شارك الشاعر محمد بن حسن في ليلة ٍ شعرية ٍ حمعت عدد من الشعراء المشهورين بحضور سعادة محافظ مدينة الزلفي وسعادة الدكتور عبدالرحمن الفريح عضو مجلس الشورى وعدد من وجهاء واعيان قبيلة بني تميم وذلك في ظيافة الشيخ عبدالله ابونصيه آل حسين التميمي في حوطة بني تميم يوم الاثنين الموافق 14/8/1428هـ
وذلك بعد دعوته لتمثيل قبيلة بني تميم في فن المحاوره
وهذه محاورته مع الشاعر مانع بن شلحاط العجمي
ابن حسن
سلامي تسليمة وفا وانا تميمي من تميم=حبيت اشارك مع بني عمي وأزور ديارها
من شان ابن عمي وابن شلحاط جيت من القصيم=من شان اشوف الدار كيف اصغارها وكبارها
ابن شلحاط
يامرحبا بك عندهم بضيافة الرجل الكريم=ربعك بني عمك وصحبانك واعرف كبارها
في بيت عبدالله الحسين وشوفت الجمع الحشيم=وصفوفنا منا وحلوات الهروج اختارها
ابن حسن
يا مانع الله لايهينك خل خطك مستقيم=والملعبه ذالليل ماودي نطفي نارها
قلي وش اللي صار لك مابين زمزم والحطيم=ولو كان بعض الناس من هالسالفه وش كارها
ابن شلحاط
افتل ذراعك يامحمد وانقل السيف الصريم= وانا على قد العلوم اكبارها وصغارها
حي العلوم اللي تفطن لاتعود سيم سيم=به ناس نعذرها وناس مانحب اعذارها
ابن حسن
وراك ماتلبس جديد الثوب وتكب القديم=والطايره ماتنشلع ياكود في طيارها
لو قلت لك ياولد ابن شلحاط والله العظيم=ماتقتنع يالين اجيب السالفه بصرارها
ابن شلحاط
حنا لبسنا الجنز يامحمد وصاحبنا الحريم=نعرف مساجد ماريبيه مانلد لبارها
ماني نبي الله محمد لا ولانيب الكليم=كيف اعرف صدور العرب ياكيف اعرف اسرارها
ابن حسن
انت تحسب الوعل يابن الناس يشبه للظليم=والفرق بين في يمين اصحابنا ويسارها
فكر وتدري في كلامي يانديم مع نديم=والا الجهل ماهو يقلل فالعرب مقدارها
ابن شلحاط
ربح الكليجا خير لك من ربح موتر الايسكريم=ترا العرب من عصر تفطن في سوالف جارها
ماقرب عنيزه من بريده والحكي سين وجيم=وسمي على الخلفه ولكن درها لحوارها
ابن حسن
ودك تخاصمني وانا ماني بواقف لك خصيم =وضيوفنا ماودنا فوقه نهد جدارها
2007, 04:59 AM
ابن حسن مع ابن شلحاط 
العرض العادي
