يقول ولد الخال وصلت هذه القصيده من الشاعر دحيم النومس عندما قمت بأهداء ديوان والدي له وقد املاها علي تلفونياً يقول فيها :
يابن الخال لولا الطيب مبداك يابن الخال=لك الله ماناديك في روس الامثالي
علومك علوم الطيب في كل طيب اتقال=حسب ماسمعته عنك والطيب ينقالي
ولا انته بحاجة للشهاده وشكي زال=فداك الردى اللي عن الطيب ماسالي
ديوان التميمي والدك طيب الامثالي=قصايده تشرح صدر من عاش الاهوالي
قريته قريت اجمل شعر والصحيح ايقال=وهو بالصحيح ايفوق تقييم الاجيالي
عسى الله يجعله عن المخطيه منزال=ويسكنه جناته وله جزل الاعمالي
17/11/1419هـ
ولقد جاوبته شعراُ بقولي:
هلا مرحبا حييت واهلين يارجال=عدد ماظهر للناس بيجر وجوالي
او اعداد ماشفت عيونك قمر وهلال=من القلب مهديها على الصاحب الغالي
بعد ما وصلني منه من طيب الاقوال=احطه ولو طالن الايام في بالي
بعدها نبي ننشدك يادحيم كيف الحال=وش اخباركم ياحايز المركز العالي
يابو شايم الشايم عن الجهل والجهال=مثيله نعده صدق من روس الاموالي
مادامه على ماوحيت للمرجله مدهال=يبي يذكر الاول سوياه للتالي
سواة الدجيما والتميمي وابن هذال=يزول الفتى والفعل موجود مازالي
25/11/1419هـ
2007, 01:12 AM
يابن الخال لولا الطيب مبداك يابن الخال 
العرض العادي
المواضيع المتشابهه 
