دهاني من زماني ما فجاني

دهاني من زماني ما فجاني=وسم الهم حالي وابتلاني
وفاجاني من احداث الزمان=شقا المنعوب والمكتوب جاني
وجاش الجاش من بعد السكون=وثقل العقل بدّل بهلواني
وفرّ القلب من كنّه لكنّه=بجمر السمر من شد امتحاني
وسلّ من الحشا قلبي بهونٍ=كسلّ النقش سلك القرمزاني
وساق الساق خشف عاق نوي=شقا المشتاق فيمن عاق شاني
عبل بالي هوى طفل غرير=حسين الدل سلطان الغواني
عديم الوصف ما يوصف بجيله=تهايا الحور به والنور قاني
غضيضٍ تاه ببروج الشباب=غريم في سهم عينه رماني
رفيع الكار قدر البيض عنده=كما الصعلوك عند البزرقاني
دقاق الزين للعشاق خده=كما البرّاق براق الثماني
كما بدر الظلام إلى تجلى=غمام المزن عن بدر الزماني
إلى ما فاض ناض ألحاظ طرفه=تسلل به سيوف الهندواني
بطرف الترف صرف الحي منها=بهن حسام سام الموت باني
شفا عذب العِذاب شفاه شهد=سلسل في نظيم القحوياني
ودَقّ في دقاق أرناق خده=على الأوجان نقش الزعفراني
تسفّه بالتعجرف والتغطرف=إلى أقبل مثل غصن الخيزراني
عليه من اليدق والطر دلٍّ=إلى انهر مثل زهر الديدحاني
فلا يا ويل يا عزّي لحي=يرى ما شفت به سحر عماني
لحبّه فر قلبي من فؤادي=كما المسمار نحو الماص حاني
فلا يا من شغف قلبي بوده=عليك بحق ما جا بالقراني
توجِّه من توجَّه في كتاب=على المختار نزل بالبياني
تروف بحال مفتون شفيق=عن المطعوم مطعون بزاني
وتبدل يا عديل الروح صدك=بلين وانعطافٍ منك داني
فلا يوم سلف ما بك هذيت=ولا نيمٍ بسري واعتلاني
ولا وقت مضى أو زل ساعة=ما رفّ القلب مع نطق اللساني
إلى مني ذكرتك جال عقلي=وهل الدمع واصطفقت عياني
أكفّ الدمع بالكفين عجلٍ=إلين من الدما كلت بناني
كيف الود يجازي بالصدود=ومطلات الوعايد والتماني
فلا واجرح من زلت حياته=بكظم الغيظ من صرف الزماني
بدهره مولع ما ذاق راحة=وشب وشاب أبو عشر وثماني
ولا خل على ما بي يشاكي=ولا شفق من الدانين جاني
يداوي أو يعزّي أو يمالي=لحالي واشتغالي وارتهاني
فلا أرجي والتجي واشكي حوالي=سوى من كل يوم هو بشاني
ولي باسرار بحر الفكر غايه=الى فاجان ماجابه زماني
نهض فيض كنفض الغيظ منها=بعزم فيه متقون المعاني
غريبات المجاني جزت بحره=من الفيروز والمرجان جاني
على من هو سعى باتلاف روحي=أظنه لو يراني ما براني
ومن سقواه هجران وصد=ونقص العافيه كاسه سقاني
فيا الغرياف ما يزداد مابي=من البلوى لفاني ما كفاني
تمنيت الوصل وزل عمري=بغلٍ وامتحانٍ وانسجاني
ورف ما دام بالعمر امتناع=ترى اجلي دانيٍ والعمر فاني
فالى ما فزت في زهرة حياتي=فبعد الموت ما اسأل لو جفاني
فلا بعد الحياة أرجي نوال=ولا بعد الممات أخشى الهواني
وصلى الله على الهاد الشفيع=مزيل الشرك غشّ البانياني