السلام عليكم ورحمة الله وبركاته
هذي الالفية للشاعر حمد العلي الهقاص اتمنى انها تحوز على رضاكم وعذرا إن كان هناك اخطاء املائية لانها طويلة ومنقولة من ورقة قديمة كتبت باليد ولكن ان شاء الله ما يكون اثر بشيء فيها وهذا اللي شبه متأكد منه
...
بالالف ابدى ثم اولف لي جواب=اسربه واصفاه عن لوم وعتاب
من دون منقود واجيبه من صواب=لانقص لازود ولالي به مرام
البا بلني يوم لاقني صباح=بالسوق يمشن وافزعني بالصياح
ظنيت ظن قلت ماهنب الصحاح==والا سهيرات تحت جنح الظلام
التا تعوذت ودنيت بقربهن=قلت السبب لصياحكن ما تستحن
قالن ننادي لك وهن ما يكذبن=تعال واحكم بيننا حكم التمام
الثا ثبت عندي بلاشك وريب=على انهن جاء بينهن شقات جيب
هذي تقول اني دوى الجرح العطيب=وهذي تقول اني انا ملح الطعام
الجيم جمعت الهواجس وانتخيت=نهرتهن وقلت ما عمري قضيت
السالفة صعبة وانا ما كد قريت=ومن قال لكن اني انا احكم الغرام
الحاء حماك الله قالن اجتهد=فك المشاكل لا تروح وتبتعد
والله يسامح كل منهو يجتهد=لو كان مخطي بالشريعة ما يلام
الخاء ختمت الصوت مدري ويش اقول=اخذت لي ساعة مصاب بالذهول
محتار والهوجاس في فكري يقول= انشد عن اسماهن وتبدى بالخصام
الدال دوبي قلت من وين الوطن=قالن من الديرة عريقين السكن
قلت اسمكن من شان احكم بينكن=اقول ذي احسن وهذي يا سلام
الذال ذاعت قالت اسمي بالجهاد=مع خيل عنتر يوم يبدي بالطراد
واللي يقول بقى يعتز به طير الهداد=كان انت عراف وتحتق المقام
الراء رجعت وقلت وانتي يا غزال=اسمك وقالت لي انا بنت الدلال
جينا نبي حكمك لنا نص وعدال=من شان لك فكر وعرف بالنظام
الزاء زعلت وقلت ودي بالمسير=لاصرت مادري ويش اساميكن تصير
مانيب مكلوف على شي عسير=لغز الهوى خلوه يا فروخ الحمام
السين ساعدنا بحق الله وقل=واختر لنا ما تشتهي بليا زعل
حنا رضينا بك على حكم العدل=دور لنا اسمين من دون الانام
الشين شفت اللي يناسبهن جميع=قلت واسميكن وكل منكن تطيع
ترضون في ماقلت لوماهو سنيع=والا ارحلوا تلقون غيري والسلام
الصاد صاحت قالت اختر لي اسم=قلت انتي الخضراء بزولك والرسم
والثانية خافت وقامت ترتطم=بالصوت خافت لا يجي حظه عدام
الضاد ضحكت لي وقالت سمني=قلت اسمك السمراء وهو اسم غني
لاذا ولا هذا ولا ذا همني=بلوى بليتوني ومثلي ما يظام
الطاء طربت لهرجهن من غير غش=مرتاح لا راجي ولاني مرتهش
وانا بجنبي كل غصن منتعش=الريح بتراء والطعم قند ومدام
الظاء ظلمت النفس يوم اني اجي=راح النهار ولا انتهى بي مخرجي
بس السوالف ذي تروح وذي تجي=الكل منهن ماظهر منها كلام
العين عين قلت للخضراء ابتدي=قالت انا الدنيا وكلش في يدي
انا الطبيعه وافتهم يا مسندي=غنت بي الشعار في غرب وشام
الغين غرد لي حمام وكل طير=والا وقع بالدوح يلقى كل خير
اعالج المجنون دايم والضرير= من عقب وال العرش الي صابه سقام
الفاء فوانيس الرياض الممحلات=تلقاه بفروع الغصون المزهرات
القاف قالت لي بحق عيوننا = في ذمتك يصلح غدير بدوننا
تشتاق له من دون شوف زهورنا=قلت اسكتي لا توصلينه للذمام
الكاف كلن له بذا الدنيا مزاج=الدور للسمراء عسى نلقى خراج
نشدتها وش لك قالت لي سياج=كل الكلام الزين خله لك ختام
اللام للسمراء بذا الدنيا صروح=طول الدهر هذا يجي وذا يروح
صحيح لا كذب ولاهي من شبوح=رب السماء اهلك بنا حام وسام
الميم ما تدري ولا عندك خبر=لا بالسمر لك لفته ولا بالخضر
حنا السمر يطلع بنا نور القمر=وحنا سواد العين بعيون الكرام
النون نون العين حنا له حجاب=دايم على وجيه الرجال اللي إتهاب
لو جبت زين الخضر ما يكمل نصاب=سراب صحصاح وغش مع عسام
الواو واللي رافع سبع الطبوق=وسبع بسطها للبشر اني صدوق
قلت انكن بنات ح واء بالحقوق=كل على ما قدر الله له مقام
الهاء هبيل القلب من طاوع هواه=الي حصل له وقفة ضيع رجاه
ينسى عشير عشرته ماله سواه=حاشاك كيف انساك يا بدر التمام
اللام الف اللي لهف روحي عليه=لامنه تسليم ولا هرجي يجيه
محروم والمحروم قلبه ما يتيه=اخترت انا منهو سقاني سم سام
الياء يقولون الصبر مفتاح باب=باب الفرج مقفول من عز الشباب
قلت آه انا الضميان من طرد السراب=أتعبت روحي والمنايا لي ختام
يامن على مفتاح صدري صرت امين=ادخل وناظر من يسار ومن يمين
ادخل وتلقى صورتك عند الوتين=خفيتها وعلقتها بي نالعظام
علقتها والخيط من عرض الوريد=خليتها تومي على قلب لهيد
عساه يبرد من لظفى الشوب الشديد=تدله وتنساني وانا اللي مستهام
وسلامتكم
للشاعر // حــمــد الـــعـــلي الهقاص البقمي... عنيزة
* عذرا على التأخير اخي ابو حمدA ولكن إن شاء الله انها تعجبك ..
تحياتي للجميع...
بدر..
2007, 04:18 AM
الألـــــفــــــــــــيـــــــة * 
العرض العادي
