(( الساعة المشئومه ))
الله إنه لايعيد الساعة المشئومه=عقــــّـــبــت غبر الليال السود وعزالي
أجبرت حظ الندامه يستوي في نومه= وألحقت أول شقا عمري شقا ( ن ) بالتالي
كنها اللي مع ولدها ترضعه وترومه=ماتباعد عن ضناها بالزمان البالي
الزمان اللي يسلطن خيبته ورخومه=ويختلف فيه الرفيق اللي علينا غالي
ماهقيت ولا حسبت المصلحه بعلومه=ولا نويت أكشف هوية من شرب فنجالي
كيف أنا أستر عورته وأضفي عليه هدومه=من جهله ولا جهلني ضنه إمن عيالي
ثم يزرع في طريقي كلمة (ن) ملغومه=لين موتي صار مطمع من رفعته عالي
وكيف أشيل الضيم عنه ومرتكي لهمومه=يحتزم بي عن همومه في محك الجالي
والنتيجه بالخساره مير أنا ما ألومه=كان حقي عند نفسي فــــ .. الخطاء من حالي
يوم أنا أعده رفاقه وأثرها محشومه=عن مثيله والملازم تكشف الرجــّــالي
الصداقه للعقول الفاهمه مفهومه=وللعقول الجاهله مفهومها بالمالي
خلها لك يارفيقي دامها مهدومه=لو بها ساس المراجل ما سرقت عقالي
كنك اللي ينتظر سوّ امها بالسومه=بعتها وأنت بنظيره ما تجيب ريالي
أشهد إنه بالخلايق قطعة (ن) محرومه=من سلوم العرف مثلك ول قلعة والي
شف ترى بعض الحروف مظرفه مختومه=لاتحللها ترى مضمونها الزلزالي
تجتلد بــ.. أرضك وهي بعد السماء ونجومه=تقصر إحبالك وأنا اللي راهيات إحبالي
مايغرن بالزمل كثره وكبر جرومه=دام أنا الجمال معها والجمال جمالي
لوعلا صدرك بنومك ليلة(ن) جاثومه=وسد حلقك عن هواه وجيتني منغالي
إن قريت بطيب نفس ونفسك الملزومه=أو تركتك ما لحقني بالعتب قو ّالي
مابقالي غير أقول الساعة المشئومه=ساعة(ن) فيها عرفتك ساعة الغربالي
2007, 11:16 PM
الساعة المشئومه 
العرض العادي
