وين صاهود انشده

(الذيب) · #1 2007, 02:27 AM

وين صاهود انشده ويترجم البرقيه=شفت لي شوفه غريبه في قناة الدانه
شفت لي اربع جمال امبركه بالفيه= والاخير امن الجمال اللي بدت نيبانه

صاهود · 2007, 02:52 AM

صح لسانك هلا بالذيب

مرحبا بالذيب هات الفكس يالله حيه = الكتاب اللي كتبته مايعوق أقرانه
الجمال اللي نضرته مابها ماريه = والبعير اللي تقوله مابدت لحيانه

(الذيب) · 2007, 03:10 AM

صح لسانك

الجمل بين ولايخفى القلوب الحيه=والعلامه كل مايطني ايمد لسانه
عقب هاك العز شانت بالحياة النيه=وانت رجالن تعرف الخط من عنوانه

فـهـ التميمي ـد · 2007, 03:18 AM

عدل عدل

العبوووووووووووووا

وانا بمسك صف

الين الفجر

صاهود · 2007, 03:26 AM

صح لسانك

الجمل تبي الحقيقه ماعليك خفيه = اعرفه والوسم كبر بالبلد من شانه
مرتكا للحمل فشلنا مع الطرقيه = عقب هاك الفارس اللي ركبوه احصانه

صاهود · 2007, 03:28 AM

هلا بك اخوي فهد مرحبا

(الذيب) · 2007, 03:40 AM

صح لسانك

رايك اللي تذكره من راي ابو طاقيه=واما انا رايي اشوفه ماخذ له خانه
انت ودك تبعده عن خط ابو حدريه=واثر صاهود بحلوم الليل مثل اخوانه

صاهود · 2007, 03:52 AM

اهب

يوم وجهت العشاء زغلت بالصفريه= وش يفكن يوم انا اسرق من طرف قرصانه
خابرن شكل الحنش مير انت راس الحيه = كيف بعض الناس بالفتنه تجي فنانه

(الذيب) · 2007, 04:08 AM

والله اني ماعطيتك كلمتن ملويه=مير مايمديك ثعور بالسما دخانه
انت ضارب لك عن خطوط البلد ردميه=انكسر قير التريله وانفجر شكمانه

وحياك اخوي فهد.. واسمحولي تصبحون على خير

علي الخطيب · 2007, 04:17 AM

صح لسانكم والله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صاهود دامك مواطن	(الذيب)	منتدى المواضيع العــــامة	9	2007 09:55 PM
صاهود هات البطاقه واصعد الريل	(الذيب)	منتدى المواضيع العــــامة	10	2007 01:31 AM

الذين يشاهدون محتوى الموضوع الآن : 1 ( الأعضاء 0 والزوار 1)