في رثاء ابن عمه صالح العلي البقمي

علمٍ لفا وانا بلذة رقودي=علمٍ سطت في داخل القلب ضوٌه
ولٌع بقلبي مثل قدح الزنودي=وانهدٌ حيلي ما بقى فيه قوٌه
بكيت لين الدمع حرٌق خدودي=لين الزعل صاب المعاليق سوٌه
علمٍ وكادٍ ما يبي له شهودي=قالوا عطاك العمر خير السموٌه
راح ابن عمي والمفارق يكودي=ابو علي زين البقوم بهدوٌه
صالح عن اسمه في حياته يزودي=يشهد على طيبة جنابه عدوٌه
وجهه على حسن النوايا يعودي=من شبٌته بالحلم ما هوب توٌه
الدين وعلوم الوفاء له وقودي=جوده يجي من باب الأحسان نوٌه
انا اشهد انه بالرجال امعدودي=راع الشرف راع الكرم والمروٌه
مرحوم يامن غيٌبته اللحودي=ما عاد فيها عقب فرقاه خوٌه
مرحوم يا وارث مفاخر جدودي=حصل مكانه بالفخر من علوٌه
مرحوم يامن بالحياة محمودي=في ضف حيٍ سيرته طيب جوٌه
الله يبادر له بحسن الوفودي=كل الخطايا عن نباه معفوٌه