قائمة الجوال

 
التسجيل 

قم بالتسجيل الان فى المنتدى

 
البحث المتقدم  

البحث فى المنتدى

 
التعليمات 

اطلع على تعليمات المنتدى

 
مشاركات اليوم 

المشاركات االجديدة فى المنتدى

 
اتصل بنا 

ساهم فى تطوير المنتدى

مرحبا بك

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


العودة   شعراء عنيزة > شعراء راحلون > عبدالمحسن ناصر الصالح


عبدالمحسن ناصر الصالح

العودة شعراء عنيزة > شعراء راحلون > عبدالمحسن ناصر الصالح تحديث الصفحة الدنيا


إضافة رد
 
LinkBack أدوات الموضوع انواع عرض الموضوع
قديم 2007, 04:34 PM   [1]
 





 






اقتباس:
المشاركة الأصلية كتبت بواسطة منص&الرياض مشاهدة المشاركة


أَنا وأَنتم ياجِماعه=هالدنيا منَّا مرتاعه
تُوحينا دايم نطريها=بين الدقيقة والساعه
إنْتِجَمَّع ونتفرَّق=قالت ذولا بي طمَّاعِه
وحَّشْناه وخافت منا=وهي من حِسنَه زَعاعه
صارت بجْفالَه معذوره=ما عند أَحْدٍ لَه شِفاعه
الى نارت عن هاذولا=جتها من ذولا الطَّرقاعه "1"
والى جاها الفَقْرِي مع ذا=راحت للتاجر مِنصاعِه
قالت غَدِين أَزبِن عنهم=جُب مِظلم ماله قاعه
والا بر مابه والي=قَفرٍ مظماة ومجاعه
وحيشٍ ما قطْ وطِيْ به=غير ضْباه وشِهْب سْباعِه
قبل آقع بيدَين مْشفَّح=وقْعة ضبٍ في ردَّاعه "2"
هجَّت تركض مع الصفْرا=كنَّه مِرجاع الزَّراعِه "3"
تسحب ثوبٍ كبر الخَيمه=بين الرَّقعة والتُوساعِه "4"
وعيونَه تقل فْرَج موقَد=واثْمَهْ هبَاتٍ مهاعِه
واحجَّاها فوق جفونَه=تشبه لجْروف المِضباعه "5"
جدايلها من قتْلاها=قلايد قِفْر قعقاعِه
ود يودَهْ جِعلي ما اشوفَهْ=اشنون عِيابٍ منداعه "6"
ولْها شئ مثل الرَّكوه=ممخورٍ مثل البِلاَّعه "7"
ثرماً شرماً شينَة قِمَّه=صماً طرماً به شَناعه
ونعولَه بيبان قْراش=واذانَه تَكْرَع بذراعَه
هجَّت تِهرِف قيمَة كيلو=وهي من حتفَه ملتاعه
ساعة فاضت مع الطَّلعِه=والى المشَفوح بمطلاعَه
واقْمز مثل البسْ بحلقَهْ=قال أَدركتك يا الخدَّاعه
قالت هَبْ وطاحت رَوعِه=واخَذها المشفوح قْلاعِه "8"
أَثْر الكلب صحيب سويلم=اللي باشْوارِه ما طاعِه
راح يتحبَّل للدنيا=بالطَّمان وبالرَّفاعِه
بخْ بوجهَهْ يوم اِنهبْلَت=لوَّح علْيَه هالرَّعاعِه
ركْبَهْ واقبل بَهْ يسوقَهْ= مِرْكيٍ محجَانُه بنْخاعَهْ
يوم أَقبل بَهْ هجَّت أُمُّه=للسُّوق بليَّا دِرَّاعه
قالت وش ذا قال البِعْبِع=قالت وشُّو يالِكَاعه
قالت ياغْليَس اقلَع وفدِك=قال أَثرك يمَّه مِطباعِه
هذي ياميمتي الدنيا=أَم النَّيرات اللمَّاعه
إِرْبِطْيَهْ عندك بالدار=واكرميَةْ تعطيك ارباعَه "9"
قالت تبْيَهْ تدفق عقلي=عقلي يسوى كل طْمَاعه
قال انَّهْ يايوه هْدَيَّه=قلِيلَة شر ومِطْواعِه
قالت عجوزٍ هَتيانِه=دايم كِحيحَهْ وطْقاعَه
قال طقاعَه به غَناتِك=ما ناب أَخَبْرِك جزَّاعِه
قالت هذي حْمَارة التٌّويم=تَربض تنكربه خْمَاعِه "10"
شَبيه ما قَلل من عَيبَه=وقلوب أَحبابَه باصْباعَه
شاريها مَغبونٍ دايم=والرَّبح بكيس اللي باعَه
مع هذا كلٍ لَهْ عاشِق=على ما بَهْ من بِشاعِه
العًود اللي له تسعين=إلى البِزران الرضَّاعِه
واللي ما هوب مصدِقني=يسمع مدحَهْ بالإِذاعه
ولا اناب مْبرَّيٍ نفسي=أَنا أَعظم منهم جِشَاعه
ولا لإِبن آدم من جَمعِه=سوى ثوبِه أَو مرصاعِه
الله لا يفتنَّا فيها=فتنة عذاب ودَناعه
تم الوصف بْحِب الدنيا=الله يَرزقنا القَناعه
وهذا وصْف المجالس=أَبيَّن لك بعض أَنواعه
أَحْدٍ مسْكِت كنه بالمجلس=ما بان إِلا يبي له سَمَّاعه
واحدٍ يلعب هو والسَّبحه=والا هو واسْتيك السَّاعه
واحدٍ ما كِنَّه بالمجلس=ما بان إِلا راس كْراعِه
من شافِه ظنَّه زعلان=وهو تِعْوزِه البَراعه
واحدٍ يَزجر تقل مِحرَّج=أَو خطيبٍ في مذياعِه
واحدٍ ينادي كِنه غادي=والا تَيسٍ وقت قْراعِه
واحدٍ رافظ صورتِه خافِض=وهروجِه كلَّه نفَّاعِه
وأَنا كِنَّي بين الأُولَى=نطَّارٍ بيدِه مِقْلاعِه "11"


