بسم الله الرحمن رب السماء العالي

بسم الله الرحمن رب السمـاء العالـي=قبل الكـلام وقبـل شـيٍ علـى بالـي
كل أمر ما يبـدا بـه إسمـه وينتهـي=مبتور 0 جعل البتر ما هوب من فالـي
وصلاتي وتسليمي بعـد ذكـر خالقـي=على الصادق المصدوق والصحب والآلي
ومن بعدهـا بسـم الأميريـن نبتـدي=الفيصليـن إرموزنـا نسـل الأبطالـي
ستر القصيـم إلـى بـدا لازم الطلـب=ذخر الملوك اللـي لهـم منـزلٍ عالـي
ملوكنـا الـلـي مالكـيـنٍ قلوبـنـا=فـي حبهـم مـا عندنـا رد وبدالـي
في ضـل ابـو متعـب نجـدد ولائنـا=وننشر له البيضاء على راس ما طالـي
وبسـم المحافـظ والأهالـي جميعهـم=في ليلةٍ يكـرم بهـا مـاض الأفعالـي
وقفـت فيهـا واتـشـرف بماقـفـي=أهلّـي بكـم تقديـر واكـرام وجلالـي
هلا مرحبا ما لجلـج الطـرف بالنظـر=ومـالاح بـرّاقٍ ومـا هـلّ همّـالـي
وهلا مرحبا ترحيبـة الأرض بالمطـر=بعد الدهـور إلـى تتالـت والإمحالـي
وبشّـر نبـات الأرض وازدان وجههـا=وجاء للنبات أرناق والـوان واشكالـي
وهلا مرحبا ترحيبـة الضيـق بالفـرج=إلى إنزاح هم الضيق بالصدر ونزالـي
وهلا مرحبا ما سارت السـاق بالقـدم=في كل مخلـوقٍ بالإقففـى والاقبالـي
مـن نزلـة آدم للبسيـطـه وحــوى=لمى نفخة أسرافيل في يـوم الأهوالـي
بابنـاء علـي الله يعـطـر منـازلـه=ويجعل لروحـه جنـة الخلـد منزالـي
علـي التميمـي والتميمـي مواقـفـه=معروفةٍ في ماضـي الوقـت والتالـي
يشهد له الصاحب ويشهـد لـه العـدو=ما ينكر المعـروف والفضـل رجالـي
ولو كان غائـب حاضـرٍ فـي قلوبنـا=بالأربعـه والأربعـه نعـم الأنجـالـي
طـلال مـع طـارق ونفخـر بذكرهـم=وهشام واحمـد كلهـم فـال وعقالـي
هم الأمـل بعـد الله فـي بـرّ دارهـم=باريس نجـد أم الجمايـل والأفضالـي
ويشكر لهم مـا قدمـوا مـن عطائهـم=الشكـر حـق وكلمـة الحـق تنقالـي
والــدار مـثـل الأم والأم بـرهــا=كبير وعظيـم وعظّمـه ربنـا الوالـي
واجب على اهلها ولـو طـال بعدهـم=يبرونها والبـر مـن خيـر الأعمالـي
والعرف ما يعرض علـى رأس عارفـه=الحـر يـازن بـالإشـاره ويكتـالـي
وفي خاطـري كلمـه بعـد إذن حفلنـا=تجـول مـن بيـن الحنايـا وتجتالـي
طارق عسى ما يطـرق الهـم خاطـره=أعرفه معرفـة قـرب ماهـو يورالـي
أدب وذوق وخـف نفـس ومعـرفـه=ولطفٍ يسوقه سوق مـع كـل فنجالـي
بضيافتـه جلـسـت مــده كأنـنـي=راعي محـل وكنـه الضيـف يبرالـي
ياطيـب هالرجـال ياطيـب معـدنـه=لله در أمٍ رضــع درّهــا الحـالـي
كـلٍ يعـد اللـي يـواجـه ويـذكـره=ما نيـب اقولـه قايلـه راع الأمثالـي
إن خيـر ولا شــر لابــد ينـذكـر=للخيـر مـعـدالٍ وللـشـر معـدالـي
وياتيـك بالأخبـار مـن لـم تــزوده=عبر الزمـن والنـاس راحـل ونزالـي
وصلّيـت بأولهـا واصلـي بختمـهـا=على الصادق المصدوق والصحب والآلي