وردت لي ماردٍ ورده عذيٍ قراح

وردت لي ماردٍ ورده عذيٍ قراح=ماهوب مارد هماجٍ للهمج والهمل
امسيت حوله من المغرب إلين الصباح=الله يعيد الليال الطيبه واحتفل
ذي لذة العمر واعلاج السهر والجراح=الله يسقي دياره من حقوقٍ همل
من بين الأفراح هذي والليال الملاح=مادري جرى حلم ولا علم خوف الزلل
مادري وش آخذ وخلي يارفيقي صلاح=الوقت حدد لنا الميعاد باللي حصل
هذي ملامح غرامي بالكلام المباح=قل لي وش الحل ثم إنقض على اللي فتل
انا تراني مثل طيرٍ كسير الجناح=عطني يمينك عساها ما يجيها الشلل
اقضٌي الليل كله بالسهر والنياح=والحب حطٌم سلاطينٍ تقود الدول
يالله يالله يامجري هبوب الرياح=تلطف بحالٍ من الهجران نش وذبل