يامرحبا بالفيصلين ملبيين الطلب

يامرحبـا بالفيصليـن ملبيـيـن الطـلـب=ترحيب يبداء بالا ميـر وينتهـي بالاميـر
عينين في راسٍ تعلا فـوق هـام السحـب=ايصافـح الجـوزا ويهـدر بالثريـا هديـر
من شَجْرةٍ ساسه عريب وراسها منتصـب=واوراقها ضلٍ ضليل وطلعهـا طلـع خيـر
يامرحبا ترحيب غالي مثل صـرف الذهـب=والين من الديباج وانعم من سلوك الحريـر
غالي ويرخص للرجـال امعربيـن النسـب=أهل العلم واهل القلم واهل الحسام الشطير
هذي عنيزه تحتضنكـم بالسعـه والرحـب=شعشع سنا نور الفرح في جوها المستنيـر
شافت مطانيخ الرجال وزغـردت بالطـرب=واهتز منها الروض وانبت ريح مسك وعبير
الديره اللي ما لحقهـا فـي ولاهـا عتـب=في وقتها الماضي وفي تال الزمان الاخيـر
ما نرتضي شقر العصى مهما يكون السبب=شقرة عصى الطاعه على الحكام شئٍ خطير
تبت يدين المرجف المرهب ومسعـاه تـب=ماهوب لاقي تربةٍ خصبـه ولا لـه نصيـر
الجسم متلاحم ولا بالجسـم قلبـة عصـب=وحدة تلاحم مع حكومتنـا ووحـدة مصيـر