قائمة الجوال

 
التسجيل 

قم بالتسجيل الان فى المنتدى

 
البحث المتقدم  

البحث فى المنتدى

 
التعليمات 

اطلع على تعليمات المنتدى

 
مشاركات اليوم 

المشاركات االجديدة فى المنتدى

 
اتصل بنا 

ساهم فى تطوير المنتدى

مرحبا بك

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


العودة   شعراء عنيزة > شعراء معاصرون > شبراق التركي


شبراق التركي

العودة شعراء عنيزة > شعراء معاصرون > شبراق التركي تحديث الصفحة بأرض القصيم وسجلو بأسم شبراق


إضافة رد
 
LinkBack أدوات الموضوع انواع عرض الموضوع
قديم 2007, 03:32 PM   [1]
عضو جديد


 





عضو جديد


 






بسم الله الرحمن الرحيم



قالو عليك من الحيا سبعـة اثـواب = ارخي لثامك وافتحي درفـة البـاب
لاشك مالـك بالحيـا درس وكتـاب = العلـم مايبغـى تقالـيـد وسـلـوم
ـــــ ـــــ ــــ ـــ = ــــ ــــــــــ ـــــــ
قلـت الله اكبـر لعنبوهـا مسبـه! = العلـم زادي ومشربـي لا تِعـبّـه
كل[ن] على قدره يشـوف المطبـه = طير الحبارى ماتعـذرب لـه البـوم
ـــــ ـــــ ــــ ـــ = ــــ ــــــــــ ـــــــ
قالو ترى حجابـك يسبـب مضـره = واليا ضحكتـي مـا تبيـن المسـره
ياشمس قـُومـي كـل ابونـا مجـره = والشمس ماتظهر اذا بانـت غيـوم
ـــــ ـــــ ــــ ـــ = ــــ ــــــــــ ـــــــ
قلت المسره شفتهـا فـي حجابـي = لا من طوتني دنيتـي فـي ترابـي
يـوم الملاقـا لا فتحتـو كتـابـي = يفوح طيب اللي زرع فيـه يشمـوم
ـــــ ـــــ ــــ ـــ = ــــ ــــــــــ ـــــــ
قالو ترى الدنيـا ملـذات وفلـوس = الناس تلعب بين الاوتـار والقـوس
والطير لا طوّل عن الجو محبـوس = يرخي جناحـه وتاخـذه لـذة النـوم
ـــــ ـــــ ــــ ـــ = ــــ ــــــــــ ـــــــ
قلت الكـلام اللـي تقولـه غرابـه = مثل اللذي جـر الوتـد بالربابـه !!
الطيـر طبعـه مختلـف ومتشابـه = غشيم ماتدري عن الطيـر والحـوم
ـــــ ـــــ ــــ ـــ = ــــ ــــــــــ ـــــــ
قالـو تعـالـي لـدّيـار البعـيـده = وكل[ن] على ماقـال ياخـذ وِدِيْـدَه
بشارع العشـاق ايـدك مـع ايـده = محد[ن] يحاربكم ولا يطلـب السـوم
ـــــ ـــــ ــــ ـــ = ــــ ــــــــــ ـــــــ
قلت الديار اللـي تقولـون وينـه ؟ = ماغيـر داري وديرتـي هالثميـنـه
بالديـن معروفـه ودار السكيـنـه = ومافيه درب[ن] للعشاشيّـق مثلـوم
ـــــ ـــــ ــــ ـــ = ــــ ــــــــــ ـــــــ
قالو عنيزه كلهـا قـوم ( أويـلاه ) = ياحبهـم لـردوع كـف الخـونـداه
كبيرهم بالعشـق مايطـوي رشـاه = وأطيبهم اللي ما نسميـه ( عكـوم *)
ـــــ ـــــ ــــ ـــ = ــــ ــــــــــ ـــــــ
قلت إلا بفخـر ربعنـا فـي عنيـزه = ربـي عطاهـم بالمخاليـق مـيـزه
فوق[ن] على هذا ديـار[ن] عزيـزه = مايسكن عنيـزه دهاويـل ورخـوم
ـــــ ـــــ ــــ ـــ = ــــ ــــــــــ ـــــــ
قالو محمد معطـي النـاس مليـون = يوم[ن] صالح ينتخي فيـه مديـون
راحـت عليكـم بعدهـا لا تعـذرون = ضاع الحلال ومالكـم فيـه مقسـوم
ـــــ ـــــ ــــ ـــ = ــــ ــــــــــ ـــــــ
قلـت الا معطينـا جميـل الربـايـا = والمصحف اللي ساكنن فـي حشايـا
فوق[ن] على هـذا يصحـح خطايـا = علمني الشيمـه مواريـث وعلـوم
ـــــ ـــــ ــــ ـــ = ــــ ــــــــــ ـــــــ
قالـو هجومـك لعنبـوه انتحـاري = مـا ياخـذك لشـَّر فكـره وطـاري
هبـي عليهـم ياهبـوب الـذواري = عسا المذله تنقلـب سِلْـمْ واهـدوم
ـــــ ـــــ ــــ ـــ = ــــ ــــــــــ ـــــــ
قلت اللي مثلك مانبدِّيـه بالخمـس = انت الغراب وضايقك مطلع الشمـس
واظـن فالـك لا تحديتنـي طمـس = حيث ان لي لابـه مطانيـخ وقـروم
ـــــ ـــــ ــــ ـــ = ــــ ــــــــــ ـــــــ
قالـو نجـرب حظنـا برقـَّه وليـن = يابنت ابن تركـي نخيتـك وتكفيـن
حطي على التسعه ثمانيـن بالديـن = وكل[ن] يسدد دينـه اليـوم ملـزوم
ـــــ ـــــ ــــ ـــ = ــــ ــــــــــ ـــــــ
قلت الصراحـه غايتـك و الوسيلـه = مثل الذي حـط الرويـب بصميلـه
لا تظلـم المـديـون و الا عميـلـه = هذا الربـا مابيـن ظالـم ومظلـوم
ـــــ ـــــ ــــ ـــ = ــــ ــــــــــ ـــــــ
قالـو عنيـده ماتوطيـن لــراس = جيتك دسيسه و انفضح دق الاجراس
خوذي الصراحه مبهمه بين الاقواس = ( حنا لنا حاجه مـن العـام لليـوم )
ـــــ ـــــ ــــ ـــ = ــــ ــــــــــ ـــــــ
قلت الصراحه هرجكم لـه تلاحيـق = الصدق واضح مثل ابانات وطويـق
و اظن لك مغـزي قليـل التوافيـق = عطنى كلامك واضح[ن] مانبي عـوم
ـــــ ـــــ ــــ ـــ = ــــ ــــــــــ ـــــــ
قالـو ترانـا مشترينـك بـروبّـا = وراك يازيـن الوصـايـف تغـبّـا
بأرض المسارح يالغضي لـو تربّـا = تعيش لـذات العمـر دايـم الـدوم
ـــــ ـــــ ــــ ـــ = ــــ ــــــــــ ـــــــ
قلت انكشف لي حامض العلـم كلـه = ماعـاد بـه شكـه ولا هيـب زلـه
انتم عميل ابليس والا ولـد[ن] لـه = والكـل منكـم يالمقاريـد مرجـوم
ـــــ ـــــ ــــ ـــ = ــــ ــــــــــ ـــــــ
سجل و خضّب صفحتي بين الاوراق = من بنت ابوتركي طويلين الاعنـاق
بأرض القصيم وسجلو بأسم شبراق = تقرير واضح والفخر فيـه مرسـوم
ـــــ ـــــ ــــ ـــ = ــــ ــــــــــ ـــــــ
والله لَـدق خشومكـم كـل ابوهـا = بالديـن والعفـه ولـو حاربـوهـا
مانيب أرض مسـوَّره وضربوهـا = حصني متين و ماتقاوِمْـه بسهـوم
ـــــ ـــــ ــــ ـــ = ــــ ــــــــــ ـــــــ
وصـلاة ربـي للنـبـي المسـمّـا = اللي قـراء يونـس علينـا و عمّـا
تمـت و زبدالهـرج فيهـا وتـمّـا = ويالله تغفر زلتـي وتقبـل الصـوم



