا
الموت صار أسرع وحنا سريعيـن=من يوم ناشه طيرنـا جـا قدرهـا