هذه محاوره بين كل من
شاعرنا وعمدة شعٌارنا صالح بن محمد العميم
و
الشاعر الكبير .سعود بن بجاد الكريزي البقمي
صالح
الا ياسعود العب ولا تقطع الإرسـال=ترى السالفه بيني وبينك خصوصيه
بعد ذقت طعم الزاد واخذت لك فنجال=تقرب من الحسنى وبعد عن السيـه
سعود
انا لو إسوٌى شيلةٍ ما لهـا شيٌـال=كما اللي يبيع بسوق مابه شريطيـه
مصير الجمل يتعبك ياحضرت الجمٌال=يتعٌبك بالروحـه ويتعبـك بالجيـه
صالح
بعد ساعةٍ ياسعود ويحلها الحـلال=ولو ماش فرقٍ بين هـذي وهذيـه
نثني الجمل ونحط له باليمين اعقال=ويدق التراب اشعيل ويديه مثنيـه
سعود
انا طول ليلي منتظر وافي المكيال=وعيني على شوفة عميلي شفاويه
سمعنا سمعنا فتنة الطاغي الدجال=وانا نيتي بعْصاه والنيـه النيـه
صالح
تخيٌر عن المنزال ياسعود لك منزال=وربك بسط سبعٍ وسبـعٍ سماويـه
انا خايف ان الحبل يبحل به الفتال=ولا ينفع الفايت كثيـر الحسوفيـه
سعود
يقنٌعـك بيـت الحـق واقنعـك بالمعـدال=يابـو حجـةٍ ماهيـب ميـه علـى ميـه
وابمشي مع ابن العم وامشي مع ابن الخال=لـو انـه يحاربنـي بحربـه وجنبـيـه
صالح
انا وانت ما من فرق في حِقٌة الحبٌال=ولو صمت كل الدهر نيتك وهميـه
ياليتك تعرف الحق يالشيخ ابن هذٌال=تكب الطريق اللي به الداب والحيه
سعود
تسولف مع الطيٌب وتضحك مع البطٌال=وحجتك عند الناس بالعكـس مقريـه
وصيٌتك تسوى مير علم بها الجهـال=ولا ني بحاجتها ولـو هـي مبريـه
صالح
عذلتك عذلتك مير مـا فـادك العـذٌال=وتاطى السريح اعماد في كل عصريـه
وابمشي مع الرجلي وابمشي مع الخيال=وانا اعد روحي مـن رجـالٍ غناويـه
سعود
اعايدك يوم العيد بـاول شهـر شـوال=ولن كنت زعـلان احتسيتـك بعيديـه
جميع الحيل ماهيب تمشي علي المحتال=احط السهم فيـه ويـرد السـم فيٌـه
2007, 08:51 PM
محاوره بين الشاعر صالح بن محمد العميم البقمي والشاعر سعود بن بجاد الكريزي البقمي 
العرض العادي
المواضيع المتشابهه 
