أنا محب وراعي الحــــب مـــا ثـــــــــوق ..!

يا(ديم) لوعندك رصيدي من الشــــــوق = مَرّ الشهر حلو الكرى مــــــا تذوقـــه
تصير ما كنــّـــــك مع الناس مخلـــــــوق = وقلبك تمزّ ع كل يــــــوم ٍ عروقــــــــــــــه
ليته يجيك اللي يجينـــــــي من العـــــــوق = تشو ف كـــذ ّاب الهوى مـــن صـــــدوقــه
أنا محب وراعي الحــــب مـــا ثـــــــــوق = يصدق الى من قــــــــال نفسي شفوقــــــــــه
والله ما ارخصتك ولا عافـك الــــــذوق = والقلب لك عرش ٍ من الحب فوقــــــــــــــه
ما عا د لي في سيرة القلــب منطـــــــوق = انت الذى لا قــلت قولـــــــك يسوقـــــــــه
لا تختلف خلـــــك من القلـــب للمـــــــوق = واللي وفى لك بالهـــــوى لا تبــوقــــــــــــــه
الحب مـــا يشــرى مثل سلعة الســــــــوق = وقلـب المــــوده مـــــا يبي غيـــر شوقـــــه
شـــره ٍ عليك وخافقي منـــــك محــــروق = ياكيف مثلي مــــا تــــــودّي حقوقــــــــــه
حيــّــرتني ما بين ســـارق ومســـــروق = ما ذيب سيـــرة عاشـــــق ٍ وامـْعَـشوقـــــه
لا يا بعد من قالــــوا النـــــاس زملــــــوق = وزين الخلا يق رُبْـــع زينـــك يفــوقـــــــــه
مابيك انا تمشـــي على غيــر طــــاروق = خلّك مــــــع اللـــــي بيّــناتٍ طروقــــــــه
ترقى معي في منــــــــزل ٍ للغلا فـــــــوق = و عينك تشاهــــــد كل يــوم ٍ شروقــــــــه
تلقى الوفا مـــاهي ســـــواليف مطفــــــوق = يبرق ولــــكن مــا تعـلـّـــك بــــــروقــــــــه