____________________________
الهوامش:-

* قيلت هذه القصيدة في وصف الدنيا وحال الناس معها عام 1374هـ

"1" زعقه شديده..
"2" طريقة خاصة لاصطياد الضب، وذلك باقاف حجرين عند مدخل جحر الضب
وبينهما حجر ثالث متعلق فإذا مر الضب بينهما أطبقت عليه..
"3" ناقة السواني..
"4" اضافة كبيرة للثوب..
"5" جبل بعنيزة..
"6" أكياس جلدية لحفظ التمرمتفرية ومشققة..
"7" حوض من الجلد لشرب الأبل..
"8" الكسب غضباً..
"9" نوع من النقود القديمة..
"10" التيوم هي حمارة التويم المشهورة بإشتمالها على كافة العيوب
(ويقال مبالغة أنها تحوي مائة صفة تبدأ بحرف التاء) تنكر .. تربض .. ألخ.
أما الخْمَاعِه فهو التعثر والربوض..
"11" يقصد نفسه لأنه كان مدرساً للسنة الأولى الابتدائية في ذلك الوقت..
ــــــــــــــــــــــــــــــــــــــــــــــــــ ـــــــ


توقيع روح التميمي
تكلم حتى أراك ..!
رد مع اقتباس

إضافة رد

مواقع النشر (المفضلة)

الكلمات الدلالية (Tags)
الدنيا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حطام الدنيا الفتى المفقود عبدالعزيز عبدالله الكريداء 0 2010 04:04 PM
عفت أنا الدنيا (( صوتيه )) بواقي جرح عبدالله العليوي 20 2007 10:41 AM
ضاقت الدنيا بعيني المظلوم منتدى المواضيع العــــامة 8 2006 08:54 PM
الله يا الدنيا (( صوتيه )) بواقي جرح عبدالله العليوي 11 2005 12:22 PM

الساعة الآن 03:37 PM
   
 
الساعة الآن 03:37 PM
Powered by vBulletin™ Version 4.1.9 Copyright © 2014 vBulletin Solutions, Inc. All rights reserved. Search Engine Friendly URLs by vBSEO 3.6.0
Des By YsOrI
الحقوق محفوظه لشعراء عنيزة 2004-2014