عكوم / رجل من عنيزه رحمه الله كان كثير النوم وذكره الشاعر الكبير محمد القاضي في احد ابياته مداعباً له حين قال
لو اتمنى قلت ابي راس عكوم ,, بالليل والا بالنهار ابي راسي


المصدر

http://www.bnikhaled.com/vb/showthread.php?t=22935

رد مع اقتباس
قديم 2007, 07:55 PM   [2]
عضو محترف

الصورة الرمزية طارق








كلك ذووق وتسلم

قصيده رائعه ونتطلع للمزيد ...

الف شكر

كلن يتمنى راس عكوم هالوقت

عضو محترف

الصورة الرمزية طارق








كلك ذووق وتسلم

قصيده رائعه ونتطلع للمزيد ...

الف شكر

كلن يتمنى راس عكوم هالوقت

طارق غير متواجد حالياً   رد مع اقتباس
طارق غير متواجد حالياً  
رد مع اقتباس

إضافة رد

مواقع النشر (المفضلة)

الكلمات الدلالية (Tags)
القصيم , بأرض , بأسم , شبراق , وسجلو


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
شبراق الغامضة ! روح التميمي شبراق التركي 1 2007 05:30 PM

الساعة الآن 12:25 PM
   
 
الساعة الآن 12:25 PM
Powered by vBulletin™ Version 4.1.9 Copyright © 2014 vBulletin Solutions, Inc. All rights reserved. Search Engine Friendly URLs by vBSEO 3.6.0
Des By YsOrI
الحقوق محفوظه لشعراء عنيزة 2004-2014
 

جميع المواضيع و الردود لا تعبر عن وجهة نظر ادارة المنتدى بل تعبر عن وجهة نظر كاتبها فعلى كل عضو تحمل مسئولية نفسة إتجاة مايقوم بة

شعراء عنيزة
www.3naizah.net