ياناشد عني

ياناشدٍ عني وأنا اليوم ناسيه=اللى صطى بالقلب عبى فراغه
اللى بنا بحماه عالي مبانيه=وصفه يحير دارسين البلاغه
مدوخن حبه الى قمت الاويه=يصبح فراشي مع حبيبي مراغه
كني من الدوخه وأنا بين أياديه=طيرٍ صوابه صتمةٍ مع دماغه
الى التفت لي واستعديت أشاكيه=يصيبني من صلف حبه لتاغه
مهوب صبغ الحب يقواه راعيه=مدبوغ قلبي بالمحبه دباغه
ماغير تركيه حبيبٍ نباريه=غسلت قلبي ماعلقبه به صباغه
الزين عانقته وأنا باخصٍ فيه=مانيب أشوفه من ورا كيس باغه
يقبل علي وتالى الأسلاب يرميه=يرهش على زمة نهوده مصاغه
خشعت وعيوني لخلي تراعيه=أسبح اللى كمله يوم صاغه
من حب زولٍ مثل حبي يواليه=يفداه لو يرهن من أجله شماغه
راع الهوى طفلٍ يبي من يناغيه=لاتتركه يازين يازين ناغه
ماردك عذب وغير ماردك مابيه=صاغ القدح لي ياهوى النفس صاغه