قائمة الجوال

 
التسجيل 

قم بالتسجيل الان فى المنتدى

 
البحث المتقدم  

البحث فى المنتدى

 
التعليمات 

اطلع على تعليمات المنتدى

 
مشاركات اليوم 

المشاركات االجديدة فى المنتدى

 
اتصل بنا 

ساهم فى تطوير المنتدى

مرحبا بك

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


العودة   شعراء عنيزة > شعراء راحلون > محمد صالح القاضي


محمد صالح القاضي

العودة شعراء عنيزة > شعراء راحلون > محمد صالح القاضي تحديث الصفحة ناح الحمام و فجع القلب بغناه


إضافة رد
 
LinkBack أدوات الموضوع انواع عرض الموضوع
قديم 2007, 03:18 PM   [1]
 





 






ناح الحمام و فجع القلب بغناه = طربٍ وانا جفني عن النوم ذاير
وعيني تصدع طرفها واندفق ماه = من شوفها صرف النيا والعزاير
وجسمي نحيل مادري ويش بلواه = يسله السلال سر و جهاير
من هجر غطروفٍ تغطرف بممشاه = عينه وجيده من خشوف الزباير
كنيت ادور في مرابيه مرماه = وده وصوبني بسو الحساير
حسب الغرض توه على زمة اصباه = حكمه على طلابة الغي جاير
اقبل مكيس كن غرة محياه = بدر الدجى السيار وان جاك ساير
يشهر سكاكين المنايا بيمناه = على ثمر قلبي حدادٍ شطاير
يزها لمشتاقه بحليه وحلياه = بالكف تقنين الهوى والعباير
حُسن التبهكل ينعش القلب رؤياه = إلى كشف عن حاجبيه الحذاير
ينسف على نابي الردايف امغذاه = أشقر دليقٍ زاهيٍ للحداير
يفز نيم القلب لا سمع طرياه = وان سار بخدور الرقيات زاير
قلت السلام وعز بارق ثناياه = واقفيت واقفى مادري ويش صاير
عذلت قلب المغرم الدرك يصحاه = واقول خلك عن ما صافاك ناير
ويقول قلب المغرم الدرك ويلاه = ما اقوى العزا من شايتينٍ احضاير
الموت والا الوصل هو داه و دواه = يا جابر أجبرني ترى القلب حاير
يا سيدي يا قدوة العين و قداه = دامت لك أيام السعد والسفاير
أشقيتني يا متلف الروح بالله = زر لا تكن فيمن وليت جاير
أنعش ظمى مستهلكٍ جاك بدلاه = خل العيا وانقذ عمى البصاير
عديم رايٍ جور حكمك تبلاه = ثنيت له منع القوى و الوساير
خِلّى طريح وخيل بلواك تاطاه = والوصل للمكسور خير الجباير
صدك لحالي يا اشرف الزين يبراه = بري الغشيم بشامسات النجاير
إرحم عسى يرحمك ربي بحسناه = العمر خيره للفنا و الوداير
واظن وصل الشوق يرفا خطاياه = لا عاد ما يهوى لكم بالثباير
ذنبي صغير و أول الإسلام يمحاه = يمحى الصغاير باجتناب الكباير
و اكبر ذنوب العبد قتله معنّاه = يموت دركٍ و النقد بالذخاير
والعمر لو هو ناعم العود فاتلاه = للدود في عمق الثرى والحفاير
ياليت مابي له من الوجد يبلاه = بلواه لي فالله مدير الدواير
وطرد الهوى ما كل حيٍ بيقواه = سُمّه بلاجي مُهجة الروح ساير
راعيه مثل امهايمٍ داه برداه = لو كنّ رمس النطق واخفى السراير
ينبيك عن خافي كنينه سجاياه = وكثر اعتزال الناس في كل عاير
ولا كل طرادٍ يزينه ويزهاه = واحسن معانيه أجتناب القصاير
دع ذا ويا من ريف قلبي ومشكاه = يا خزن سدى عن خباث السراير
قلبي بميدان الهوى عمست ارياه = وجروح علاتي لجن بالضماير
شف لي طبيبٍ شاطرٍ في مدواه = او طير وكرٍ من فروخ الجزاير
حُسن الطبايع كل من جاه بشهاه = دالوب سردالٍ قوي البهاير
ظرفٍ يديرعقول الالباب بحكاه = لاهل الهوى بمواصل الصلح شاير
لاحل شبكه خضب الكف وادماه = من خرداتٍ بالمنازل عذاير
يلقى خليلي و اربع من دناياه = يلعبن له لعب الفلى البراير
مرباه قصرٍ عالىٍ طال مبناه = إلى من نواه الدرك دلا يخاير
ما يدرك المحتال حيلة ملاواه = لو هو على كف الجناحين طاير
والله لولا خوفتي تشمت اعداه = واخاف يومٍ فيه تبلى السراير
لا حب ركن الدار واطاف مسعاه = واحرم واشاهد له واحل الوزاير
واطلب عسى يصخر خليلي بلاماه = ويريح قلبي عن لهيب السعاير
إلى صفا لي قلت أنا الحمد لله = وحييت واصبح لي هوى الكيف داير
والعب بزمار الطرب واشرف الواه = وارز رايات الفرح والبشاير
لك يا بعد حيي وميتي بلا ماه = وحجاب سترٍ دايمٍ لك مساير


توقيع روح التميمي
تكلم حتى أراك ..!
رد مع اقتباس

إضافة رد

مواقع النشر (المفضلة)

الكلمات الدلالية (Tags)
الحمام , القلب , بغناه , فجع , واد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
محاورة شعرية صوتية (بكرة الجمال) مع الشاعر صالح الكريداء الفتى المفقود عبدالعزيز عبدالله الكريداء 0 2010 12:25 AM
طار الحمام اللي منول زغاليل روح التميمي عبدالله بن عبدالرحمن العرفج 0 2009 01:15 PM
الحمام وبيح القلب مكتوم روح التميمي محمد صالح القاضي 0 2007 03:20 PM
الجمال الخيالي أبو زياد عبدالرحمن العبدالله الهقاص 0 2007 07:16 AM
ياذا الحمام ابو سعد منتدى المواضيع العــــامة 9 2004 03:08 PM

الساعة الآن 10:59 PM
   
 
الساعة الآن 10:59 PM
Powered by vBulletin™ Version 4.1.9 Copyright © 2014 vBulletin Solutions, Inc. All rights reserved. Search Engine Friendly URLs by vBSEO 3.6.0
Des By YsOrI
الحقوق محفوظه لشعراء عنيزة 2004-2014