غليث السباع الله يكافيني من نابه (محاوره..المغيولي وابن حسن)

فـهـ التميمي ـد · #1 2007, 01:56 AM

اقتباس:

المشاركة الأصلية كتبت بواسطة KFAA

بسم الله الرحمن الرحيم

محاورة شعريه بين الشاعر / حمد المغيولي والشاعر/ محمد بن حسن
في عيد الفطر عام 1406هـ

حمد المغيولي..

سلامي وقصر الملعبه فاتحٍ بابه=انا لا تقول اليا انفتح باب صكيتـه
ليا قام صف الملعبه فأنتم اسبابه=والى من تردا لا تقولون خليتـه

محمد بن حسن..

هلا مرحبا حييت يا راعي الجابه=وكلن يحامي ياجماعه على بيتـه
بعد شفت من خانه على الصيد مخلابه=ابادخل وياليته على اللعب ياليتـه

حمد المغيولي..

ألا يا الطويل اللي مع الغيم مرقابه=عسى فرضك اللي فاتك العصر صليتـه
أدور على اللي شال سيفه ومشعابه=لو انه مع أقصى الناس ذا الليل ناديتـه

محمد بن حسن..

وانا اقول عز البيت من طقت طنابه=ولو تطفي النيران ذا الليل شبيتـه
ابلعب معه وان كان جاوب على اصحابه=ولو ينوي الملعوب ذا الليل بديتـه

حمد المغيولي..

وحيش الجبال مجمع ضباع وذيابه=وانا لا رميت الذيب سرحان ما خطيتـه
على القبله اللي راس ابو زيد صلابه=لو انه يشيل العلم لحسين وصيتـه

محمد بن حسن..

ترا كل علمً ياشقر الريش يدرابه=بعد حلي البراد وشلون حليتـه
واظنه يميز مسجدً بان محرابه=ولو لا كلام فلان وفلان سميتـه

حمد المغيولي..

كثير الحلا ذوقه على كيف شرابه=وانا باعرف الليمون من بعد مصيتـه
ليا جنبت مابه تناكيد وطلابه=مع اللي سرا علمه مع الليل سريتـه

محمد بن حسن..

إلا بان لك مابان قيس له ثيابه=طويل الرجوم اليوم ياناس عديتـه
سرا الليل يا رجال والمال بجرابه=لو أن الحبال بحضرة الناس مسيتـه

حمد المغيولي..

اقول اليالي السود ماهوب يسرابه=واقول احذر البنزيم من شر كبريتـه
غرامي على اللي قافرً مارزق دابه=لو انه على ما باشتهي ما تعديتـه

محمد بن حسن..

صدقت بكلامك لكن الملعب مجابه=اجرب ونفس العبد عقب الحيا ميتـه
مادام الجمل مقضوب مافكو قضابه=ابا نشدك عن شيً من العام خفيتـه

حمد المغيولي..

غليث السباع الله يكافين من نابه=وبعض المواتر خالطً ماه مع زيتـه
مع الوادي اللي كل حيً تمشا به=مشينا صلاة الظهر والدرب قصيتـه

محمد بن حسن..

انا موتري مضبوط ما خان ركابه=ولو يعترض مظهور باثنين نطيتـه
يقولون بين الناس هرجات وطلابه=مادام السند بين الرجاجيل مظيتـه

حمد المغيولي..

انا ما غزيت الطرش في راس معزابه=ابي موتر التهريب للعرق حديتـه
نهار الفزع يحتاج مدفع ودبابه=واظنك من اللي للفزع ظاهرً صيتـه

محمد بن حسن..

ترا موتر التهريب خلاك في طلابه=ولا عندك إلا الجيب كان انت داريتـه
ليا جيت للفزعه ترا الناس حرابه=رجالاً على الفزعات ما ينطفي ليتـه

حمد المغيولي..

عليك السمات الله عسى الخير تحظابه=لكن الخطر والليل والضلع وبهيتـه
يضيعك نجم سهيل ذا الليل بحسابه=علامك تبهر دلة الكيف حلتيتـه

محمد بن حسن..

تراك الدليله كان ذا الليل يمشابه=ولو ما لقيت الدرب مضبوط ما جيتـه
يجيك الكتاب و صاحبك تقطع كتابه=الا يا رجالً تسمعه يوم غنيتـه

حمد المغيولي..

صليب المشوك يفجر القلب مضرابه=لو انك تحسب للخطر ماتبنيتـه
عسى الله يثور راس حي تلهابه=بعد ما وزنت الحمل شلته وحطيتـه

ارجو ان يعجبكم اختياري

تقبلوا تحياتي
KFAA

ودمتم بخير

المحترش · 2008, 05:36 AM

هذا اللعب الي عليه الكلام محترفين

فـهـ التميمي ـد · 2008, 10:17 PM

الله يعطيك العافيه

وشكرا على مرورك الكريم

دمت بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وقفه مع حمد المغيولي .. رحمه الله	ماجدونا	حمد عبدالرحمن المغيولي (أبودحيم)	55	2010 07:04 AM
الشاعر حمد المغيولي رحمه الله	ابوسحر	منتدى المواضيع العــــامة	12	2010 06:44 AM
المغيولي وابن حسن ((محاوره))	فـهـ التميمي ـد	محمد عبدالله بن حسن	4	2008 10:19 PM
ابو حمد وابو ماجد ( رحمهم الله )	ماجدونا	عبدالعزيز حمد البادي ( ابن بادي )	0	2007 10:49 PM
روائع حمد المغيولي (رحمه الله)	الفارس الصغير	حمد عبدالرحمن المغيولي (أبودحيم)	8	2007 01:41 AM

الذين يشاهدون محتوى الموضوع الآن : 1 ( الأعضاء 0 والزوار 1)