.. الدكان ..

مبروك هالدكـان يابـو سليمـان=اللي سواتـك يستحـق التجـاره
الهقوه انـك ماتـدوره للاثمـان=والحـر قالـوا يفتهـم بالاشـاره
تبسط ضحى وسطه وتبسط مسيان=لا وهنيـك حـول ذيـك العمـاره
اللي بها بعض الغناديـر سكـان=واللي يجون مـن البلـد لزيـاره
انا اشهد انك حشت موقع وجيران=وكـلٍ قبـل داره يـدور لجـاره
تراك رابح لو مباعـك بخسـران=شوفة حسين الزول تمحى الخساره
ولا ترى سوق البضايع بنقصـان=انا اشهد انه حظ ماهـي شطـاره
واسلم وسلم لي على كل الاخوان=الله يديمـك بيـن ربعـك منـاره
حيثك لهشال الخلا تذبـح الضـان=حطيت بيتك فـوق راس الزبـاره
كنك مصوت بالعشاء يلبن نوشان=ياقرب قصر الحكم عنـد الامـاره
والله لا اجي لك كل يوم وشفقـان=لو انت تسمح لي بشرب الزقـاره

ثم رد عليه الشاعر عبدالله النوشان بهذه القصيده

يامرحبـا بالعلـم لـو انـه اشقـان=من شاعـر قـام ايتقـادح شـراره
اهلا وسهـلا عـد همـال الامـزان=واعداد وقت الحج رمـي الحجـاره
عزيزٍ لـو انـه قبـل كـد تناسـان=وضرب بخطي لايحـه مـن اجـداره
واليوم عـرض لـي علـى ميـدان=مابين صدق ومزح وسـوة عيـاره
يامتهم ربعـه علـى غيـر برهـان=يادبيـس سنـدا والمعانـي مهـاره
كر النظر والهـرج يحتـاج ميـزان=وابـرك لحملـك ياقـوي العـبـاره
وش بـك تصـدد ياجملنـا بليهـان=مـدري كبـر ولا تمـدن حضـاره
واللي تشيـر اليـه مانيـب شفقـان=ماذقت من حلـوه عشيـر المـراره
وان كان تاتبسط فأنا اصيـر عـوان=وادفع لك اول قسط وادفـع بشـاره
حتى تشوف اللـي تمنـى بالاعيـان=وابزيـد قلبـك بـرد ولا حــراره
وانا طويت ارشاي واقفيت من زعلان=من يوم صار البس يطـرق النمـاره
وصار الحمار اطول نفس من كحيلان=والمولع الصقـار عـاف الصقـاره
ديار الهوى تفحيط والطيـب دخـان=وتشبهوا اعمسين الاريـاء بسـاره
عندي علـى هـذا دلايـل ووكـدان=من كثر ماشفـت الصبـر والعيـاره
يقولـه اللـي موفـي كـل ديــان=وكـلٍ يبـي يعطيـه قيمـة وقـاره
مالي بطول الشرح والقلـب مشتـان=واسلـم وصافـح ياصبـي النـداره

ثم رد ابن حسن عليه

جان الكتاب اللي على غير عنـوان=واحترت كني بيـن نـاره وغـاره
من شاعرٍ ماهوب طاغي وفسقـان=عندي به انه ضابـطٍ كـل شـاره
لاشك شين الوقت يخلف بالانسـان=والمختفـي لابـد يكشـف ستـاره
هذا وانا مانيـب بالقـول غلطـان=لاشك بعض الناس هرجـه غـراره
مثل الحصان اللي بلا سرح وعنان=يركض ولايدري بوسـط الكـراره
ولا وقـع مافكـه فـلان وفــلان=وكم واحدٍ موتـه سبيـة الجسـاره
واللي وصلني منك هذيك الازمـان=يوم بعض النـاس جابـه جـداره
امقمعٍ ثارت علـى غيـر علمـان=بنـدق بديـح ماضبطتـوا عيـاره
ان كان ماجا الصاع بالكيل مليـان=ما والله ادفـع لوبتـي منـه بـاره
وقتي ضحى توه ووقتـك مسيـان=اقبل عليـك الليـل واقفـى نهـاره
مانيب هايب في ضحى الكون تلقان=اقف وقابـل بالقشـر كـل غـاره
وان كان انا صديت صدي على شان=عندي ظروفـي لاتحسبـه دشـاره
والله فلا اخطي مير خصمي تحـدان=والعاقل اللـي ثابـت ٍفـي قـراره
برق وقول انك على الـرد تعبـان=نجـار لكـن جـاهـلٍ بالنـجـاره
افهم وش المقصود ياذرب الايمـان=ماكـل دولـه ينفتـح بـه سفـاره
ان طعتني جاز الحساني بالأحسـان=ياحظ من حـط الحسانـي شعـاره